ଅସୁସ୍ଥ ହେଲେ ଚର୍ଚ୍ଚିତ ଅଭିନେତା ପିଣ୍ଟୁ ନନ୍ଦ : ଏଭଳି ଭୟଙ୍କର ରୋଗରେ ପୀଡିତ …
1 min read
ଭୁବନେଶ୍ୱର : ଓଲିଉଡରୁ ଦୁଃଖ ଖବର । ଅସୁସ୍ଥ ହେଲେ ଓଲିଉଡ୍ର ଭର୍ସାଷ୍ଟାଇଲ ଅଭିନେତା ପିଣ୍ଟୁ ନନ୍ଦ ଦାଶ । ତାଙ୍କ ସ୍ୱାସ୍ଥ୍ୟବସ୍ଥା ଅତି ସଙ୍କଟାପନ୍ନ ଥିବା ଜଣାପଡିଛି । ସେ ଲିଭର୍ ସିରିଓସିସ ରୋଗରେ ପୀଡିତ ଥିବା ଜଣାପଡିଛି । କିଛି ଦିନ ତଳେ ସେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ତାଙ୍କର ଚିକିତ୍ସା କରୁଥିବା ଡାକ୍ତର ତାଙ୍କୁ ଦିଲ୍ଲୀ ନେଇ ଅତ୍ୟାଧୁନିକ ପ୍ରଣାଳୀରେ ଟ୍ରିଟମେଣ୍ଟ କରିବାକୁ ପରିବାରକୁ ପରାମର୍ଶ ଦେଇଥିବା ସୂଚନା ମିଳିଛି ।
ଅତ୍ୟାଧୁନିକ ପ୍ରଣାଳୀରେ ପ୍ରାୟ ୫୦ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଡାକ୍ତର କହିଛନ୍ତି ।ଭୁବନେଶ୍ୱରର ଏକ ଘରୋଇ ମେଡିକାଲରେ ସେ ଚିକିତ୍ସିତ ହେଉଛନ୍ତି । ତେବେ ବୁଧୁବାର ପୁଣି ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବାରୁ ତାଙ୍କୁ ତୁରନ୍ତ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଓଲିଉଡର ଲୋକପ୍ରିୟ ଅଭିନେତା ପିଣ୍ଟୁ ନନ୍ଦ ବହୁ ବର୍ଷ ହେବ ଓଡିଆ ସିନେମା ଜଗତରେ ସକ୍ରିୟ ଅଛନ୍ତି ।ପ୍ରାୟ ୨୦ରୁ ଅଧିକ ଫିଲ୍ମରେ ସେ ଅଭିନୟ କରିସାରିଛନ୍ତିା ତାଙ୍କର ଅନେକ ନାଟକ ମଧ୍ୟ ଲୋକମାନଙ୍କ ମନକୁ ଖୁବ୍ ଛୁଇଁଥିଲା । ତାଙ୍କର ରାଣ୍ଡିପୁଅ ଅନନ୍ତା ଦର୍ଶକଙ୍କୁ ବେଶ୍ ପ୍ରଭାବିତ କରିଥିଲା । ପଣ୍ଟୁ ନନ୍ଦଙ୍କୁ କେତେବେଳେ ଖଳନାୟକ, କେତେବେଳେ ସହନାୟକ ପୁଣି କେତେବେଳେ କମେଡିଆନ୍ ଚରିତ୍ରରେ ଦେଖିଛନ୍ତି । ସେ ଯେଉଁ ଚରିତ୍ରରେ ପଶନ୍ତି ତାକୁ ଖୁବ୍ ମନ ପ୍ରାଣ ଦେଇ ଦର୍ଶକମାନଙ୍କ ଆଗରେ ପରିବେଶଣ କରିଥାନ୍ତି ।
ତେବେ ପିଣ୍ଟୁ ନନ୍ଦଙ୍କ ଅତ୍ୟାଧୁନିକ ଚିକିତ୍ସା ପାଇଁ ୫୦ ଲକ୍ଷ ଟଙ୍କା ଆବଶ୍ୟକା ଏନେଇ ପରିବାର ଏବଂ ବନ୍ଧୁବର୍ଗ ସୋସିଆଲ ମିଡିଆରେ ତାଙ୍କର ଆଶୁ ଆରୋଗ୍ୟ କାମନା କରିବା ସହ ତାଙ୍କ ନୂଆ ଚିକିତ୍ସା ପାଇଁ ସହାୟତାର ହାତ ବଢାଇବାକୁ ନିବେଦନ କରିଛନ୍ତି । ଦିଲ୍ଲୀ ଗଲେ ହିଁ ସେଠାରେ ତାଙ୍କର ଅତ୍ୟାଧୁନିକ ଚିକିତ୍ସା ମଧ୍ୟମରେ ଲିଭର ପ୍ରତିରୋପଣ ହୋଇପାରିବ ।
