ସାଇବର ଥାନାରେ ଲୋକପ୍ରିୟ ଅଭିନେତ୍ରୀ ଅନୁଚୌଧୁରୀ ; ଆଣିଲେ ଏଭଳି ସଙ୍ଗୀନ ଅଭିଯୋଗ …

ଭୁବନେଶ୍ୱର : ସାଇବର ଥାନାରେ ଲୋକପ୍ରିୟ ଅଭିନେତ୍ରୀ ଅନୁଚୌଧୁରୀ । ଏକୱେବ ପୋର୍ଟାଲ ଚ୍ୟାନେଲ ନାଁରେ ଆଣିଲେ ସଙ୍ଗୀନ ଅଭିଯୋଗ । ନିକଟରେ ଓଲିଉଡ ଅଭିନେତ୍ରୀ ଅନୁଚୌଧୁରୀଙ୍କ ନାଁରେ ମିଥ୍ୟା ଖବର ପ୍ରସାରଣ ହୋଇଥିଲା । ଅନୁଙ୍କୁ କ୍ୟାନ୍ସର ହୋଇଥିବା ନେଇ ଗୁଜବ ପ୍ରଚାରିତ ହୋଇଥିଲା ।

ଏଭଳି ଖବରକୁ ନିନ୍ଦା କରିବା ସହ ଆଇନର ଆଶ୍ରୟ ନେଇଛନ୍ତି ଅନୁଚୌଧୁରୀ । ତୁରନ୍ତ ଅଭିଯୁକ୍ତ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ସାଇବର ଥାନାରେ ଦାବି କରିଛନ୍ତି । ଏନେଇ ଅନୁ ନିଜେ ପ୍ରତିକ୍ରିୟା ରଖି କହିଛନ୍ତି ଯେ ଯାହାକୁ ଉପରକୁ ଉଠିବାର ଅଛି ଉଠ ନିଜ ଚ୍ୟାନେଲ ଖୋଲ ପଇସା କମାଓ କିନ୍ତୁ ଏବଳି ମିଛ ବାର୍ତ୍ତା ଖେଳାଇ ହୀନ ମାନସିକତା ଦେଖାନ୍ତୁ ନାହିଁ ।

Advertisement

‘ମୁଁ ସୁସ୍ଥ ଥିବା ସତ୍ତ୍ୱେ ମୋତେ କ୍ୟାନ୍ସର ରୋଗୀ ବନାଇବା ଏହା ଏକ ନିଜ ହୀନ ମାନସିକତା’ । ଆଉ ଏଭଳି କୁଶ୍ଚିତ ମାନସିକ ଲୋକଙ୍କୁ ତୁରନ୍ତ ଗିରଫ କରାଯାଉ ବୋଲି କହିଛନ୍ତି ଅନୁ । ଅନ୍ୟପଟେ ଅନୁଙ୍କ ଏତଲା ଆଧାରରେ ସାଇବର ପୋଲିସ ତଦନ୍ତ ଆରମ୍ଭ କରିଦେଇଛି ।