୨୪ ବର୍ଷିୟ କନିଆକୁ ୬୫ ବର୍ଷିୟ ବର : ୬ ବିବାହିତା ଝିଅଙ୍କ ବାପା କଲେ ଦ୍ୱିତୀୟ ବିବାହ…
1 min read
ଉତ୍ତରପ୍ରଦେଶ : ବିବାଦକୁ ନେଇ ଅଜବ ଘଟଣା ସାମ୍ନାକୁ ଆସିଛି । ଯାହ ବର୍ତ୍ତମାନ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ନିଜ ଝିଅ ବୟସର ଯୁବତୀଙ୍କୁ ବିବାହ କରିଛନ୍ତି ଜଣେ ବାପା । ଉତରପ୍ରଦେଶର ବାରବଙ୍କିରୁ ଏକ ଅଜବ ଘଟଣା ସାମ୍ନାକୁ ଆସିଛି । ୬ ଝିଅଙ୍କର ବାପା ଜଣେ ୨୪ ବର୍ଷୀୟା ଯୁବତୀଙ୍କୁ ବିବାହ କରିବା ଘଟଣା ସଂପୃକ୍ତ ଅଂଚଳରେ ଚାଂଚଲ୍ୟ ସୃଷ୍ଟି କରିଛି । ମାମଲାଟି ଜାମିନ ହୁସେନପୁର ଗ୍ରାମର । ଯେଉଁଠାରେ ୬ ଝିଅଙ୍କର ବାପା ଅର୍ଥାତ, ୬୫ ବର୍ଷୀୟ ଏହି ବ୍ୟକ୍ତି ଜଣକ ନିଜ ବୟସଠାରୁ ୪୧ ବର୍ଷୀୟା ସାନ ଯୁବତୀଙ୍କ ସହ ବଡ଼ ଧୁମ୍ଧାମ୍ରେ ବିବାହ କରିଛନ୍ତି ।
ଏହି ବୟସ୍କ ବ୍ୟକ୍ତିଙ୍କ ନାମ ନକଛେଦ ଯାଦବ । ସେ ନିଜ ବାହାଘରରେ ଯାଉଥିବା ବରଯାତ୍ରୀଙ୍କ ସହ ଖୁବ୍ ନାଚିଥିବାର ଭିଡିଓରେ ଦେଖିବାକୁ ମିଳିଛି । ରବିବାର ଦିନ ହୋଇଥିବା ଏହି ବିବାହ ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ତେବେ ନକଛେଦ କନ୍ୟା ଜଣକ ହେଉଛନ୍ତି ତାଙ୍କ ଝିଅ ବୟସର । ନକଛେଦ ତାଙ୍କର ଦ୍ୱିତୀୟ ବିବାହ ହିନ୍ଦୁ ରୀତିନୀତି ଅନୁଯାୟୀ ରୁଦୌଲୀ କ୍ଷେତ୍ରରେ ଥିବା କାମାକ୍ଷା ଦେବୀ ମନ୍ଦିରରେ କରିଛନ୍ତି । ତାଙ୍କ ବିବାହରେ ପ୍ରାୟ ୫୦ ଜଣ ବରଯାତ୍ରୀ ସାମିଲ୍ ହୋଇଥିଲେ । ସୂଚନା ଅନୁଯାୟୀ, ପ୍ରଥମ ସ୍ତ୍ରୀଙ୍କ ପରଲୋକ ପରେ ନକଛେଦ ଏକଦମ ଏକା ହୋଇ ଯାଇଥିଲେ ।
ଯେଉଁ କାରଣରୁ ସେ ପରିବାର ଲୋକଙ୍କ ସହମତି ନେଇ ଦ୍ୱିତୀୟ ବିବାହ କରିବାର ନିଷ୍ପତି ନେଲେ । ନକଚ୍ଛେଦ ତାଙ୍କ ଦ୍ୱିିତୀୟ ପତ୍ନୀ ପଦ୍ମିନୀଙ୍କୁ ବିବାହ କରି ବେଶ୍ ଖୁସି ଅଛନ୍ତି । ତାଙ୍କର ସମସ୍ତ ପିଲାଙ୍କର ବିବାହ ହୋଇ ସାରିଥିବା ବେଳେ ତାଙ୍କ ବିବାହ ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି ।
