ଖୁବ୍ଶୀଘ୍ର ଜେଲରୁ ମୁକୁଳିବେ ଅର୍ଚ୍ଚନା ; ଆଉ ଏକ ମାମଲାରେ ମିଳିଲା ଜାମିନ୍ …
1 min read
କଟକ : ଖୁବ୍ ଶୀଘ୍ର ଜେଲରୁ ମୁକୁଳିବେ ଅର୍ଚ୍ଚନା ନାଗ୍ । ହନିଟ୍ରାପ୍ ଓ ବ୍ଲାକମେଲିଂ ମାମଲାରେ ଖଣ୍ଡଗିରି ଓ ନୟାପଲ୍ଲୀ ଥାନାରେ ୨ଟି ମାମଲାରେ ଅର୍ଚ୍ଚନାଙ୍କୁ ସର୍ତ୍ତମୂଳକ ଜାମିନ ମିଳିଛି । ଦୁଇଟି ମାମଲାରେ ତାଙ୍କୁ ଜାମିନ ମିଳିଛି । ଏଥିସହ ତଦନ୍ତରେ ସହଯୋଗ ପାଇଁ ନିର୍ଦ୍ଦେଶ ଦିଆଯାଇଥିବାବେଳେ ସେ ମାମଲାକୁ ନେଇ ବାହାରେ କୌଣସି ପ୍ରତିକ୍ରିୟା ରଖିପାରିବେନି ବୋଲି ନିର୍ଦ୍ଦେଶ ଦିଆଯାଇଛି । କିନ୍ତୁ ବର୍ତ୍ତମାନ ଇଡି ମାମଲାରେ ଅର୍ଚ୍ଚନାଙ୍କୁ ଆଶ୍ୱସ୍ତ ମିଳିପାରିନାହିଁ । ତେଣୁ ସେ ବର୍ତ୍ତମାନ ଜେଲରେ ହିଁ ରହିବେ । ଆସନ୍ତା ୯ ତାରିଖରେ ସମୃକ୍ତ ମାମଲାର ପରବର୍ତ୍ତୀ ଶୁଣାଣି କରାଯିବ ।
ସୂଚନାଯୋଗ୍ୟ ଯେ ଅର୍ଚ୍ଚନା ଏବଂ ତାଙ୍କ ସ୍ୱାମୀ ଜଗବନ୍ଧୁ ଏବଂ ସହଯୋଗୀ ଖଗେଶ୍ୱର ମିଶି ଏକ ସେକ୍ସ ର୍ୟାକେଟ୍ ଚଲାଇଥିଲେ । ହନିଟ୍ରାପରେ ବଡ ବଡ ନେତାମନ୍ତ୍ରୀଙ୍କ ଅନ୍ତରଙ୍ଗ ମୁହୁର୍ତ୍ତର ଭିଡିଓ ସୁଟିଂ କରି ପରେ ସେମାନଙ୍କୁ ବ୍ଲାକମେଲ କରୁଥିଲେ । ଏବଂ ଏଥିରୁ କୋଟି କୋଟି ଟଙ୍କା ରୋଜଗାର କରୁଥିଲେ । ଏନେଇ ପ୍ରଥମେ ପ୍ରବର୍ତ୍ତନ ନିର୍ଦ୍ଦେଶାଳୟ ଆର୍ଥିକ କାରବାର ଖୋଳତାଡ କରିବା ପରେ , ସମୃକ୍ତ ମାମଲା ସାମ୍ନାକୁ ଆସିଥିଲା । ଯାହା ଫଳରେ କମିଶନରେଟ୍ ପୋଲିସ ସ୍ୱାମୀ ସ୍ତ୍ରୀ ଦୁହିଁଙ୍କୁ ଗିରଫ୍ କରିଥିଲା ।
