ଗାଧୋଇବାକୁ ଯାଇ ବୁଡି ଗଲେ ଦୁଇ ଭଉଣୀ ; ଜଣେ ଉଦ୍ଧାର ହୋଇଥିବା ବେଳେ ଜଣେ ନିଖୋଜ
1 min read
କେନ୍ଦ୍ରାପଡ଼ା ; ଏକାଠି ଖେଳନ୍ତି , ଏକାଠି ବୁଲନ୍ତି ଆଉ ଏକାଠି ସାଙ୍ଗ ହୋଇ ସ୍କୁଲ ଯାଆନ୍ତି । ସର୍ମ୍ପକୀୟ ଭଉଣୀଠୁ ବଳି ତାଙ୍କ ବନ୍ଧୁତାର ସର୍ମ୍ପକ । ଜଣେ ଜଣଙ୍କ ବିନା ବଞ୍ଚିପାରନ୍ତିନି । କିନ୍ତୁ ଭାଗ୍ୟର ଲିଖନି କଣ କେହି ବଦଳାଇପାରିବ । ଶୁକ୍ରବାର ପୂର୍ବାହ୍ନ ରେ କେନ୍ଦ୍ରାପଡା ସଦର୍ ଥାନା ଅନ୍ତର୍ଗତ ବାବୁ ରାମ ପାଟଣା ଗାଁର ଗୋବରୀ ନଦୀରେ ଗାଧୋଇବାକୁ ଆସି ବୁଡିଗଲେ ଦୁଇ ସମ୍ପର୍କୀୟ ଭଉଣୀ ପାପାଲି ଓ ଶୁଭଲକ୍ଷ୍ମୀ । ଘର ପାଖ ନଦୀକୁ ଗାଧୋଇବା ପାଇଁ ଯାଇଥିବା ବେଳେ ଏହି ଗାଁ ର ବାବାଜୀ ସାହୁ ଓ ସନ୍ତୋଷ ସାହୁଙ୍କ ଦୁଇ ଝିଅ ବୁଡି ଯାଇଥିବା ସୂଚାନ ରହିଛି ।
ଘଟଣା ସ୍ଥଳରେ ଉପସ୍ଥିତ ଥିବା ଗ୍ରାମବାସୀ ସନ୍ତୋଷଙ୍କ ଝିଅ ଶୁଭଲକ୍ଷ୍ମୀ କୁ ଉଦ୍ଧାର କରି ହସ୍ପିଟାଲ ପଠାଇଥିଲେ । କିନ୍ତୁ ବାବାଜୀ ଙ୍କ ଝିଅ ପାପାଲି କୁ ଅନେକ ଖୋଜା ଖୋଜି କରିଥିଲେ ମଧ୍ୟ ପାଇନଥିଲେ । ଏନେଇ ତୁରନ୍ତ ସ୍ଥାନୀୟଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ତେବେ ଖବର ପାଇ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ଖୋଜାଖୋଜି ଜାରି ରଖିଥିଲେ । ଉଭୟ ଝିଅଙ୍କ ବୟସ ୧୦ ବର୍ଷ ବୋଲି ଜଣାପଡିଛି ।
ଗତ କାଲିଠାରୁ ଅଗ୍ନିଶମ ବାହିନୀ ନିଖୋଜ ଝିଅକୁ ଖୋଜି ପାଇନଥିବା ବେଳେ ଆଜି ସକାଳୁ ଅଗ୍ନିଶମ ବାହିନୀ ଙ୍କୁ ଖୋଜା ଖୋଜି କାମରେ ସାହାର୍ଯ୍ୟ କରିଡଛନ୍ତି ଗାଁର କିଛି ଯୁବକ ।
