ଭାରତ-ଅଷ୍ଟ୍ରେଲିଆ ଦିନିକିଆ ଶୃଙ୍ଖଳା : ଦମ୍ ଦେଖାଇଲେ ରବିନ୍ଦ୍ର ଓ ରାହୁଲ , ମ୍ୟାଚ୍ ଜିତିଲା ଟିମ୍ ଇଣ୍ଡିଆ ..
1 min read
ମୁମ୍ବାଇ : ଶୁକ୍ରବାର ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ଅଷ୍ଟ୍ରେଲିଆକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲେ । ୩୫ ଓଭର ୪ଟି ବଲରେ ମାତ୍ର ୧୮୮ ରନ୍ କରି ସମସ୍ତ ୱିକେଟ୍ ହରାଇ ଥିଲା ଟିମ୍ ଅଷ୍ଟ୍ରେଲିଆ ।
ମ୍ୟାଚ୍ରେ ପ୍ରଥମେ ଟିମ ଇଣ୍ଡିଆର ଦୁଇ ମହମ୍ମଦ କମାଲ କରିଥିଲେ। ମହମ୍ମଦ ସିରାଜ ଓ ମହମ୍ମଦ ଶାମି ମିଳିତ ଭାବେ ୬ ୱିକେଟ ଦଖଲ କରିବା ସହ ଅଷ୍ଟ୍ରେଲିଆର ରନ ହାରରେ ବ୍ରେକ ଲଗାଇ ଦେଇଥିଲେ। ଜାଡେଜା ମଧ୍ୟ ବୋଲିଂରେ ନିଜର କଳା ଦେଖାଇ ୨ଟି ୱିକେଟ ଦଖଲ କରିଥିଲେ। ହାର୍ଦ୍ଦିକ ପାଣ୍ଡ୍ୟା ଓ କୁଲଦୀପ ଯାଦବ ଗୋଟିଏ ଲେଖାଏ ସଫଳତା ପାଇଥିଲେ। ଅଷ୍ଟ୍ରେଲିଆ ପକ୍ଷରୁ ମିଚେଲ ମାର୍ଶ ୮୧ ରନର ଇନିଂସ ଖେଳିଥିଲେ ମଧ୍ୟ ପୂରା ଟିମ ୩୫.୪ ଓଭରରେ ୧୮୮ ରନ କରି ଅଲଆଉଟ ହୋଇଯାଇଥିଲା।
ଅନ୍ୟପଟେ ଟିମ୍ ଇଣ୍ଡିଆ ଟିମ୍ ଇଣ୍ଡିଆ ଛୋଟ ବିଜୟ ଲକ୍ଷ୍ୟ ପାଇଁ ପ୍ରାରମ୍ଭିକ ବିପର୍ଯ୍ୟୟକୁ ଏଡାଇବା ସହ ବହୁ ପରିଶ୍ରମ କରି ମ୍ୟାଚ୍ ଜିତିଛି ।ଏପରିକି ରାତିରେ ବ୍ୟାଟିଂ ସମୟରେ ମଧ୍ୟ ଟିମ୍ ଇଣ୍ଡିଆକୁ ଝାଳବୁହା ପରିଶ୍ରମ କରିବାକୁ ପଡିଛି । ଭାରତକୁ ପରାଜୟ ମୁହଁରୁ ବାହରକରି କେଏଲ.ରାହୁଲ ଏବଂ ରବିନ୍ଦ୍ର ଜାଡେଜା ୫ ୱିକେଟ୍ରେ ବିଜୟ ହାସଲ କରିଛନ୍ତି । ୧୮୯ ରନ୍ ବିଜୟ ଲକ୍ଷ୍ୟକୁ ଭାରତ ୬୧ ବଲ୍ ପୂର୍ବରୁ ହାସଲ କରିନେଇଥିଲା । ୧୦ ଓଭର ପୂର୍ବରୁ ବିଜୟ ହାସଲ କରିଥିଲା ଟିମ୍ ଇଣ୍ଡିଆ । କେଏଲ୍ ରାହୁଲ ୬୫ ବଲ୍ରେ ୮୧ ରନ୍ କରି ଅପରାଜିତ ରହିଥିଲେ । ଦୁଇଟି ୱିକେଟ୍ ନେବା ସହ ଅପରାଜିତ ୪୫ ରନ୍ କରିଥିବା ରବୀନ୍ଦ୍ର ଜାଡେଜାଙ୍କୁ ପ୍ଲେୟାର୍ ଅଫ୍ ମ୍ୟାଚ୍ ଘୋଷଣା କରାଯାଇଥିଲା ।
