୧୯୪୭ ବିଭାଜନ ଅଲଗା କରିପାରିଲାନି ବନ୍ଧୁ ସମ୍ପର୍କ…..ଭାରତରୁ ପାକିସ୍ତାନକୁ ଆସିଲା ଉପହାର
1 min read
୧୯୪୭ ରେ ଯେତେବେଳେ ଭାରତ ବିଭାଜିତ ହେଲା, ଅନେକ ଲୋକ ଲୁଟିଯାଇଥିଲା ସବୁକିଛି । ଛାଡିବାକୁ ପଡିଥିଲା ନିଜ ବାସସ୍ଥଳୀ । ଭାରତରେ ରହୁଥିବା ପାକିସ୍ତାନ ଲୋକ ନିଜ ପାକିସ୍ତାନକୁ ଘରକୁ ଫେରିଥିଲେ ଏବଂ ଯେଉଁମାନେ ଭାରତୀୟ ପାକିସ୍ତାନ ଯାଇଥିଲେ ସେମାନେ ଭର୍ରତ ନିଜ ଘର ଫେରିଥିଲେ । ଲାହୋରର ବାସିନ୍ଦା ପ୍ରଫେସର ଅମିନ ଚୌହାନଙ୍କ ସହ ସମାନ ଘଟଣା ଘଟିଥିଲା । ତାଙ୍କର ପୁରୁଣା ଘର ଭାରତରେ ଥିଲା | ଯେତେବେଳେ ବର୍ତ୍ତମାନ ଏକ ଉପଧର ତାଙ୍କ ପାଖରେ ପହଞ୍ଚିଲା, ସେତେବେଳେ ସେ ଆଖରୁ ଲୁହ ବନ୍ଦ କରି ପାରିଲା ନାହିଁ | ତେବେ ଉପହାରରେ ଆସିଥିଲା ଘରର କବାଟ |
ତେବେ ଏହି ଉପହାରର ବିଶେଷତା ହେଉଛି ଏହି ଉପହାର ଆସିଛି |ମୁମ୍ବାଇରୁ ଲାହୋରକୁ । ଖବର ଅନୁଯାୟୀ ପଞ୍ଜାବର ବାଟାଲା ଠାରୁ ପ୍ରଥମେ ମୁମ୍ବାଇକୁ କବାଟ ଅଣାଯାଇଥିଲା। ଏଠାରୁ ଯାତ୍ରା ଆରମ୍ଭ କରି ଦୁବାଇ, କରାଚି ଦେଇ ଲାହୋରରେ ପହଞ୍ଚିଥିଲା | ଅମିନ ଚୌହାନ ଏହାକୁ ପାଇଥିଲେ | ଏହାକୁ ଭାରତରେ ରହୁଥିବା ତାଙ୍କ ବନ୍ଧୁ ପାଲବିନ୍ଦର ସିଂ ଉପହାର ସ୍ବରୂପ ପଠାଇଥିଲେ। ସେମାନଙ୍କ ପାଇଁ ଏହା କେବଳ ଏକ ଦ୍ବାର ନୁହେଁ ସ୍ମୃତି ଏବଂ ଇତିହାସ | ଅମିନ ଚୌହାନଙ୍କ ବାପାଙ୍କ ଘର ବାଟାଲାର ଘୋମାନ ପିଣ୍ଡରେ ଥିଲା। ସେମାନେ କବାଟରେ ପହଞ୍ଚିବା ପରେ କେହି କେହି ଏହାର ଭିଡିଓ ପ୍ରସ୍ତୁତ କରିଥିଲେ। ଯାହା ପରେ ସୋସିଆଲ ମିଡିଆରେ ହୋଇଥିଲା ଭାଇରାଲ |
