ପେଟ୍ରୋଲିଂ ବେଳେ ଦୁର୍ବୃତ୍ତଙ୍କ ଗୁଳିମାଡରେ ୨ ଫରେଷ୍ଟ ଗାର୍ଡ ଆହତ..
1 min read
ବୌଧ : ଗତକାଲି ବିଳମ୍ବିତ ରାତ୍ରିରେ ବନବିଭାଗର କର୍ମଚାରୀ ମାନେ ପେଟ୍ରାଲିଂ କରୁଥିବା ସମୟରେ ସେମାନଙ୍କ ଉପରକୁ ଅତର୍କିତ ଗୁଳିଚାଳନା ହୋଇଥିଲା । ଏଭଳି ଏକ ଅଭାବନୀୟ ଘଟଣା ବୌଦ୍ଧ ଥାନା ଅନ୍ତର୍ଗତ ବଘିଆପଡା ପଂଚାୟତର ଖଲିଆ ପାଲି ଛକଠାରେ ବିଳମ୍ବିତ ରାତ୍ରୀରେ ଘଟିଛି ।
ଫଳରେ ଘଟଣା ସ୍ଥଳରେ ହିଁ ଦୁଇ ଫରେଷ୍ଟଗାର୍ଡ ଗୁଳିମାଡରେ ଆହତ ହୋଇଥିଲେ। ଦୁଇ ଆହତଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା ଚାଲିଛି। ଆହତ ଦୁଇ ଫରେଷ୍ଟ ଗାର୍ଡ ହେଲେ ନୀଳାଚଳ ପ୍ରଧାନ , ଓ ନବକିଶୋର ସାହୁ। ଫରେଷ୍ଟ ଗାର୍ଡ ନୀଳାଚଳ ପ୍ରଧାନଙ୍କ କାନ୍ଧରେ ୨ ରାଉଣ୍ଡ ଗୁଳି ବାଜିଥିଲା ବେଳେ ନବ କୁମାର ସାହୁଙ୍କ ପିଠିରେ ଗୁଳିମାଡ ହୋଇଥିବା ସୂଚନା ମିଳିଛି ।
Advertisement
ଘଟଣା ସ୍ଥଳରେ ମୋଟ ୪ରୁ ୫ ରାଉଣ୍ଡ ଗୁଳିମାଡ ହୋଇଥିଲା ବେଳେ ଗାଡିରେ ମଧ୍ୟ ଗୁଳିମାଡର ଚିହ୍ନ ରହିଛି । କିଏ ଗୁଳି ଚାଳନା କଲା ଓ କାହିଁକି କଲା ଏନେଇ କିଛି ସ୍ପଷ୍ଟ ସୂଚନା ମିଳିପାରି ନାହିଁ। ବୌଦ୍ଧ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
