ନବୀନ ଦେଲେ ନୂଆ ନିଯୁକ୍ତି: ୮୦ ଜଣ ଲୋକାଲ ଫଣ୍ଡ ଅଡିଟରଙ୍କୁ ଚାକିରି
1 min read
ଭୁବନେଶ୍ୱର: ୮୦ ଜଣ ଲୋକାଲ ଫଣ୍ଡ ଅଡିଟର ଏବଂ ୧୫ ଜଣ ସ୍ମଲ ସେଭିଂ ଫାଇନାନସିଆଲ ଇନକ୍ଲୁଜନ ଅଫିସରଙ୍କୁ ନିଯୁକ୍ତି ଦେଲେ ରାଜ୍ୟ ସରକାର । ଏହି ଅବସରରେ ସେମାନଙ୍କୁ କଠିନ ପରିଶ୍ରମ କରିବା ସହ ନୂଆ ନୂଆ ଟେକନୋଲୋଜିର ବ୍ୟବହାର କରି କାମ କରିବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ନୂଆ ନିଯୁକ୍ତି ପାଇଥିବା କର୍ମଚାରୀଙ୍କୁ ନେଇ ଲୋକସେବା ଭବନରେ ଏକ ଓରିଏନଟେସନ କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟମନ୍ତ୍ରୀ ସେମାନଙ୍କୁ ରାଜ୍ୟରେ ଥିବା ଅନେକ ସମ୍ଭାବନା ପ୍ରତି ଦୃଷ୍ଟି ଆକର୍ଷଣ କରିଥିଲେ ।
ରାଜ୍ୟ ସରକାରଙ୍କ ସହ ମିଶି ସେମାନେ ସାଧାରଣ ଲୋକଙ୍କର କିପରି ସେବା କରିପାରିବେ ସେଥିପ୍ରତି ଦୃଷ୍ଟି ଦେବାକୁ ପରାମର୍ଶ ଦେଇଥିଲେ । ଦୁଇ ଦଶନ୍ଧି ତଳେ ଓଡ଼ିଶା ଗରିବ ଓ ପଛୁଆ ରାଜ୍ୟରୁ ଏବେ ଅର୍ଥନୈତିକ ବିକାଶ ସହ ପ୍ରଶାସନ ଓ ଲୋକ ସେବାରେ ଭଲ କାମ କରି ଅନ୍ୟ ରାଜ୍ୟ ପାଇଁ ମଡେଲ ପାଲଟିଛି । ୫ ଓ ମୋ ସରକାର ମାଧ୍ୟମରେ ଲୋକଙ୍କୁ ଉନ୍ନତ ସେବା ମିଳିପାରୁଛି । ସ୍ମଲ ସେଭିଂ ଫାଇନାନସିଆଲ ଇନକ୍ଲୁଜନ ଅଫିସର ମାନେ ଲୋକଙ୍କୁ ଆର୍ଥିକ ସଚେତନତା କରିବା ସହ ଲୋକଙ୍କ ମଧ୍ୟରେ ସଞ୍ଚୟ କରିବା ମନୋବୃତ୍ତିକୁ ଅଧିକ ଦୃଢ କରିବା ପାଇଁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ଲୋକାଲ ଫଣ୍ଡ ଅଡିଟର ମାନେ ସରକାରୀ ଅର୍ଥ କିପରି ବିନିଯୋଗ ହେଉଛି ଏବଂ ଅନିୟମିତତା ଉପରେ ତୀକ୍ଷ୍ନ ନଜର ରଖିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
