ଫିଲିଫାଇନ୍ସରେ ବୁଡିଲା ଡଙ୍ଗା ଆଖିବୁଜିଲେ ୩୦ ଯାତ୍ରୀ …
1 min read
ନୂଆଦିଲ୍ଲୀ : ଫିଲିପାଇନ୍ସରେ ଏକ ହ୍ରଦରେ ଡଙ୍ଗାବୁଡ଼ି ୩୦ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ଗୁରୁବାର ଦିନ ପ୍ରବଳ ପବନ ଯୋଗୁ ରାଜଧାନୀ ମାନିଲା ଉପକୂଳରୁ ଏକ ଜାହାଜ ବୁଡିଯାଇଛି । ଯେଉଁଥିରେ ପାଖାପାଖି ୩୦ ଜଣ ଯାତ୍ରୀ ବୁଡି ଯାଇଥିବା ବେଳେ ୪୦ ଜଣଙ୍କୁ ଉଦ୍ଧାର କରିଥିବା ନେଇ ସୂଚନା ଦେଇଛି ଫିଲିପାଇନ୍ କୋଷ୍ଟଗାର୍ଡ ।
ତେବେ ଡଙ୍ଗାଟି ସ୍ଥଳଭାଗରୁ ମାତ୍ର ୪୫ ମିଟର ଦୂରରେ ଥିବା ବେଳେ ସମୁଦ୍ର ଅଶାନ୍ତ ହୋଇ ଉଠିଥିଲା । ଏହାସହ ବର୍ଷା ଓ ପବନ ମଧ୍ୟ ଆସିଥିଲା ଫଳରେ ଯାତ୍ରୀମାନେ ଭୟଭୀତ ହୋଇ ଡଙ୍ଗାର ଏକପାଶ୍ୱକୁ ଚାଲିଆସିଥିବା ବେଳେ ଭାରସାମ୍ୟ ହରାଇ ଡଙ୍ଗାଟି ଓଲଟି ପଡିଥିଲା । ପରେ କୋଷ୍ଟଗାର୍ଡଙ୍କ ଦ୍ୱାରା ପାଖାପାଖି ୪୦ ଜଣଙ୍କୁ ଉଦ୍ଧରା କରାଯାଇଥିବା ବେଳେ ଆହୁରୀ ୩୦ ଜଣଙ୍କ ପତ୍ତା ମିଳୁନଥିବା ନେଇ ସୂଚନା ମିଳିଛି ।
ଏହି ଦକ୍ଷିଣ ପୂର୍ବ ଏସୀୟ ରାଷ୍ଟ୍ର ଫିଲିଫାନ୍ସରେ ଆଗରୁ ମଧ୍ୟ ଏଭଳି ଅନେକ ଘଟଣା ଘଟିଛି । କାରଣ ଫିଲିଫାନ୍ସ ରେ ୭ ହଜାର ୬୦୦ ରୁ ଅଧିକ ଦ୍ୱୀପପୁଞ୍ଜ ରହିଛି । ଏଠାକାର ଲୋକମାନେ ନିଜ ଦୈନନ୍ଦିନ କାର୍ଯ୍ୟ ପାଇଁ ଡଙ୍ଗା ଉପରେ ନିର୍ଭର କରିଥାନ୍ତି ।
