ଲାଇନଚ୍ୟୁତ ହେଲା ମାଲବାହୀ ଟ୍ରେନ : ବିଶାଖାପାଟଣା-ଜଗଦଲପୁର ପାସେଞ୍ଜର ବାତିଲ, ଚାଲିଛି ଉଦ୍ଧାର କାର୍ଯ୍ୟ ..
1 min read
କୋରାପୁଟ : କୋରାପୁଟର ଶିବଲିଙ୍ଗପୁରମ୍ ନିକଟରେ ଏକ ମାଲବାହୀ ଟ୍ରେନ ଆଜି ସକାଳେ ଲାଇନଚ୍ୟୁତ ହୋଇଛି। ମାଲବାହୀ ଟ୍ରେନ୍ଟି କୋତାବାଲସାରୁ ଆଡକୁ ଯାଉଥିବା ବେଳେ ଶିବଲିଙ୍ଗପୁରମ୍ ନିକଟରେ ୧୧ଟି ବଗି ଟ୍ରାକ୍ରୁ ଖସି ଯାଇଥିଲା। ଟ୍ରେନ୍ଟି ଲାଇନ ଚ୍ୟୁତ ହେବା ଯୋଗୁ କାହାର କିଛି କ୍ଷତି ହୋଇନଥିବା ଖବର ମିଳିଛି। ଘଟଣାସ୍ଥଳରେ ଉଦ୍ଧାରକାରି ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଚାଲାଇଛନ୍ତି । ତେବେ କେଉଁ କାରଣ ପାଇଁ ମାଲବାହୀ ଟ୍ରେନ୍ଟି ଲାଇନ୍ଚ୍ୟୁତ୍ ହୋଇଛି, ତାର କାରଣ ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ।
ମାଲବାହୀ ଟ୍ରେନ୍ ଲାଇନଚ୍ୟୁତ ହେବା ଯୋଗୁ ସେହି ରୁଟ୍ରେ ରେଳ ଚଳାଚଳ ବାଧାପ୍ରାପ୍ତ ହୋଇଛି। ବିଶାଖାପାଟଣାରୁ କୋରାପୁଟ ଦେଇ ଜଗଦଲପୁର ଯାଉଥିବା ପାସେଞ୍ଜର ଟ୍ରେନକୁ ଉଭୟ ପଟୁ ବାତିଲ କରାଯାଇଛି। ସ୍ୱତନ୍ତ୍ର ଟିମ୍ ପହଞ୍ଚି ଟ୍ରାକ୍ ସଜାଡିବା ସହ ରେଳ ଅଧିକାରୀ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି।
Advertisement
