ବଞ୍ଚେଇ ଦେଲେ ଭଗବାନ !
1 min read
ଭୁବନେଶ୍ୱର : ଆଉ ଟିକେ ବିଳମ୍ବ ହୋଇଥିଲେ ହୁଏତଃ ଜୀବନ ଚାଲି ଯାଇଥାନ୍ତା। ବିଦ୍ୟୁତ ଆଘାତରେ ଏକାଧିକଙ୍କ ମୃତ୍ୟୁ ଘଟିଥାନ୍ତା। କିନ୍ତୁ ଅଳ୍ପକେ ବର୍ତ୍ତିଗଲା ଜୀବନ। ଏଭଳି ଏକ ଘଟଣା ଦେଖିବାକୁ ମିଳିଛି ଅଶୋକ ନଗର ଠାରେ ଥିବା ଭେଣ୍ଡିଂ ଜୋନରେ । ସର୍ଟସର୍କିଟ କାରଣରୁ ଭେଣ୍ଡିଂ ଜୋନ ରେ ଥିବା ୨୦ ରୁ ଉର୍ଦ୍ଧ ଦୋକାନରେ କରେଣ୍ଟ ଚାର୍ଜ ହୋଇଯାଇଥିଲା।
ଦୋକାନରେ ଥିବା ଦୋକାନୀ ଓ ଗରାଖଙ୍କୁ ଲାଗିଥିଲା ହାଇ ଭୋଲ୍ଟେଜ ଝଟକା । କିଛି କହିବା ପୂର୍ବରୁ ଏଣେ ତେଣେ ଛିଟିକି ପଡ଼ିଥିଲେ । ଦୋକାନରେ ଥିବା ପ୍ରତ୍ୟକ ଖାଦ୍ୟ ପଦାର୍ଥ ଓ ଆସବାବପତ୍ର କରେଣ୍ଟ ଚାର୍ଜ ହୋଇଯାଇଥିଲା । ଜଳଖିଆ ଦୋକାନରେ ଥିବା ବରା, ପିଆଜିରେ ଟେଷ୍ଟର ମାରିଲେ, ତାହା କେମିତି ଜଳୁଛି । ଆର୍ଥୀଂରେ ସମସ୍ୟା ଥିବାରୁ ଏଭଳି ସର୍ଟ ସର୍କିଟ ହେବା କଥା କୁହାଯାଉଛି । ଏ ସମ୍ପର୍କରେ ତୁରନ୍ତ ବିଦ୍ୟୁତ ବିଭାଗକୁ ଜଣାଇବା ପରେ ସେମାନେ ପହଁଚି ମରାମତି କରିବା ପରେ ଅବସ୍ଥା ସ୍ୱାଭାବିକ ହୋଇଥିଲା । କିନ୍ତୁ ଘଟଣାକୁ ପାଖରୁ ଦେଖିଥିବା ପ୍ରତ୍ୟକଟି ଲୋକ ମୁହଁରେ ଥିଲା ଗୋଟିଏ କଥା ” ଭଗବାନ ବଞ୍ଚେଇ ଦେଲେ ” ।
