ଥାନାରେ ହେଲା ନିଆରା ବିବାହ ; ପୋଲିସ ସାଜିଲେ ଘରଲୋକ କରାଇଲେ ପ୍ରେମିଯୁଗଳଙ୍କ ବାହାଘର
1 min read
ଦେବଗଡ଼ : ଗୁରୁବାର ଦେବଗଡ ଆଦର୍ଶ ଥାନା ପୋଲିସ ପକ୍ଷରୁ ପ୍ରେମୀ ଯୁଗଳଙ୍କ ବିବାହ କାର୍ଯ୍ୟ ସମ୍ପନ୍ନ କରାଯାଇଛି । ବିବାହ ସମ୍ପନ୍ନ ହୋଇଥିବା ପ୍ରେମୀ ଯୁଗଳ ହେଲେ ଦେବଗଡ ଜିଲ୍ଲା ରିଆମାଳ ଥାନା ଅନ୍ତର୍ଗତ ଅନ୍ଧାରୀ ଗ୍ରାମର ଭୀମ କିଶାନ ଙ୍କ ଝିଅ ସୁନାଲି କିଶାନ ଓ ଅନୁଗୁଳ ଜିଲ୍ଲା ପାଲଲହଡା ଥାନା ଅନ୍ତର୍ଗତ ହରିପୁର ଗ୍ରାମର ଶୁକ୍ରୁ କିଶାନଙ୍କ ପୁଅ ସୁଶିଳ କିଶାନ ।
ମିଳିଥିବା ସୂଚନା ଅନୁଯାୟୀ ଉଭୟ ସୁନାଲି ଓ ସୁଶିଳ ପରସ୍ପରକୁ ଭଲ ପାଉଥିଲେ । ସୁଶିଳ ତାମିଲନାଡୁରେ କାର୍ଯ୍ୟ କରୁଥିବା ବେଳେ ମଙ୍ଗଳବାର ଦିନ ନିଜ ଘରକୁ ଫେରୁଥିଲେ । ଫେରିବା ରାସ୍ତାରେ ସେ ଦେବଗଡ ନିକଟରେ ଅସୁସ୍ଥ ହୋଇପଡିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ସେ ଅସୁସ୍ଥ ହୋଇ ପଡିଥିବା ଖବର ପାଇ ପ୍ରେମିକା ସୁନାଲି ଆସି ଡାକ୍ତରଖାନାରେ ପହଞ୍ଚିଥିଲେ।
ଏ ସମ୍ପର୍କରେ ଦେବଗଡ ଆଦର୍ଶ ଥାନା ରେ ଖବର ପହଞ୍ଚିଥିଲା । ସୁଶିଳ ସୁସ୍ଥ ହେବାପରେ ଗୁରୁବାର ଥାନା ପରିସରରେ ଉଭୟଙ୍କର ବିବାହ କାର୍ଯ୍ୟ ସମ୍ପନ୍ନ କରାଯାଇଛି। ଉଭୟଙ୍କୁ ନୋଟାରୀଙ୍କ ପାଖରେ ସତ୍ୟପାଠ କରାଯାଇ ବିବାହ କରାଯାଇଥିବା ବେଳେ ଏହି ବିବାହ କୁ ପଞ୍ଜିକୃତ କରିବା ପାଇଁ ଦେବଗଡ ଜିଲ୍ଲା ରେଜିଷ୍ଟ୍ରାର ଙ୍କ ପାଖରେ ଆବେଦନ କରାଯାଇଥିବା ସୂଚନା ମିଳିଛି ।