ଯେତେବେଳେ ସେ ପ୍ୟାକିଂ ଖୋଲି କବାଟ ଦେଖିଥିଲେ, ତାଙ୍କ ଆଁଖୁରୁ ଖୁସିର ଲୁହ ଝରିବାକୁ ଲାଗିଥିଲା | ତାଙ୍କର ଏହି ଭିଡିଓ ବିଭାଜନ ଦ୍ବାରା ଘଟିଥିବା କ୍ଷତଗୁଡ଼ିକୁ ମନେ ପକାଇଦେଇଥିଲା | ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ସାଦ ଜାହିଦ ନାମକ ଜଣେ ଉପଭୋକ୍ତା ସେୟାର କରିଥିଲେ ।
ତେବେ ଏହି ଭାଇରାଲ ଭିଡ଼ିଓ ପୋଷ୍ଟରେ କ୍ୟାପସନରେ ଲେଖା ଥିଲା, ‘ଏହି ହୃଦୟସ୍ପର୍ଶୀ ଭିଡିଓରେ ଦେଖାଯାଇଥିବା ବେଳେ ଆଇଚିସନ କଲେଜ ଜୁନିଅର ସ୍କୁଲର ପୂର୍ବତନ ପ୍ରିନ୍ସପାଲ ପ୍ରଫେସର ଅମିନ ଚୌହାନ ଭାରତରୁ ତାଙ୍କ ବନ୍ଧୁ ପାଲବିନ୍ଦର ସିଂଙ୍କଠାରୁ ଏକ ବିଶେଷ ଉପହାର ପାଇବା ପରେ ଭାବପ୍ରବଣ ହୋଇପଡିଥିଲେ। ଉପହାର କ’ଣ? ବାଟାଲାର ଘୋମାନ ପିଣ୍ଡରେ ପ୍ରଫେସରଙ୍କ ପିତାଙ୍କ ଘରର ଏହା ହେଉଛି ପୁରୁଣା କବାଟ | ସ୍ମୃତି ଏବଂ ଇତିହାସରେ ପରିପୂର୍ଣ ଏହି କବାଟ ବାଟାଲା ଠାରୁ ମୁମ୍ବାଇ, ତାପରେ ଦୁବାଇ, କରାଚି ଏବଂ ଶେଷରେ ଲାହୋରରେ ଆସି ପହଞ୍ଚି ଥିଲା | ଯେଉଁଠାରେ ଆମିନ ରହୁଥିଲେ |
କ୍ୟାପସନରେ ଆହୁରି ଲେଖା ଥିଲା, ‘ପ୍ରଫେସର ଏହି ପୁରୁଣା କବାଟ ଦେଖିବା ମାତ୍ରେ ସେ ଲୁହ ବନ୍ଦ କରିପାରିନଥିଲେ । ଏହି କବାଟର ଅର୍ଥ ଏବଂ ଏହା ସହିତ ଜଡିତ ସମୃତି ଦ୍ବାରା ସେ ଗଭୀର ଭାବରେ ପ୍ରଭାବିତ ହୋଇଥିଲେ | ଯଦିଓ ୧୯୪୭ ର ବିଭାଜନ ହୁଏତ ଜମିକୁ ଭାଗ କରିଥାଇପାରେ, କିନ୍ତୁ ଏହା ପଞ୍ଜାବର ହୃଦୟକୁ ଅଲଗା କରିପାରିବ ନାହିଁ, ଯେଉଁମାନେ ଅଂଶୀଦାର ଐତିହ୍ୟ ଏବଂ ବନ୍ଧୁତା ମାଧ୍ୟମରେ ସଂଯୁକ୍ତ ଅଟନ୍ତି |
ଭିଡ଼ିଓଭାଇରାଲ ହେବ ପରେ ଲୋକମାନେ ଭିଡିଓକୁ ବହୁତ ପସନ୍ଦ କରିଥିଲେ | ସେମାନେ ଏହାକୁ ପସନ୍ଦ କରିବା ସହ ସେୟାର କରିଥିଲେ | ପୋଷ୍ଟ ଉପରେ ମନ୍ତବ୍ୟ ମଧ୍ୟ ଦେଇଥିଲେ |
