ବାପା ମା’ଙ୍କ କଳହରେ ବଳିପଡିଗଲା ନାବାଳିକା ଝିଅ…
1 min read
ନୂଆପଡ଼ା : ପିଶାଚ ପାଲଟିଲା ଜନ୍ମକଲା ବାପା । ଘଟାଇଲା ନାରକୀୟ କାଣ୍ଡ । ନାବାଳିକା ଝିଅର ତଣ୍ଟି ଚିପି ହତ୍ୟାକଲା ବାପା। ନୂଆପଡ଼ା ଜିଲ୍ଲା ଧରମବନ୍ଧା ଥାନା କେନ୍ଦୁବାହାର ଗାଁରେ ଘଟିଛି ଅଭାବନୀୟ ଘଟଣା । ନାବାଳିକା ଝିଅର ଗଳା ଚିପି ହତ୍ୟା କରିଛି ପିଶାଚ ବାପା। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଝିଅର ମୃତଦେହକୁ ଜବତ କରିବା ସହ ଅଭିଯୁକ୍ତ ବାପାକୁ ଅଟକ ରଖି ଘଟଣାର ତଦନ୍ତ କରୁଛି।
ସୂଚନା ଅନୁସାରେ ଗତକାଲି ଅପରାହ୍ନରେ କେନ୍ଦୁବାହାରା ଗାଁର ଗଜାନନ୍ଦ ମାଝୀ (୩୮ ବର୍ଷ) ମଦ୍ୟପାନ କରି ଘରକୁ ଯାଇଥିଲେ । ଏହି ସମୟରେ ସ୍ତ୍ରୀ ଗୋପପୁରୀ ମାଝୀ (୩୫ ବର୍ଷ)ଙ୍କ ସହ ଯୁକ୍ତିତର୍କ ହୋଇଥିଲା । ପରେ ସ୍ଵାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡା ବଢି ଯାଇଥିଲା । ବାପା ଓ ମାଆ ଙ୍କ ଏପରି ଝଗଡ଼ା ଦେଖି ଗଜାନନଙ୍କ ୧୩ ବର୍ଷର ନାବାଳିକା ଝିଅ ବାପା ଓ ମା ଙ୍କ ଝଗଡ଼ା ବନ୍ଦ ପାଇଁ କହିଥିଲା। ଗଜାନନ ରାଗି ଯାଇ ଝିଅ ର ତଣ୍ଟି ଚିପି ଦେଇଥିଲେ । ଫଳରେ ଘଟଣା ସ୍ଥଳରେ ହିଁ ଝିଅର ପ୍ରାଣବାୟୁ ଉଡିଯାଇଥିଲା । ଆଜି ସକାଳୁ ଧରମବନ୍ଧା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ଗଜାନନ୍ଦଙ୍କୁ ଥାନାରେ ଅଟକ ରଖୁ ପଚରା ଉଚୁରା ଚଳାଇ ଥିବା ଥାନା ଅଧିକାରୀ ବିନୋଦ ବିହାରୀ ସେଠୀ ସୂଚନା ଦେଇଛନ୍ତି।
