ବିଦେଶରେ ଆହତ ହେଲେ ଶାହରୁଖ : ନାକରୁ ବୋହିଲା ଧାର ଧାର ରକ୍ତ …
1 min read
ମୁମ୍ବାଇ : କିଙ୍ଗଖାନଙ୍କ ପ୍ରଶଂସକଙ୍କ ପାଇଁ ଦୁଃଖ ଖବର । ଆହତ ହେଲେ ଶାହରୁଖ । ନାକରୁ ବୋହିଲା ଧାର ଧାର ରକ୍ତ । ଖବର ଅନୁଯାୟୀ ଶାହରୁଖ ନିଜର ଆଗାମୀ ଫିଲ୍ମ ପାଇଁ ଆମେରିକା ଯାଇଥିଲେ । ସେଠାରେ ଲସ୍ ଏଞ୍ଜେଲସ୍ ସୁଟିଂ ଚାଲିଥିବା ସମୟରେ ଶାହରୁଖଙ୍କ ନାକରେ ଆଘାତ ଲାଗିଥିଲା । ଏକ ଷ୍ଟଣ୍ଟ କରୁଥିବା ସମୟରେ କିଙ୍ଗଖାନଙ୍କ ନାକରେ ଆଘାତ୍ ଲାଗିଥିବା ଜଣାପଡିଛି , ଏହାପରେ ତାଙ୍କ ନାକରୁ ଜୋରରେ ରକ୍ତ ବାହାରିଥିଲା ।
ପରେ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ନାକରୁ ହେଉଥିବା ପ୍ରବଳ ରକ୍ତସ୍ରାବ ରୋକିବା ପାଇଁ ଡାକ୍ତର ତାଙ୍କର ଅସ୍ତ୍ରୋପଚାର କରିଛନ୍ତି । ଅସ୍ତ୍ରୋପଚାର ପରେ ଶାହରୁଖଙ୍କ ନାକରେ ବ୍ୟାଣ୍ଡେଣ୍ଡ୍ ଲଗାଯାଇଥିବା ଜଣାପଡିଛି । ତେବେ ନାକରେ ଆଘାତ ଲାଗିବାରୁ ଶୁଟିଂ ଅଧାରୁ ବନ୍ଦ ହୋଇଥିବା ବେଳେ ଶାହରୁଖ ତୁରନ୍ତ ମୁମ୍ବାଇ ଫେରି ଆସିଥିବା ସୂଚନା ରହିଛି ।
Advertisement
