ବଡଭାଇର କଳାସାମ୍ରାଜ୍ୟ କାରବାରରେ,ପୋଲିସ ମିତ୍ର ସାନଭାଇ ଅଟକ
1 min read
ଭୁବନେଶ୍ୱର : ଭୁବନେଶ୍ୱରର କେଦାରପଲ୍ଲୀର ବସ୍ତିରୁ ଆଜି ୨୭୦ ଗ୍ରାମର ବ୍ରାଉନସୁଗର ଜବତ କରିଛି ଅବକାରୀ ବିଭାଗ । ଏନେଇ କେଦାରପଲ୍ଲୀର ପୁଲିସ୍ ମିତ୍ର ସହଦେବ ନାୟକଙ୍କୁ ବ୍ରାଉନ ସୁଗାର ସହ ହାତ ଥିବା ନେଇ ଅଟକ ରଖିଛି ଟିମ୍ ।ଆଜି ସହଦେବଙ୍କ ଭାଇ ଟୁନା ନାୟକ ଠାରୁ ୨୦ ଲକ୍ଷ ଟଙ୍କାର ବ୍ରାଉନସୁଗର ଜବତ କରିଛି ଅବକାରୀ ବିଭାଗ ।ତେବେ ପ୍ରଥମେ ଟୁନାଙ୍କର ଏଥିରେ ସପୃକ୍ତି ଥିବା ନେଇ ସୂଚନା ପାଇଥିଲା ଅବକାରୀ ଟିମ୍ । ମୌକା ଦେଖି ପୋଲିସ ଟୁନାଙ୍କୁ ଆଜି ନାଲି ହାତରେ ଧରିନେଇ ଥିଲା । ଆଜି ସହଦେବଙ୍କ ଘରେ ଚଢାଉବେଳେ ଅବକାରୀ ବିଭାଗକୁ ଘରେ ଦେଖି ଟୁନା ବ୍ରାଉନସୁଗାରକୁ ଧରି ଖସିପଳାଇବାକୁ ଚେଷ୍ଟା କରିଥିଲା । କିନ୍ତୁ ଅବକାରୀ ବିଭାଗର ଟିମ୍ ତାଙ୍କୁ ଧରିନେଇଥିଲେ ।
ଏହାପରେ ଦୁଇ ଜଣଙ୍କୁ ଅଟକ ରଖି ପୋଲିସ ଜେରା ଆରମ୍ଭ କରିଦେଇଛି । ତେବେ ସାନ ଭାଇ ସହଦେବ(ପୋଲିସମିତ୍ର)ଙ୍କ କହିବା ଅନୁଯାୟୀ ବଡଭାଇ ଟୁନାର ଏହି କଳା କାରନାମା ବିଷୟରେ ସେ କିଛି ଜାଣିନଥିଲେ । ଏହା ସହ ତାଙ୍କର କିଛି ସପୃକ୍ତି ନାହିଁ । ତେବେ ଅବକାରୀ ବିଭାଗ କହିବା ଅନୁଯାୟୀ ଏସବୁ କଥା ତଦନ୍ତ ପରେ ହିଁ ସ୍ପଷ୍ଟ ହୋଇପାରିବ ।
