ପ୍ରଧାନମନ୍ତ୍ରୀଙ୍କୁ ଦେଇଥାନ୍ତେ ସୁରକ୍ଷା, ହେଲେ ଦୁର୍ଘଟଣାରେ ଚାଲିଗଲା ଜୀବନ…
1 min read
ପ୍ରଧାନମନ୍ତ୍ରୀଙ୍କୁ ଦେଇଥାନ୍ତେ ସୁରକ୍ଷା । ହେଲେ ଦୁର୍ଘଟଣାରେ ଚାଲିଗଲା ଜୀବନ । ଟ୍ରକ ସହ ପୋଲିସ ଭ୍ୟାନ ମୁହାଁମୁହିଁ ଧକ୍କା ହୋଇ ୬ଜଣ ପୋଲିସ କର୍ମୀଙ୍କ ଜୀବନ ଚାଲିଯାଇଛି । ଆଜି ରାଜସ୍ଥାନର ଚୁରୁ ଜିଲ୍ଲାର ସୁଜାନଗଡ ପୋଲିସ ଷ୍ଟେସନ ଅଞ୍ଚଳରେ ଏପରି ମର୍ମନ୍ତୁତ ସଡକ ଦୁର୍ଘଟଣା ହୋଇଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ପ୍ରଶାସନରେ ଆତଙ୍କ ଖେଳିଯାଇଥିଲା । ବରିଷ୍ଠ ପୋଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ମୃତକଙ୍କ ଶବକୁ ବ୍ୟବଚ୍ଛେଦ ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିବା ସହ ଅଧିକ ତଦନ୍ତ ଜାରୀ ରହିଛି ।
ସୂଚନା ମୁତାବିକ ପ୍ରଧାନମନ୍ତ୍ରୀ ରାଜସ୍ଥାନ ଗସ୍ତରେ ଥିବା ବେଳେ ଆଜି ଖିନଭସରର ଝୁନଝୁନରେ ଏକ ବୈଠକ କାର୍ଯ୍ୟକ୍ରମ ରହିଥିଲା । ତେଣୁ ପ୍ରଧାନମନ୍ତ୍ରୀ ମୋଦୀଙ୍କ ସୁରକ୍ଷାରେ ପୋଲିସ କର୍ମୀଙ୍କୁ ନିୟୋଜିତ କରାଯାଇଥିଲା । ସେଥିପାଇଁ ଖିନଭସରରୁ ପୋଲିସ କର୍ମଚାରୀ ମାନେ ଡ୍ୟୁଟି ପାଇଁ ଝୁନଝୁନ ଅଭିମୁଖେ ଯାଉଥିଲେ । ଆଉ ଏହି ସମୟରେ ସେ ରାସ୍ତାରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ ।
ପୋଲିସର ସୂଚନାନୁସାରେ, ରବିବାର ସକାଳେ ସୁଜଙ୍ଗରର ସାଦର ପୋଲିସ ଷ୍ଟେସନ ପରିସରରେ ୫୮ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ଏକ ଟ୍ରକ୍ ସହ ପୋଲିସ ଭ୍ୟାନର ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ କାରରେ ଥିବା ୫ଜଣ ପୋଲିସ ଘଟଣାସ୍ଥଳରେ ମୃତ୍ୟୁ ବରଣ କରିଥିବା ବେଳେ ଚିକିତ୍ସା ସମୟରେ ଅନ୍ୟଜଣେ ପୋଲିସ କର୍ମୀଙ୍କ ମୃତ୍ୟୁ ଘଟିଛି । ଏହି ଦୁର୍ଘଟଣାରେ ଜଣେ ପୋଲିସ କନଷ୍ଟେବଳ ଗୁରୁତର ଆହତ ହୋଇଛନ୍ତି । ସେ ସ୍ଥାନୀୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି କିନ୍ତୁ ତାଙ୍କ ଅବସ୍ଥା ଗୁରୁତର ରହିଛି ।
