ବିଶ୍ୱକପ୍ ପୂର୍ବରୁ କଙ୍ଗାରୁ ଦଳ ସହ ମୁହାଁମୁହିଁ ହେବ ଭାରତ ; ୨ଟି ମ୍ୟାଚର ଦାୟିତ୍ୱ ସମ୍ଭାଳିବେ ରାହୁଲ
1 min read
ମୋହାଲି : ବିଶ୍ୱକପ୍ ପୂର୍ବରୁ ଭାରତ ଖେଳିବ ଶେଷ ୱାନ୍ ଡେ ସିରିଜ୍ । ଆଉ ଦିନକ ପରେ ଭାରତ-ଅଷ୍ଟ୍ରେଲିଆ ଦିନିକିଆ ଲଢ଼େଇ । ଆସନ୍ତାକାଲି ପ୍ରଥମ ମ୍ୟାଚ ମୋହାଲିରେ ଖେଳାଯିବ । ଆଉ ଆଜି ଉଭୟ ଦଳ ପ୍ରାକ୍ଟିସ କରିବେ । ଏଥିରେ ମୋଟ୍ ୩ଟି ମ୍ୟାଚ୍ ଖେଳାଯିବ । ଏହି ସିରିଜ ପାଇଁ ଭାରତ ଦୁଇଟି ଟିମ୍ ଘୋଷଣା କରିଛି । କେ.ଏଲ ରାହୁଲଙ୍କ ନେତୃତ୍ୱରେ ପ୍ରଥମ ଦୁଇଟି ମ୍ୟାଚ୍ ଖେଳିବ ଟିମ୍ ଇଣ୍ଡିଆ । ଦଳର ଉପଅଧିନାୟକ ରହିବେ ରବୀନ୍ଦ୍ର ଜାଡେଜା । ପ୍ରଥମ ଦୁଇଟି ମ୍ୟାଚରୁ ରୋହିତ ଶର୍ମା, ବିରାଟ କୋହଲି, ହାର୍ଦ୍ଦିକ ପାଣ୍ଡ୍ୟା, କୁଳଦୀପ ଯାଦବଙ୍କୁ ବିଶ୍ରାମ ଦିଆଯାଇଛି । ସ୍କ୍ୱାର୍ଡକୁ ଫେରିଛନ୍ତି ଭେଟରାନ ସ୍ପିନର ରବିଚନ୍ଦ୍ରନ୍ ଅଶ୍ୱିନ୍ ଓ ଋତୁରାଜ ଗାଏକୱାଡ୍ । ବ୍ୟାଟିଂ ଭାର ସମ୍ଭାଳିବେ ଋତୁରାଜଙ୍କ ସହ ଶୁଭମନ ଗିଲ୍ , ଶ୍ରେୟସ ଆୟର, ସୂର୍ଯ୍ୟକୁମାର ଯାଦବ, ତୀଲକ ବର୍ମା, ଇଶାନ କିଶାନ । ଅଲରାଉଣ୍ଡର ଦାୟିତ୍ୱରେ ରହିବେ ରବୀନ୍ଦ୍ର ଜାଡେଜା, ୱାଶିଂଟନ୍ ସୁନ୍ଦର ଓ ଶାର୍ଦ୍ଦୁଲ ଠାକୁର । ଦ୍ରୁତ ବୋଲିଂ ସମ୍ଭାଳିବେ ବୁମରାହ, ମହମ୍ମଦ ସାମି, ମହମ୍ମଦ ସିରାଜ ଓ ପ୍ରସିଦ୍ଧ କ୍ରିଷ୍ଣା । ଶେଷ ଦିନିକିଆର ନେତୃତ୍ୱ ନେବେ ରୋହିତ ଶର୍ମା ।
ବିଶ୍ୱକପ ପୂର୍ବରୁ ଏହି ସିରିଜ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ । ବର୍ତ୍ତମାନ ସୁଦ୍ଧା ଭାରତ-ଅଷ୍ଟ୍ରେଲିଆ ମୋଟ୍ ୧୪୬ ଦିନିକିଆ ଖେଳିଛନ୍ତି । ଏଥିରୁ ଟିମ୍ ଇଣ୍ଡିଆ ୫୪ ଓ କଙ୍ଗାରୁ ଦଳ ଜିତିଛି ୮୨ ମ୍ୟାଚ୍ । ଘରୋଇ ପରିବେଶରେ ଭାରତ ୩୦, ଅଷ୍ଟ୍ରେଲିଆ ମାଟିରେ ୧୪ ଓ ନିରପେକ୍ଷ ଭେନ୍ୟୁରେ ୧୦ଟି ମ୍ୟାଚରେ ବିଜୟୀ ହୋଇଛି । ସେହିପରି ଅଷ୍ଟ୍ରେଲିଆ ଘରୋଇ ମାଟିରେ ୩୮, ଭାରତରେ ୩୨ଟି ଓ ନିରପେକ୍ଷ ଭେନ୍ୟୁରେ ଜିତିଛି ମୋଟ୧୨ଟି ମ୍ୟାଚ୍ ।
