(ଭିଡିଓ)ଆଶ୍ଚର୍ଯ୍ୟ ଲାଗିଲେ ବି ସତ : ଷଣ୍ଢ ମୁଣ୍ଡରେ ବଢୁଛି ତିନୋଟି ଶିଙ୍ଘ, ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ
1 min read
ନୂଆଦିଲ୍ଲୀ : ସୋସିଆଲ ମିଡିଆରେ ଆମେ ଅନେକ ଚିତ୍ର ଦେଖିଥାଉ । କିଛି ଆମକୁ ହସର ଖୁରାକ ଯୋଗାଉଥିବା ବେଳେ କିଛି ଆମକୁ ଚକିତ କରିଥାଏ ।ନିକଟରେ ସୋସିଆଲ ମିଡିଆରେ ଏକ ଅଜବ ଭିଡିଓ ସାମ୍ନାକୁ ଆସିଛି । ଦେଖିଲେ ତ ଆଖି ବିଶ୍ୱାସ କରୁନି । କିନ୍ତୁ କଥାଟା ସତ । ଭିଡିଓରେ ଦେଖିବାକୁ ମିଳିଛି ଗୋଟିଏ ଷଣ୍ଢ ମୁଣ୍ଡରେ ରହିଛି ତିନୋଟି ଶିଙ୍ଗ ।
ସାଧାରଣତଃ ଗାଇ, ବଳଦ, ଷଣ୍ଢ ଏବଂ ଛେଳିର ମୁଣ୍ଡରେ ଦୁଇଟି ଲେଖାଏଁ ଶିଙ୍ଗ ରହିଥାଏ । ଯାହା ସାହାଯ୍ୟରେ ସେମାନେ ନିଜକୁ ରକ୍ଷା କରିଥାନ୍ତି । ହେଲେ ଏହି ଭିଡିଓରେ ଷଣ୍ଢର ମୁଣ୍ଡରେ ତିନୋଟି ଶିଙ୍ଗ ବଢୁଥିବା ଦେଖିବାକୁ ମିଳିଛି । ଯାହା ସମସ୍ତଙ୍କୁ ବେଶ୍ ଆଶ୍ଚର୍ଯ୍ୟ କରିଛି । ଭିଡିଓଟିକୁ ଜଣେ ୟୁଜର୍ସ ଟ୍ୱିଟରରେ ପୋଷ୍ଟ କରିଛନ୍ତି । ସେହି ଭିଡିଓରେ, ଷଣ୍ଢ ବୁଲୁଥିବାର ଦେଖିବାକୁ ମିଳିଛି । ଯାହାର ମୁଣ୍ଡରେ ତିନୋଟି ଲମ୍ବା ଲମ୍ବା ଶିଙ୍ଗ ରହିଛି । ତେବେ ଭିଡିଓ ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ହୋଇଛନ୍ତି । ଅନେକ ଏହାକୁ ବିଶ୍ୱାସ କରିପାରୁ ନଥିବା କହିଥିବା ବେଳେ କିଛି ଲୋକ ଏହା ଜେନେଟିକ ପରିବର୍ତନ ପାଇଁ ହୋଇଥିବା କହିଛନ୍ତି । ତେବେ ଏହି ଷଣ୍ଢଟି କେଉଁଠି ଦେଖିବାକୁ ମିଳିଛି ଏବଂ ଏହାର ପ୍ରଜାତି କ’ଣ ସେ ବିଷୟରେ କିଛି ବି ତଥ୍ୟ ନାହିଁ ।
