ପୋଖରୀରେ ଗାଧୋଇବାକୁ ଯାଇ ବୁଡିଗଲେ ୨ ସାଙ୍ଗ ….

ବାଲେଶ୍ୱର ; ପୋଖରୀରେ ଗାଧେଇବାକୁ ଯାଇ ଚାଲିଗଲା ୨ ନାବାଳିକାଙ୍କ ଜୀବନ। ବାଲେଶ୍ବର ସଦର ବ୍ଲକ ଓଡ଼ଙ୍ଗିରେ ଏଭଳି ଦୁଃଖଦାୟକ ଘଟଣା ଦେଖିବାକୁ ମିଳିଛି। ପୋଖରୀରେ ପଡ଼ି ଦୁଇ ନାବାଳିକାଙ୍କ ମୃତ୍ୟୁ ହୋଇଛି। ସେମାନେ ଦୁଇଜଣ ସାଙ୍ଗ ବୋଲି ଜଣାପଡିଛି। ଦୁଇଜଣ ହେଲେ ସନ୍ତୋଷ ଦାସଙ୍କ ଝିଅ ତନୁଶ୍ରୀ ଦାସ (୧୨) ଓ ଅନ୍ୟଜଣେ ବିଶ୍ୱଜିତ ଦାସଙ୍କ ଝିଅ ତପସ୍ୱିନୀ ଦାସ (୧୦)।

ଖବର ଅନୁଯାୟୀ ଦୁଇ ସାଙ୍ଗ ସକାଳେ ସ୍କୁଲ ଯିବାପାଇଁ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ। ପୋଖରୀରେ ଗୋଡ଼ ଖସିଯିବାରୁ ଉଭୟେ ବୁଡିଯାଇଥିଲେ। ପୋଖରୀ ପାଖରେ ଥିବା ଗାଁଲୋକେ ଖବର ଦେବାରୁ ବହୁ ଖୋଜାଖୋଜି ପରେ ଉଭୟଙ୍କୁ ଉଦ୍ଧାର କରି ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ଆଣିଥିଲେ। ହେଲେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ଏହାକୁ ନେଇ ଡାକ୍ତରଖାନା ପରିସରରେ ଶୋକର ଛାୟା ଖେଳିଯାଇଛି।

Advertisement