ଆଇଟମ୍ ଡ୍ୟାନ୍ସକୁ ନା କହିଲେ ସାମନ୍ଥା ; ରିଜେକ୍ଟ କଲେ ପୁଷ୍ପା-୨ ଅଫର୍ , ଜାଣନ୍ତୁ କାହିଁକି …
1 min read
ମୁମ୍ବାଇ : ସାଉଥ୍ ସହ ବଲିଉଡ୍ ଇଣ୍ଡଷ୍ଟ୍ରିରେ ମଧ୍ୟ ରାଜ୍ କରନ୍ତି ସାମନ୍ଥା । ‘ଓ ଆଣ୍ଟୱା’ ଫେମ୍ ସାମନ୍ଥାଙ୍କୁ ନେଇ ବର୍ତ୍ତମାନ ଏକ ବଡ ଅପଡେଟ୍ ସାମ୍ନାକୁ ଆସିଛି । ଯାହାକୁ ନେଇ ତାଙ୍କ ପ୍ରଶଂସକମାନେ ଟିକେ ମାୟୁସ୍ ହୋଇପଡିଛନ୍ତି । ପୁଷ୍ପା-୨ର ଆଇଟମ୍ ସଙ୍ଗରେ ସାମନ୍ଥାଙ୍କ ଜବରଦସ୍ତ ଡ୍ୟାନ୍ସ ପ୍ରଶଂସକମାନଙ୍କୁ ଘାଇଲା କରିଥିଲା । ଗୀତଟି ବହୁତ ହିଟ୍ ହେବା ସହ ସାମନ୍ଥାଙ୍କୁ ମିଳିଥିଲା ପୁଳା ପୁଳା ପ୍ରଶଂସା । ତେବେ ଗୀତରେ ସାମନ୍ଥା ରୁଥ ପ୍ରଭୁ ଏବଂ ଅଲ୍ଲୁ ଅର୍ଜୁନଙ୍କ କେମେଷ୍ଟ୍ରିକୁ ଖୁବ୍ ପସନ୍ଦ କରିଥିଲେ ଲୋକ । ଏହି କାରଣରୁ ଫିଲ୍ମର ନିର୍ଦ୍ଦେଶକ ସୁକୁମାର ପୁଷ୍ପା-୨ ରେ ମଧ୍ୟ ସାମନ୍ଥାଙ୍କୁ ଏକ ଆଇଟମ୍ ଗୀତ ଦେବାକୁ ଯୋଜନା କରିଥିଲେ । କିନ୍ତୁ ଫିଙ୍କ୍ ଭିଲ୍ଲାର ଏକ ରିପୋର୍ଟରୁ ଜଣାପଡିଛି ଯେ ସାମନ୍ଥା ଏହି ଅଫରକୁ ପ୍ରତ୍ୟାଖ୍ୟନ କରିଛନ୍ତି । ଆଉ ସେ ଆଇଟମ୍ ସଙ୍ଗ୍ କରିବେ ନାହିଁ ବୋଲି ମନାକରିଥିବା ଜଣାପଡିଛି ।
କିନ୍ତୁ କାହିଁକି ଏହି ଚର୍ଚ୍ଚିତ ଅଭିନେତ୍ରୀ ଜଣଙ୍କ ଆଇଟମ୍ ସଙ୍ଗ କରିବାକୁ ମନା କରିଛନ୍ତି ! କଣ ଥାଇପାରେ ସାମନ୍ଥାଙ୍କ ଏତେବଡ ପଦକ୍ଷେପ ପଛର କାରଣ ? ଚାଲନ୍ତୁ ଜାଣିବା –
ଶୁଣିବାକୁ ମିଳୁଛି ଯେ ସାମନ୍ଥା ତାଙ୍କର ଆଗାମୀ ହିନ୍ଦୀ ୱେବସିରିଜ୍ ‘ସିଟାଡଲେ’ ସୁଟିଂରେ ବ୍ୟସ୍ତ ଅଛନ୍ତି । ମିଡିଆ ରିପୋର୍ଟ ଅନୁଯାୟୀ ସାମନ୍ଥା ଏହି ୱେବସିରିଜ ପାଇଁ ବିଜୟଦେବରକୋଣ୍ଡାଙ୍କ ସହ ତେଲଗୁ ଚଳଚିତ୍ର ଖୁସୀର ସୁଟିଂ ବନ୍ଦ କନ୍ଦେଇଛନ୍ତି । ଏଥି ସହ ବର୍ତ୍ତମାନ ସେ ପୁଷ୍ପା-୨ ର ଅଫରକୁ ମଧ୍ୟ ପ୍ରତ୍ୟାଖ୍ୟାନ କରିଛନ୍ତି । ତେବେ ହିନ୍ଦୀ ୱେବସିରିଜ ପାଇଁ ସେ ତେଲଗୁ ଚଳଚିତ୍ରକୁ ଅଣଦେଖା କରୁଥିବା ବା ପ୍ରତ୍ୟାଖ୍ୟନ କରୁଥିବା ନେଇ ଏବେ ଚାରିଆଡେ ଚର୍ଚ୍ଚା ହେଉଛି ।
