ଅସହ୍ୟ ଖରା -ଗୁଳୁଗୁଳି ପ୍ରଭାବରେ ୪ ଛାତ୍ରୀ ଚେତା ଶୂନ୍ୟ ।
1 min read
ବାହାନଗା ; ବାଲେଶ୍ଵର ଜିଲ୍ଲା ବାହାନଗା ବ୍ଲକ ର, କଲ୍ୟାଣୀ ପଞ୍ଚାୟତ ର ଗିଲିଦା ସରକାରୀ ଉଚ୍ଚ ବିଦ୍ୟାଳୟରେ ଘଟିଯାଇଛି ଅଘଟଣ । ଆଜି ଦଶ ଟା ସମୟରେ ବିଦ୍ୟାଳୟ ଖୋଲିବା ସହିତ ଛାତ୍ର ଛାତ୍ରୀ ମାନେ ଉକ୍ତ ବିଦ୍ୟାଳୟରେ ଉପସ୍ଥିତ ଥିଲେ । ପ୍ରଥମେ ଛାତ୍ର ଛାତ୍ରୀ ମାନେ ପ୍ରାର୍ଥନା ସାରି କ୍କାସ ଭିତରକୁ ପ୍ରବେଶ ପରେ, ଶିକ୍ଷକ ମାନେ ପ୍ରଥମ କ୍କାସ ସାରିଥିଲା ବେଳେ ଦ୍ଵିତୀୟ କ୍ଳାସ ସମୟରେ ଶ୍ରେଣୀ କୋଠରୀ ଭିତରେ ପ୍ରବଳ ଖରା ସହିତ ଗୁଳୁଗୁଳି ପ୍ରଭାବରେ ଚାରି ଜଣ ଛାତ୍ରୀ ପଢୁଥିବା ସମୟରେ ହଠାତ୍ ଶ୍ରେଣୀ କୋଠରି ଭିତରେ ବାନ୍ତି କରି ଚେତା ଶୂନ୍ୟ ହୋଇଯାଇଥିଲେ ।
ଅନ୍ୟ ଛାତ୍ର ଛାତ୍ରୀ ମାନେ ଭୟରେ ଡରି ପାଟି କରି ଥିଲେ,ଯାହା ଫଳରେ ଶ୍ରେଣୀ ଭିତରେ ଥିବା ଶିକ୍ଷକ ଓ ବିଦ୍ୟାଳୟ ରେ ଥିବା ଅନ୍ୟ ଶିକ୍ଷକ ଶିକ୍ଷୟତ୍ରୀ ମାନେ ଘଟଣାସ୍ଥଳ କୁ ଦୈାଡି ଆସି ଚେତା ଶୂନ୍ୟ ହୋଇ ପଡିଥିବା ଛାତ୍ରୀମାନଙ୍କୁ ଉଠାଇଥିଲେ । ଏବଂ ଅନ୍ୟ ଏକ କୋଠରୀକୁ ନେଇ ସେମାନଙ୍କର ପ୍ରାଥମିକ ଚିକିତ୍ସା କରାଇଥିଲେ । କିଛି ସମୟ ପରେ ଛାତ୍ରଛାତ୍ରୀଙ୍କ ହୋସ୍ ଆସିବା ପରେ ସେମାନଙ୍କ ପରିବାରକୁ ଖବର ଦିଆଯାଇ ସମସ୍ତଙ୍କୁ ନିଜ ନିଜ ଘରକୁ ପଠାଯାଇଥିଲା ଉକ୍ତ ୪ ଛାତ୍ରୀ ମାନେ ହେଲେ ଶୁଭ ଲକ୍ଷ୍ମୀ ସେନାପତି, ସରିତା ଦାସ, ପାୟଲ ପ୍ରିୟଦର୍ଶିନୀ ବେହେରା, ଜୟ ସ୍ମିତା ବିଶ୍ୱାଳ ପ୍ରଧାନ ଶିକ୍ଷକ ପ୍ରଭାକର ମିଶ୍ର ଘଟଣାସ୍ଥଳରେ ପହଂଚି ଛାତ୍ର ଛାତ୍ରୀ ମାନଙ୍କୁ ଚିକିତ୍ସା ରେ ସାହାଯ୍ୟ କରିଥିଲେ ।
