ଧାନ କାଟିବାକୁ ଯାଇଥିଲେ ବାପା ମା ; ଫେରିବା ପରେ ଘରୁ ନିଖୋଜ ଥିଲେ ୨ ପୁଅ, ଆଜି କୂଅରୁ ମିଳିଲା ……
1 min read
ଢେଙ୍କାନାଳ ; କୁଅରେ ପଡି ଦୁଇ ନିଖୋଜ ଶିଶୁ ମୃତ।ଢେଙ୍କାନାଳ ମଧୁସାହୁ ପାଟଣା ପଞ୍ଚାୟତ ବିମ୍ବୋଳି ନଟକଟା ଗାଁରେ ଅଭାବନୀୟ ଘଟଣା।ସୁଚନା ମୁତାବକ ଗତକାଲି ଅପରାହ୍ନରୁ ନିଖୋଜ ଥିଲେ ମୃତକ ଦୁଇ ଶିଶୁ ରଞ୍ଜିତ ପ୍ରଧାନ ଓ ସଞ୍ଜିତ ପ୍ରଧାନ।ମୃତ ରଞ୍ଜିତ ପ୍ରଧାନ ୫ବର୍ଷ ଓ ସଞ୍ଜିତ ପ୍ରଧାନ ୪ବର୍ଷର ବୋଲି ଜଣାପଡିଛି।
ବାପା କମ୍ପାନୀ ପ୍ରଧାନ ଓ ମା ସରସ୍ୱତୀ ପ୍ରଧାନ ଗତକାଲି ଘରେ ଚାରିପୁଅ ଓ ଝିଅଙ୍କୁ ଘରେ ଛାଡି ଧାନ କାଟିବାକୁ ଯାଇଥିଲେ।ଫେରି ଦେଖିବା ବେଳକୁ ଦୁଇ ପୁଅ ନିଖୋଜ ଥିଲେ। ଗ୍ରାମବାସୀ ଓ ଭାପୁର ପୋଲିସ ବହୁ ଖୋଜାଖୋଜି କରି ନପାଇ ନିରାଶ ହୋଇଥିଲେ। ଆଜି ସକାଳୁ ଘରଠାରୁ ଅଳ୍ପ ଦୁରରେ ଥିବା ଏକ କୁଅରେ ଦୁଇ ଶିଶୁ ପଡିଥିବାର ଦେଖିଥିଲେ ଗ୍ରାମବାସୀ।ପରେ କୁଅ ଭିତରୁ ଉଭୟ ମୃତ ଶିଶୁଙ୍କୁ ଉଦ୍ଧାର କରା ଯାଇଥିଲା। ଦୁଇ ନିରିହ ଶିଶୁଙ୍କ ମୃତ୍ୟୁ ଖବର ପାଇଁ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।
Advertisement
