ଦୁର୍ଘଟଣା ନେଇଗଲା ଅକାଳରେ ଜୀବନ , ହାତ ଧରା ଧରି ହୋଇ ଚାଲିଗଲେ ଦୁଇ ସାଙ୍ଗ ..
1 min read
ଭଦ୍ରକ : ଧାନକଟା ମେସିନ ନେବାକୁ ଆସିଥିଲା ହେଲେ ଏ କଣ ହେଇଗଲା ମତେ ଛାଡି କାଇ ଚାଲିଗଲୁ ରେ ଧନ, ନିଜର ପୁଅର ମୃତ ଦେହକୁ ଦେଖି ମା ଓ ଭଊଣି ନିଜକୁ ସମ୍ଭାଳି ନ ପରି ବାରମ୍ୱାର ଚେତା ଶୂନ୍ୟ ହୋଇପଡୁଛନ୍ତି । ଆଖିର ଲୁହ ମାଟିରେ ମିଶି ଯାଉଛି । ଆଉ ଭଊଣି କହୁଛି ଭାଇ କାହିଁକି ମତେ ଠକି ଚାଲିଗଲୁ ଆଉ ମା କହୁଛି କେତେ ପୁଜା ପାଠ କରି ମୋ ଧନର ଦୀର୍ଘ ଜୀବନ କାମନା କରିଥିଲି କାହିଁକି ନିଷ୍ଠୁର ହେଲୁରେ ବିଧାତା ଏମିତି କହି ମୁଣ୍ଡ ପିଟି କାନ୍ଦୁଛି ମାଁ । ଆଖିର ଲୁହ ସୁଖୁନି ମୃତୁ ବରଣ କରିଥିବା ଦୁଇ ଯୁବକଙ୍କ ପରିବାର ଲୋକଙ୍କର । ଆଜି ଏଭଳି ଏକ ହୃଦୟ ବିଦାରକ ଘଟଣା ଘଟିଯାଇଛି ଭଦ୍ରକ ଜିଲ୍ଲା ନଳାଙ୍ଗ ଛକ ନିକଟରେ ।
ଅଜଣା ଗାଡ଼ି ଧକ୍କାରେ ଦୁଇ ଯୁବକ ଙ୍କ ଘଟଣାସ୍ଥଳ ରେ ମୃତ୍ୟୁ ଘଟିଛି। ସୂଚନା ଅନୁଯାୟୀ ଜଳେଶ୍ଵର ରୁ ଢେ଼ଙ୍କାନାଳ ବାଇକ୍ ଯୋଗେ (OD 02 T 1607 ) ଧାନକଟା ମେସିନ କିଣିବାକୁ ଯାଉଥିବା ସମୟରେ ଦୁଇ ଯୁବକଙ୍କୁ ନଳାଙ୍ଗ ଠାରେ ଏକ ଅଜଣା ଗାଡି ଧକା ମାରିଥିଲା । ଫଳରେ ଘଟଣା ସ୍ଥଳରେ ହିଁ ଦୁଇ ଜଣଙ୍କର ମୃତ୍ୟୁ ହୋଇଯାଇଥିଲା । ସ୍ଥାନୀୟ ଲୋକଙ୍କଠାରୁ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଉଭୟଙ୍କ ମୃତ ଦେହକୁ ଶବ ବ୍ୟବଚ୍ଛେଦ ନିମନ୍ତେ ଭଦ୍ରକ ମୁଖ୍ୟ ଚିକିତ୍ସାଳୟକୁ ଆଣିଥିଲା। ପରେ ପରିବାର ଲୋକେ ଖବର ପାଇ ମେଡିକାଲ୍ରେ ପହଞ୍ଚି ମୃତକଙ୍କ ପରିଚୟ ଦେବା ପରେ ସମ୍ପୂର୍ଣ୍ଣ ଘଟଣା ଜଣାପଡିଛି।
ତେବେ ମୃତକ ଦୁଇ ଜଣ ହେଲେ ବିଶ୍ୱଜିତ ରାଉତ୍ ଓ ସାନୁ ସ୍ୱାଇଁ । ଉଭୟଙ୍କ ଘର ଢେ଼ଙ୍କାନାଳ ପର୍ବତିଆ ଓ ଆଠଗଡ଼ ବୋଲି ଜଣାପଡିଛି । ଦୁହେଁ ଏକ ଧାନକଟା ମେସିନ କିଣିବା ପାଇଁ ଭଦ୍ରକ ଆସିଥିଲେ । କିନ୍ତୁ ଅଜଣା ଗାଡି ଦୁର୍ଘଟଣାରେ ଅକାଳରେ ତାଙ୍କ ଜୀବନ ଚାଲିଯାଇଛି । ଯାହକୁ ନେଇ ସମୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି । ମେଡିକାଲରେ ମୃତକଙ୍କ ପରିବାରର କାନ୍ଧ ବୋବାଳି ଦେଖି ସାଧାରଣ ଲୋକମାନେ ମଧ୍ୟ ଦୁଃଖ ପ୍ରକାଶ କରିଛନ୍ତି ।
