ହୋଲିରେ ଅଘଟଣ : ବାଇକକୁ ଧକାଦେଇ ଚଢିଗଲା ପିକଅପ ଭ୍ୟାନ , ଆଖି ବୁଜିଲେ ଅଧ୍ୟାପକ ..
1 min read
ଆଳି : ହୋଲିରେ ଘଟିଲା ଅଘଟଣ । ଉଜୁଡିଗଲା ହସଖୁସିର ସଂସାର । ବୁଧବାର ଅପରାହ୍ନରେ କଟକ –ଚାନ୍ଦବାଲି ରାସ୍ତାର ଆଳି ଛପୋଲିଆ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ( ଆଳି ମହାବିଦ୍ୟାଳୟର ଅଧ୍ୟାପକ ବିଜୟ ସାହୁ )ନିଜ ବାଇକ ଯୋଗେ ଘରକୁ ଫେରୁଥିବା ସମୟରେ ପଟ୍ଟାମୁଣ୍ଡାଇ ପଟରୁ ତିବ୍ର ଗତିରେ ଆସୁଥିବା ଏକ ପିକଅପ ଭ୍ୟାନ ତାଙ୍କୁ ଧକାଦେଇ ଚଢିଯାଇଥିଲା । ଫଳରେ ଘଟଣା ସ୍ଥଳରେ ବିଜୟଙ୍କ ଗୋଡ଼ କଟିଯାଇଥିବା ବେଳେ ତାଙ୍କ ଅବସ୍ଥା ଗୁରୁତର ହୋଇଯାଇଥିଲା ।
ସ୍ଥାନୀୟ ଲୋକଙ୍କ ସହାୟତାରେ ପ୍ରଥମେ ତାଙ୍କୁ ଆଳି ସ୍ୱାସ୍ଥ୍ୟକେନ୍ଦ୍ର ଓ ତାପରେ କଟକ ବଡ ମେଡ଼ିକାଲ୍କୁ ସ୍ଥାନାନ୍ତର କରାଯାଇ ଥିଲା । କିନ୍ତୁ ସେଠାରେ ଅଧ୍ୟାପକ ବିଜୟଙ୍କ ପରଲୋକ ହୋଇଥିବା ଜଣା ପଡ଼ିଛି । ବାରମ୍ବାର ଘଟଣା ସ୍ଥଳରେ ଦୁର୍ଘଟଣା ଘଟି ଧନଜୀବନ ନଷ୍ଟ ହେଉଥିବା ବେଳେ ପ୍ରତିକାର ବ୍ୟବସ୍ଥା ନିମନ୍ତେ ସ୍ଥାନୀୟ ବାସିନ୍ଦା ରାସ୍ତାରେ ଟାୟାର ଜାଳି ରାସ୍ତା ରୋକରେ ବସିଛନ୍ତି ।
ସ୍ଥାନୀୟ ଲୋକଙ୍କ କହିବା ଅନୁଯାୟୀ ଛଅ ପୋଲିଆ ଛକ ନିକଟରେ ବାରମ୍ବାର ଦୁର୍ଘଟଣା ଘଟିବା ପରେ ବି ପ୍ରଶାସନ ଚେତୁନି । ଅନେକ ଥର ରାସ୍ତାରୋକ କରି ସରପଞ୍ଚ,ଙ୍କ ସହ ଆଇଆସି ଓ କେନ୍ଦ୍ରାପଡା ଏସଡିପିଓ ମ୍ୟାଡାମଙ୍କ ଆଗରେ ସମସ୍ୟା ଶୁଣାଉଥିବା ବେଳେ ମଧ୍ୟ ସମସ୍ତେ ପ୍ରତିଶୃତି ଦେଇ ଭୁଲିଯାଉଛନ୍ତି । ଗତ କିଛି ଦିନ ଭିତରେ ପ୍ରାୟ ୧୦ ଟି ଦୁର୍ଘଟଣା ଏହି ସ୍ଥାନରେ ଘଟିଥିବା ଜଣାପଡିଛିି । ସେଥିୁରୁ ପ୍ରାୟ ୪ ଟି ସ୍ପଟ୍ ଡେଥ୍ ବୋଲି ସ୍ଥାନୀୟ ଲୋକ ସୂଚନା ଦେଇଛନ୍ତି ।
ଅନ୍ୟପଟେ ଆଇଆସି ପ୍ରତିକ୍ରିୟାରେ ରଖି କହିଛନ୍ତି ଯେ ଆମେ ଏହି ମାମଲାକୁ ଗୁରତର ସହ ନେଇଛୁ । ଆମେ ଏ ସକ୍ରାନ୍ତରେ ଆରଟିଓ.ଜିଲ୍ଲାପାଳଙ୍କୁ , ଏସପି ଏବଂ ଆରଏବିର ଏକ୍ସଜିକ୍ୟୁଟିଭ୍ ଇଞ୍ଜିନିୟରଙ୍କୁ ଚିଠି ଲେଖି ଜଣାଇଛୁ । ଆମେ ଆରଟିଓଙ୍କ ସହ କଥା ହୋଇଛି ସେ ତୁରନ୍ତ ପଦକ୍ଷେପ ଗ୍ରହଣ କରିବେ ବୋଲି ଆମେ ଆଶାବାଦୀ ଅଛୁ ।
