ଦମନ ହିରୋ ପାଲଟିଲେ ୧୦୮ ଆମ୍ବୁଲାନ୍ସ ଡ୍ରାଇଭର । ଖଟିଆରେ ବୋହିନେଲେ ରୋଗୀଙ୍କୁ …
1 min read
ରାୟଗଡା ; ଦୁର୍ଗମ ଅଞ୍ଚଳ ବିକାଶ କେବଳ ପ୍ରତିଶ୍ରୁତି ରେ ସୀମିତ। ସରକାରୀ ବାବୁ ଙ୍କ ପାଦପଡୁ ନ ଥିବା ଏହି ଗାଁ ରେ ଗ୍ରାମବାସୀ ଙ୍କ ଦୁର୍ଦ୍ଦଶା ନ ଆଖିରେ ଦେଖିଲେ ବିଶ୍ୱାସ କରି ହେବ ନାହିଁ। ଶିକ୍ଷା ସ୍ବାସ୍ଥ୍ୟ ପାନୀୟ ଜଳଯୋଗାଣ ରୁ ଆରମ୍ବ କରି ଗମନାଗମନ ଭଳି ମୌଳିକ ସୁବିଧା ପାଇବାରୁ ବଞ୍ଚିତ ଆଜି ଏହି ଏରେଗେଣ୍ଡା ଗ୍ରାମବାସୀ ।
ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପଲମା ପଞ୍ଚୟତ ଏରେଗେଣ୍ଡା ଗ୍ରାମରେ ଦେଖିବା କୁ ମିଳିଛି ଏହି ଭଳି ହୃଦୟ ବିଦାରକ ର ଦୃଶ୍ୟା ଉକ୍ତ ଗ୍ରାମର ପୁରେନ୍ଦ୍ର ପ୍ରସ୍କା, ବୟସ ପାଖାପାଖି ୬୦ କିଛିଦିନ ହେବ ଗୋଟିଏ ଗୋଡ଼ରେ କୌଣସି କାରଣ ରୁ ଆଘାତ ହୋଇ ପୂଜ ବାହାରି ଗୋଡ ଗୁରୁତର ହୋଇ ଯାଇଥିଲା । ତେବେ ସେ ଏପରି ଅବସ୍ଥାରେ କୁଆଡେ ଯାଇପାରୁନଥିବା ଅବସ୍ଥାରେ ଛଟ ପଟ ହୋଇ ଶଯ୍ୟା ରେ ଶୋଇ ପଡ଼ିଥିଲେ ।
ଆଜି ଅଧିକ ମାତ୍ରାରେ ସେ ଚିତ୍କାର କରିବାରୁ ପରିବାର ଗାଁ ଲୋକେ ଆମ୍ବୁଲାନ୍ସ କୁ ଯୋଗା ଯୋଗ କରି ଥିବା ବେଳେ ଗାଁକୁ ରାସ୍ତା ଭଲନଥିବାରୁ ଆମ୍ବୁଲାନ୍ସ ଯାଇପାରିନ ଥିଲା ଏହା ପରେ ୧୦୮ ଆମ୍ବୁଲାନ୍ସ ଡ୍ରାଇଭର ଝ,କ ବୋଖାରୀ ହାର ନ ମାନି ଗାଁ କୁ ଚାଲି ଚାଲି ଯାଇ ରୋଗୀ କୁ ଖଟିଆରେ ୨ କିମି ବୁହାହୋଇ ଆଣି ସ୍ଥାନୀୟ କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ ସେଠାରେ ଡାକ୍ତର ଚିକିତ୍ସା କରିବା ପରେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଲୟ କୁ ପଠାଇ ଥିବା ଜଣା ପଡ଼ିଛି। ଯାହାକି ଅଞ୍ଚଳ ବାସୀ ମାନେ ଆମ୍ବୁଲାନ୍ସ ଡ୍ରାଇଭର ଓ କର୍ମଚାରୀ ଙ୍କୁ ଧନ୍ୟବାଦ ଦେଇଥିବା ଚର୍ଚ୍ଚା ବେଶ ଲୋକଙ୍କ ଭିତରେ ଆଲୋଚନାର ଜୋର ଧରିଛି।
