କାରଖାନାରେ ବିସ୍ପୋରଣ ପରେ ଅଗ୍ନିକାଣ୍ଡ , ୨ ମୃତ ୧୪ ଆହତ
1 min read
ମହାରାଷ୍ଟ୍ର : କାରଖାନାରେ ବିସ୍ଫୋରଣ ପରେ ଅଗ୍ନିକାଣ୍ଡ । ଦୁଇ ଜଣଙ୍କର ମୃତ୍ୟୁ , ୧୪ ଆହତ । ମହାରାଷ୍ଟ୍ରର ନାସିକ୍ ଜିଲ୍ଲା ମୁଣ୍ଡେଗାଁରେ ଏକ ରାସାୟନିକ କମ୍ପାନୀରେ ବଡ଼ଧରଣର ବିସ୍ଫୋରଣ ପରେ ଅଗ୍ନିକାଣ୍ଡ ଘଟିଥିଲା । ଏଥିରେ ଜଣେ ମହିଳାଙ୍କ ସହ ଅନ୍ୟ ଜଣଙ୍କ ମୃତ୍ୟୁ ଘଟିଥିବା ବେଳେ ୧୪ ଜଣ ଆହତ ହୋଇଛନ୍ତି । ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ୩ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡ଼ିଛି ।
ଏହି ଅଂଚଳର ବାସିନ୍ଦାମାନେ ପ୍ରଚଣ୍ଡ ବିସ୍ଫୋରଣ ଶୁଣିଥିଲେ ଏବଂ ଉକ୍ତ ସ୍ଥାନରୁ ଏକ ବିରାଟ ଧୂଆଁ ବାହାରୁଥିବା ଦେଖାଯାଇଥିଲା । କାରଖାନାରୁ ଧୂଆଁ ବାହାରୁଥିବା ଏକ ବିରାଟ ମେଘ ଦେଖାଉଥିବା ଏକ ଭିଡିଓ ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେଉଥିଲା । ରାସାୟନିକ କାରଖାନା ଭିତରେ ଥିବା ଏକ ବଏଲରେ ନିଆଁ ଲାଗିଯାଇଥିଲା । ମିଳିଥିବା ସୂଚନା ମୁତାବକ, ପ୍ଲାଣ୍ଟର ଏକ ବଏଲରରେ ହଠାତ୍ ବିସ୍ଫୋରଣ ଘଟିଥିଲା । ପରେ ପ୍ଲାଣ୍ଟରେ ନିଆଁ ଲାଗି ବ୍ୟାପିବାରେ ଲାଗିଥିଲା । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିବା ଜଣାପଡିଛି । ହେଲେ ବିସ୍ଫୋରଣର କାରଣ ଜଣାପଡ଼ିନାହିଁ । ଅନ୍ୟପକ୍ଷେ ପ୍ରଶାସନ ପକ୍ଷରୁ ଘଟଣାର ତଦନ୍ତ ଚାଲିଛି ।
