ଛାତିଥରା ଦୁର୍ଘଟଣା : ଓଲଟିଲା ବସ୍ , ଜିଅନ୍ତା ଜଳିଗଲେ ୨୫ ଯାତ୍ରୀ …
1 min read
ମହାରାଷ୍ଟ୍ର : ପୁଣି ଛାତିଥରାଇଲା ଦୁର୍ଘଟଣା । ଆଖିସାମ୍ନାରେ ଜିଅନ୍ତା ଜଳିଗଲେ ୨୫ ଯାତ୍ରୀ । ଏଭଳି ଏକ ହୃଦୟବିଦାରକ ଘଟଣା ମହାରାଷ୍ଟ୍ରର ବୁଲଢାନାରେ ଘଟିଛି ।
ମିଳିଥିବା ଖବର ଅନୁଯାୟୀ ଗତକାଲି ବିଳମ୍ବିତ ରାତିରେ ବସ୍ଟି ନାଗପୁରରୁ ପୁନେ ଅଭିମୁଖେ ପ୍ରାୟ ୩୩ ଯାତ୍ରୀଙ୍କୁ ଧରି ଯାଉଥିଲା। ରାତି ପ୍ରାୟ ୧.୩୦ ସମୟରେ ବସଟି ବୁଲଢାନା ଜାତୀୟ ରାଜପଥ ଦେଇ ଯାଉଥିବା ସମୟରେ ହଠାତ୍ ବସର ଚକାଟି ଫାଟିଯାଇଥିଲା । ଚକାଟି ଫାଟିଯିବାରୁ ଭାରସାମ୍ୟ ହରାଇ ଡିଭାଇଡରରେ ମାଡ ହୋଇ ରାସ୍ତାରେ ଓଟଲିପଡିଥିଲା ଯାତ୍ରୀବାହି ବସ୍ । କେହି କିଛି ଭାବିବା ପୂର୍ବରୁ ବସ୍ରେ ନିଆଁ ଲାଗିଯାଇଥିଲା । ବସଟି ଓଲଟିପଡିଥିବାରୁ ଡ୍ରାଇଭରଙ୍କ ସହ ମାତ୍ର ୮ ଜଣ ଯାତ୍ରୀ କଷ୍ଟେମଷ୍ଟେ ବାହରିପାରିଥିଲେ ପରେ ନିଆଁଟି ଏତେ ଜୋରରେ ବ୍ୟାପିଥିଲା ଯେ ଅନ୍ୟଯାତ୍ରୀମାନଙ୍କୁ ବସ୍ରୁ କାଢିବା ଅସମ୍ଭବ ହୋଇପଡିଥିଲା ।
ଖବର ପାଇ ପୋଲିସ ଓ ଅଗ୍ନିଶମ କର୍ମଚାରୀ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ କିନ୍ତୁ ସେତେବେଳକୁ ବସରେ ଥିବା ଅନ୍ୟ ୨୫ ଯାତ୍ରୀ ଜୀବନ୍ତଦଗ୍ଧ ହୋଇସାରିଥିଲେ । ପରେ ନିଆଁକୁ ଆୟତ କରାଯାଇ ଶବ ଗୁଡିକୁ ବାହର କରାଯାଇଥିଲେ ମଧ୍ୟ ତାକୁ ଚିହ୍ନଟ କରିବା ବର୍ତ୍ତମାନ ଏକ ବଡ ଚ୍ୟାଲେଞ୍ଜ ପାଲଟିଛି ପରିବାର ଓ ପୋଲିସ ମାନଙ୍କ ପାଇଁ । ପୋଲିସ ସୂଚନା ଅନୁଯାୟୀ ମୃତଦେହ ଗୁଡିକର ଡିଏନଏ ଟେଷ୍ଟ କରାଯାଇ ସମ୍ପର୍କୀୟ ମାନଙ୍କୁ ହସ୍ତାନ୍ତର କରାଯିବ । ଅନ୍ୟପଟେ ସମୃକ୍ତ ଘଟାଣରେ ଶୋକ ପ୍ରକାଶ କରିବା ସହ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଘୋଷଣା କରିଛନ୍ତି ମହାରାଷ୍ଟ୍ର ସରକାର ।
