କଟକରେ ବଡ ଅଘଟଣ : ଜାଇକା ବକ୍ସ ଡ୍ରେନ ପୋଲ ଉପରେ ଫସି ନାବାଳିକା ଗୁରୁତର ….
1 min read
କଟକ : ପୁଣି କଟକରେ ଡ୍ରେନ୍ କାମ ସମୟରେ ଅଘଟଣ । କଟକ ଜାଇକା ବକ୍ସ ଡ୍ରେନ ପ୍ରକଳ୍ପ କାର୍ଯ୍ୟ ସମୟରେ ପୋଲ ଉପରେ ଫସି ନାବାଳିକା ଗୁରୁତର । ଏଭଳି ଅବାବନୀୟ ଘଟଣା କଟକ କେଶରପୁରରେ ଘଟିଛି । ଦୀର୍ଘ ସମୟର ଅକ୍ଲାନ୍ତ ପରିଶ୍ରମ ପରେ ସ୍ଥାନୀୟ ବାସିନ୍ଦାମାନେ ଉକ୍ତ ନାବାଳିକାକୁ ଉଦ୍ଧାର କରି ବଡ଼ ମେଡ଼ିକାଲ ପଠେଇଛନ୍ତି ।
ନାବାଳିକାର ବୟସ ପାଖାପାଖି ୧୬ ବର୍ଷ ହେବ । ନାବାଳିକା ଜଣକ କେଶରପୁରର ବାସିନ୍ଦା ବୋଲି ଜଣାପଡିଛି । ଆଜି ଅପରାହ୍ଣ ସମୟରେ ଉକ୍ତ ନାବାଳିକା ପୋଲ ଉପରେ ଯାଉଥିବା ବେଳେ ହଠାତ୍ ପୁରୁଣା ଲୁହା ପୋଲଟି ଭୁଶୁଡ଼ି ପଡ଼ିଥିଲା। ଫଳରେ ନାବାଳିକା ଜଣକ ଫସି ଯାଇଥିଲେ। ଦୀର୍ଘ ସମୟର ଅକ୍ଲାନ୍ତ ପରିଶ୍ରମ ପରେ ସ୍ଥାନୀୟ ବାସିନ୍ଦା ସମ୍ପୃକ୍ତ ନାବାଳିକାକୁ ଉଦ୍ଧାର କରିଥିଲେ। ଘଟଣା ସମ୍ପର୍କରେ ଖବର ଦେବା ସତ୍ତ୍ଵେ ଜାଇକା କିମ୍ବା ଅନ୍ୟ କୌଣସି କର୍ତ୍ତୃପକ୍ଷଙ୍କ ତରଫରୁ କେହି ଘଟଣା ସ୍ଥଳକୁ ଆସିନଥିଲେ । ବାରମ୍ବାର ଅଭିଯୋଗ ସତ୍ୱେ ସ୍ଥାନୀୟ ବାସିନ୍ଦାଙ୍କ ପାଇଁ ଅସ୍ଥାୟୀ ରାସ୍ତା ତିଆରି କରାଯାଉ ନଥିବା ଅଭିଯୋଗ ହୋଇଛି ।
