ଏସିଆକପ ଜିତିବା ଖୁସି ସହ ବିଘ୍ନବିନାକଙ୍କୁ କିଛି ସ୍ପେଶାଲ ଅନ୍ଦାଜରେ ସ୍ୱାଗତ କଲେ ବିରାଟ-ଅନୁଷ୍କା
1 min read
ମୁମ୍ବାଇ: ଏସିଆ କପରେ ବାଜି ମାରିନେଇ ସାରିଛି ଭାରତ । ଏଥିସହ ସ୍ୱଦେଶ ଫେରିଆସିଛନ୍ତି ଭାରତର ସମସ୍ତ ଖେଳାଳି । ସେପ୍ଟେମ୍ବର ୧୯ରେ ଗଣେଶ ପୂଜା ପଡିଥିବା ବେଳେ ସାରା ଦେଶରେ ବଡ ଧୂମଧାମରେ ଏହାକୁ ପାଳନ କରାଯାଇଛି । ଏସିଆ କପ ଖୁସି ସହ ଧରାପୃଷ୍ଠକୁ ଗଜାନନ ଆସିଥିବା ବେଳେ ଭାରତୀୟ କ୍ରିକେଟର ମାନେ ମଧ୍ୟ ଗଣେଶ ପୂଜା କରିଛନ୍ତି । ଗଣେଶଙ୍କ ଝଲକ ଖାଲି ବଲିଉଡ ନୁହେଁ କ୍ରିକେଟର ଙ୍କ ଘରେ ମଧ୍ୟ ଦେଖିବାକୁ ମିଳିଛି । ଅନେକ କଳାକାର ଗଜାନନଙ୍କୁ ସ୍ୱାଗତ କରଥିବା ବେଳେ ଏଥିରୁ ବାଦ ପଡିନାହାନ୍ତ କିଙ୍ଗ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମା । ଯାହାର ସୁନ୍ଦର ଫଟୋ ସୋସିଆଲ ମିଡିଆରେ ପୋଷ୍ଟ ହେବା ପରେ ଭାଇରାଲ ହେବାରେ ଲାଗିଛି । ପ୍ରତିମର୍ଷ ଏହି ଷ୍ଟାର ଦମ୍ପତ୍ତି ଗଣପତିଙ୍କୁ ସ୍ୱାଗତ କରିଥାନ୍ତି । ଏହି ବର୍ଷ ମଧ୍ୟ ସେ ଗଣେଶ ଉତ୍ସବ କରିଛନ୍ତି । ଅଭିନେତ୍ରୀ ଅନୁଷ୍କା ପୂଜାର ଫଟୋ ଇନଷ୍ଟାଗ୍ରାମରେ ଫୋଟ କରିଛନ୍ତି ।
ଫଟୋରେ ଆପଣମାନେ ଦେଖିପାରୁଥିବେ ଉଭୟ ପୂଜା କରୁଥିବା ବେଳେ କେତେ ଖୁସି ହେଉଛନ୍ତି । ଗଣେଶ ଥିବା ସ୍ଥାନକୁ ଫୁଲରେ ସଜା ଯାଇଛି । ଏହି ପୂଜା ଅବସରରେ କୋହଲି ଏବଂ ଅନୁଷ୍କା ପୁରା ଟ୍ରାଡିସନାଲ ଲୁକରେ ନଜର ଆସିଛନ୍ତି । ବିରାଟ ଧଳା କୂର୍ତ୍ତା ପିନ୍ଧିଥିବା ବେଳେ ଅନୁଷ୍କା ବନାରସୀ ଶାଢୀ ପିନ୍ଧିଛନ୍ତି । ଏହି ପୂଜାରେ ଝିଅ ଭାମିକା ମଧ୍ୟ ଉପସ୍ଥିତ ରହିଥିଲା । ତେବେ ତାର ଚେହେରା ଦେଖାଯାଇ ନଥିଲା । ଫଟୋ ସେୟାର କରି ଅନୁଷ୍କା ସାରା ଦେଶକୁ ଗଣେଶ ଚତୁର୍ଥୀର ଶୁଭେଚ୍ଛା ଜଣାଇଛନ୍ତି ।
