ପାକିସ୍ତାନରେ ବିବାହ କଲେ ଅଞ୍ଜୁ ; ଭାଇରାଲ ହେଲା ଭିଡିଓ , ଆଉ ଫେରିବେନି ଭାରତ !
1 min read
ନୂଆଦିଲ୍ଲୀ : ସୀମା-ସଚୀନଙ୍କ ସରହଦ୍ ପାର ପ୍ରେମର ଚର୍ଚ୍ଚା ପରେ ଏବେ ଅଞ୍ଜୁ ନସରୁଲ୍ଲାଙ୍କ ପ୍ରେମ କାହାଣୀ ସାରା ଭାରତ ପାକିସ୍ତାନରେ ଚର୍ଚ୍ଚାର ବିଷୟ ପାଲଟିଛି । ଭାରତରେ ନିଜ ଦୁଇ ପିଲା ଓ ସ୍ୱାମୀଙ୍କୁ ଛାଡ଼ି ଆଇନଗତ ଉପାୟରେ ପାକିସ୍ତାନ ଯାଇଥିବା ଅଞ୍ଜୁ ସେଠାରେ ନିଜର ଫେସବୁକ ବନ୍ଧୁଙ୍କୁ ବିବାହ କରିଛନ୍ତି । ଏହା ସହ ସେ ହିନ୍ଦୁ ହୋଇଥିବା ବେଳେ ନସରୁଲ୍ଲାଙ୍କ ପାଇଁ ନିଜ ଧର୍ମ ପରିବର୍ତ୍ତନ କରି ଇସଲାମ୍ ଧର୍ମ ଗ୍ରହଣ କରିଥିବା ଜଣାପଡିଛି ।
ତେବେ ସୋମବାର ଅର୍ଥାତ୍ ୨୪ ଜୁଲାଇ ଦିନ ୩୪ ବର୍ଷୀୟ ଅଞ୍ଜୁ ଏବଂ ୨୯ ବର୍ଷୀୟ ପାକିସ୍ତାନୀ ନସରୁଲ୍ଲାଙ୍କ ଦିର ବାଲାରେ ଥିବା ଜିଲ୍ଲା କୋର୍ଟରେ ନିକା ସମ୍ପର୍ଣ୍ଣ ହୋଇଛି । ନସରୁଲ୍ଲାଙ୍କ ପରିବାର ଲୋକ, ପୁଲିସ୍ କର୍ମଚାରୀ ଓ ଆଇନଜୀବୀ ଙ୍କ ସାମ୍ନାରେ ଉଭ୍ୟଙ୍କ ବିବାହ /ନିକା ହୋଇଥିଲା । ଏନେଇ ପାକିସ୍ତାନ ମାଲାକନ୍ଦ ଡିଭିଜନର ଡିଆଇଜି ନସିର ମହମଦ ସାତ୍ତି ବିବାହ ଖବର ଦେଇଛନ୍ତି । ଏଥିସହ ଅଞ୍ଜୁ ଇସଲାମ ଧର୍ମ ଗ୍ରହଣ କରିବା ପରେ ତାଙ୍କ ନାଁ ଫାତିମା ହୋଇଯାଇଛି ବୋଲି ମଧ୍ୟ ସ୍ପଷ୍ଟ ହୋଇଛି।
ବିବାହ ପରେ ଦୁହେଁ ନସରୁଲ୍ଲା ଓ ଅଞ୍ଜୁ କଡ଼ା ସୁରକ୍ଷା ବିଳୟ ମଧ୍ୟରେ ବୁଲିବାକୁ ଯାଇଥିଲେ। ସେମାନେ ଲାୱରି ଟନେଲ ବୁଲିବା ସହ ଭିଡିଓ ଓ ଫଟୋ ମଧ୍ୟ ଉଠାଇବା ସହ ଭିଡିଓ ସୁଟ୍ ମଧ୍ୟ କରିଥିଲେ । ଯାହା ବର୍ତ୍ତମାନ ଭାଇରାଲ ହେଉଛି ।
ଉତ୍ତର ପ୍ରଦେଶର କାଲିଓର ଗାଁରେ ଜନ୍ମିତ ଅଞ୍ଜୁ ରାଜସ୍ଥାନର ଅଲୱର ଠାରେ ରହୁଥିଲେ। ୨୦୦୫ ମସିହାରୁ ଏକ କମ୍ପାନୀରରେ ଚାକିରି କରୁଥିବା ଅଞ୍ଜୁ ୨୦୦୭ ମସିହାରେ ଅରବିନ୍ଦ ନାମକ ଯୁବକଙ୍କୁ ବିବାହ କରିଥିଲ। ଉଭୟଙ୍କ ବିବାହକୁ ୧୬ ବର୍ଷ ଅତିକ୍ରମ କରି ସାରିଥିବା ବେଳେ ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି। ତେବେ ନିକଟରେ ଅଞ୍ଜୁ ନିଜ ସ୍ୱାମୀ ଓ ୨ ପିଲାଙ୍କୁ ଛାଡ଼ି ପାକିସ୍ତାନ ପଳାଇଥିଲେ।ଏବଂ ବର୍ତ୍ତମାନ ପାକିସ୍ତାନରୁ ତାଙ୍କର ଏଭଳି ଭିଡିଓ ଭାଇରାଲ ହେଉଛି । ଯାହ ତାଙ୍କ ପରିବାରକୁ ଅତ୍ୟନ୍ତ କଷ୍ଟ ଦେଇଥିବ । ପ୍ରଥମେ ସୀମା ଏବଂ ବର୍ତ୍ତମାନ ଅଞ୍ଜୁଙ୍କ ଭଳି କିଛି ମହିଳା ଏଭଳି କାର୍ଯ୍ୟ କରି ସମସ୍ତ ମହିଳାଜାତିର ମୁଣ୍ଡକୁ ନୁଆଁଇଦେଛନ୍ତି ।
