ଫାଲୁକନାମ ଏକ୍ସପ୍ରେସରେ ନିଆଁ , ହୁତୁ ହୁତୁ ହୋଇ ଜଳିଗଲା ୩ ଟି ବଗି ….
1 min read
ନୂଆଦିଲ୍ଲୀ : ପୁଣି ଜଳିଲା ଟ୍ରେନ । ହାୱଡା-ସିକନ୍ଦରାବାଦ ଫାଲକନୁମା ଏକ୍ସପ୍ରେସରେ ଆଜି ଭୟଙ୍କର ଅଗ୍ନିକାଣ୍ଡ ଘଟିଛି। ଖବର ଅନୁଯାୟୀ ବିଶାଖାପାଟଣାର ପାଗଡିପାଲି –ବୋମାଇପାଲି ନିକଟରେ ଟ୍ରେନରେ ନିଆଁ ଲାଗିଯାଇଛି । ଟ୍ରେନରେ ନିଆଁ ଲାଗିଥିବା ଦେଖି ଯାତ୍ରୀମାନେ ତୁରନ୍ତ ଓହ୍ଲାଇପଡିଥିଲେ । ଏଣୁ କୌଣସି ଯାତ୍ରୀ ମାନଙ୍କର ବିଶେଷ କ୍ଷତି ହୋଇନାହିଁ । କିନ୍ତୁ ସେମାନଙ୍କର ଆସବାବପତ୍ର ଗୁଡିକ ଜଳି ପାଉଁସ ହୋଇଯାଇଛି ।
ଟ୍ରେନଟି ହାୱଡ଼ାରୁ ସିକନ୍ଦରାବାଦ ଆସୁଥିବା ବେଳେ ନିଆଁ ଲାଗିଯାଇଥିଲା। ସର୍ଟ ସର୍କିଟ ଯୋଗୁଁ ଟ୍ରେନରେ ନିଆଁ ଲାଗିଥିବା ସନ୍ଦେହ କରାଯାଉଛି। ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଟ୍ରେନର S-4, S-5 ଓ S-6 ବଗିର ନିଆଁକୁ ଆୟତ୍ତ କରୁଥିବା ଜଣାପଡିଛି । ବଗିଗୁଡିକରୁ ପ୍ରବଳ ଧୁଆଁ ବାହାରୁଥିବାରୁ ନିଆଁ ଲିଭାଇବାରେ ବାଧା ସୃଷ୍ଟି ହୋଇଥିବା ଜଣାପଡିଛି ।
ଅନ୍ୟପଟେ ରେଳ ବିଭାଗର ବରିଷ୍ଠ ଅଧିକାରୀ ମାନେ ଘଟଣାସ୍ଥଳରେ ପହଞ୍ଚି ଘଟଣା ଉପରେ ନଜର ରଖିଛନ୍ତି। କିପିରି ନିଆଁ ଅନ୍ୟ ବଗିକୁ ନ ବ୍ୟାପିବ ସେନେଇ ଅନ୍ୟ ବଗି ଗୁଡ଼ିକୁ ଇଞ୍ଜିନରୁ ଅଲଗା କରାଯାଉଛି।
