ରାମଲାଲାଙ୍କ ପ୍ରସାଦରେ ଲାଗିବ ୧ ଲକ୍ଷ କିଲୋ ଓଜନର ଲଡୁ….୫୦ ଲକ୍ଷ ଲୋକ ରହିବେ ସାକ୍ଷୀ

1 min read

7 months ago Niyati Das

ଅଯୋଧ୍ୟାରେ ବିରାଜମାନ ପ୍ରଭୁ ଶ୍ରୀରାମ। ରାମଲାଲାଙ୍କ ପ୍ରାଣ ପ୍ରତିଷ୍ଠା ପରଠାରୁ ଅଯୋଧ୍ୟାକୁ ଛୁଟୁଛି ଭକ୍ତଙ୍କ ସୁଅ।ଅନେକ ଭକ୍ତ ସେମାନଙ୍କ ପ୍ରଭୁଙ୍କ ଉଦ୍ଦେଶ୍ୟରେ ଅନେକ ସ୍ୱର୍ଣ୍ଣାଳଙ୍କାର ପ୍ରଦାନ କରୁଥିବା ବେଳେ ଅନେକ ଟ୍ରଷ୍ଟକୁ ମୁକ୍ତ ହସ୍ତରେ ଦାନ କରୁଛନ୍ତି। ଦୀର୍ଘ ୫ ଶହ ବର୍ଷ ପରେ ମହାଆଡ଼ମ୍ବରରେ ପାଳିତ ହେବାକୁ ଯାଉଛି ପ୍ରଭୁ ଶ୍ରୀରାମଚନ୍ଦ୍ରଙ୍କ ଜନ୍ମୋତ୍ସବ- ରାମ ନବମୀ । ତେବେ ଏହା ୧୭ ତାରିଖ ଦିନ ପାଳନ କରାଯିବ |

ତେବେ ଆସନ୍ତା ବୁଧବାର ଦିନ ତଥା ୧୭ ତାରିଖ ଦିନ ଦେଶବ୍ୟାପୀ ପବିତ୍ର ରାମନବମୀ ପାଳିତ ହେବାକୁ ଯାଉଛି। ତେବେ ଏହି ଅବସରରେ ଦେବରାହା ହଂସ ବାବା ଟ୍ରଷ୍ଟ ପକ୍ଷରୁ ଉତ୍ତର ପ୍ରଦେଶର ଅଯୋଧ୍ୟାସ୍ଥିତ ରାମ ମନ୍ଦିରକୁ ୧,୧୧,୧୧୧ କିଲୋ ଓଜନର ଲଡୁ ପଠାଯିବ ବୋଲି ଟ୍ରଷ୍ଟ କର୍ମକର୍ତ୍ତା ଅତୁଲ କୁମାର ସାକ୍ସେନା ସୂଚନା ଦେଇଛନ୍ତି। ତେବେ ଏହି ରାମ ନବମୀରେ ରାମଙ୍କୁ ଦର୍ଶନ କରିବାକୁ ଆସୁଥିବା ଶ୍ରଦ୍ଧାଳୁମାନଙ୍କୁ ପ୍ରସାଦ ଭାବେ ଏହି ଲଡୁ ଦିଆଯିବ ବୋଲି କୁହାଯାଉଛି |