ଭଗବାନଙ୍କ ଦର୍ଶନ ପାଲଟିଲା ସ୍ୱପ୍ନ : ଅଧାବାଟରେ ଚାଲିଗଲା ପୁରା ପରିବାର ଜୀବନ
1 min read
ହାଇଦ୍ରାବାଦ୍ : ଭାରସାମ୍ୟ ହରାଇ କେନାଲକୁ ତଳକୁ ଖସିଗଲା କାର । ଚାଲିଗଲା ଗୋଟିଏ ପରିବାରର ୬ ଜଣଙ୍କ ଜୀବନ । ରାସ୍ତାକଡ଼ର କଲର୍ଭଟକୁ ଧକ୍କା ଦେଲା କାର । ଗୋଟିଏ ପରିବାରର ୬ ଜଣ ସଦସ୍ୟଙ୍କ ମୃତ୍ୟୁ ଘଟିଛି । ତେଲେଙ୍ଗାନାର ସିଡ୍ଡିପେଟ ଜିଲ୍ଲା ଅନ୍ତର୍ଗତ ମୁନିଗଡାପା ଅଂଚଳରେ ଏପରି ଦୁଃଖଦ ଘଟଣା ଘଟିଛି ।
ବେମୁଲାୱାଡାରେ ଥିବା ମନ୍ଦିର ଦର୍ଶନ ପାଇଁ ଯାଇଥିଲେ ପରିବାର ଲୋକେ । ମନ୍ଦିରରେ ଦର୍ଶନ କରିବା ପରେ ସେମାନେ ବିବି ନଗର ଯିବା ରାସ୍ତାରେ ର୍କାଟି ଭାରସାମ୍ୟ ହରାଇ ପ୍ରଥମେ ରାସ୍ତାକଡ଼ର କଲର୍ଭଟକୁ ଧକ୍କା ଦେଇଥିଲା । ପରେ ର୍କାଟି ନିର୍ମାଣଧିନ କେନାଲରେ ଖସି ପଡ଼ିଥିଲା । ଘଟଣାସ୍ଥଳରେ ସ୍ଥାନୀୟ ପ୍ରଶାସନ ଓ ପୁଲିସ୍ ପହଂଚି କେନାଲ ଭିତରୁ ର୍କାଟିକୁ ବାହାର କରିଥିଲେ । ହେଲେ ସେତେବେଳେକୁ ସମସ୍ତଙ୍କ ମୃତ୍ୟୁ ହୋଇସାରିଥିଲା । କେନାଲରେ ପାଣି କମ ଥିଲେ ମଧ୍ୟ କାର୍ର ଡୋର ଲକ ହୋଇଯିବାରୁ ଏଥିରେ ଥିବା ସମସ୍ତ ୬ ଜଣ ଲୋକ ଅଣନିଃଶ୍ୱାସୀ ହୋଇ ପ୍ରାଣ ହରାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ଏନେଇ ପୋଲିସ ମାମଲା ରୁଜୁ କରିବା ସହ ଶବଗୁଡ଼ିକୁ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛି ।
