ଓଲଟିଲା ତୀର୍ଥଯାତ୍ରୀ ବସ , ୨୫ ଆହାତ ୫ ଗୁରୁତର …
1 min read
ଯାଜପୁର : ଝିଡିଗଲା ଜଗାଡୋରୀ ଅଧାରେ ଘଟିଲା ଅଘଟଣ । ଅଧାରେ ରହିଲା ଜଗା ଦର୍ଶନ । ରାସ୍ତା ମଝିରେ ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ । ଯେଉଁଥିରେ ପ୍ରାୟ ୨୫ ରୁ ଉର୍ଦ୍ଧ ଯାତ୍ରୀ ଆହତ ହୋଇଥିବା ବେଳେ ୫ ଜଣ ଗୁରୁତର ଥିବା ଜଣାପଡିଛି ।
ଅନୁଯାୟୀ ଆଜି ସକାଳ ସମୟରେ ପଶ୍ଚିମବଙ୍ଗରୁ ପୁରୀ ଅଭିମୁଖେ ବସଟି ଆସୁଥିବା ବେଳେ ଏହି ଦୁର୍ଘଟଣା ଘଟିଛି । ୧୬ ନମ୍ବର ଜାତୀୟ ରାଜପଥର ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଇଣ୍ଡିଆନ ଅଏଲ ପେଟ୍ରୋଲ ପମ୍ପ ନିକଟରେ ଭାରସାମ୍ୟ ହରାଇ ଓଲଟିପଡିଥିଲା ତୀର୍ଥଯାତ୍ରୀ ବସ । ବସରେ ୭୦ରୁ ଅଧିକ ତୀର୍ଥଯାତ୍ରୀ ଥିବା ବେଳେ ୨୫ରୁ ଅଧିକ ଆହତ ହୋଇଥିବା ବେଳେ ୫ ଜଣ ଗୁରୁତର ହୋଇଥିବା ଜଣାପଡିଛି ।
Advertisement
ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଙ୍କୁ ୧୦୮ ଆମ୍ବୁଲାନ୍ସ ଯୋଗେ ଭଣ୍ଡାରିପୋଖରୀ ମେଡିକାଲ ଓ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଉଛି । ବସଟି ଓଲଟି ପଡିଥିବାରୁ ବସ୍ ତଳେ କିଛି ଯାତ୍ରୀ ଚାପି ହୋଇ ରହିଥିବା ଆଶଙ୍କା କରାଯାଉଛି। ଏନେଇ ବସ୍ କୁ କ୍ରେନ ସାହାଯ୍ୟରେ ଉଠାଚାଲିଛି ।
