ପାରିବାରିକ କଳହର କରୁଣ ରୂପ ; ଝୁଲନ୍ତା ଅବସ୍ଥାରେ ଗଛରୁ ଉଦ୍ଧାର ହେଲେ ନିଖୋଜ୍ ବୃଦ୍ଧ …
1 min read
ବୈପାରୀଗୁଡା : ପାରିବାରିକ କଳହର କରୁଣ ରୂପ । ବୃଦ୍ଧ ବୟସରେ ଗଛରେ ଝୁଲିପଡିଲେ ଗୌର ପ୍ରଧାନୀ । ଏଭଳି ଏକ ଅଭାବନୀୟ ଘଟଣା କୋରାପୁଟ ଜିଲ୍ଲା ବୈପାରୀଗୁଡା ବ୍ଲକରେ ଘଟିଛି ।
ଦଶମନ୍ତପୁର ପଞ୍ଚାୟତ ସଦର ମହକୁମାରେ ଏଭଳି ଏକ ଘଟଣା ଚାଞ୍ଚଲ୍ୟ ସୃଷ୍ଟି କରିଛି । ମୃତ ବ୍ୟକ୍ତି ଜଣଙ୍କ ଦଶମନ୍ତପୁର ଗ୍ରାମର ୫୮ ବର୍ଷ ବୟସ୍କ ଗୌର ପ୍ରଧାନୀ ବୋଲି ଜଣାପଡିଛି । ସୂଚନାଯୋଗ୍ୟ ଯେ, ଗତ ୮ ତାରିଖଠାରୁ ଗୌର ପାରିବାରିକ କଳହ ଯୋଗୁ ଘରୁ ନିଖୋଜ ଥିବା ବେଳେ ରବିବାର ତାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ରବିବାର ସକାଳେ ଦଶମନ୍ତପୁର ଗାଁ ନିକଟରୁ ଦୁର୍ଗନ୍ଧ ବାହାରିବାରୁ ସ୍ଥାନୀୟ ଲୋକେ ସନ୍ଦେହରେ କାଜୁ ବଗିଚା ଭିତରକୁ ଯାଇଥିଲେ ।
ସେଠାରେ ଗଛରେ ଝୁଲନ୍ତା ଗଳିତ ଶବ ଦେଖୁ ଗ୍ରାମବାସୀ ପୋଲିସକୁ ସୂଚନା ଦେଇଥିଲେ । ପୋଲିସ ଘଟଣାସୁଳରେ ପହଞ୍ଚି ଗଳିତ ଶବ ଉଦ୍ଧାର କରିଥିବା ବେଳେ ମୃତକ ବ୍ୟକ୍ତି ଉକ୍ତ ଗ୍ରାମର ଗୌର ପ୍ରଧାନୀ ବୋଲି ଜଣାପଡିଥିଲା । ଏନେଇ ବୈପାରୀଗୁଡା ପୋଲିସ ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣାପଡିଛି । କିନ୍ତୁ ଗୌରଙ୍କ ପରିବାର ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।
