ବିତର୍କର ଚାଲିଥିଲା ଲାଇଭ ଶୋ, ୨ନେତାଙ୍କ ଭିତରେ ଆରମ୍ଭ ହୋଇଗଲା ଚାପୁଡା ଗୋଇଠା ମରାମରି
1 min read
ଇସଲାମାବାଦ : ଟିଭିରେ ଚାଲିଥିଲା ରାଜନୈତିକ ବିର୍ତକ । ଏଥିରେ ଅଂଶ ଗ୍ରହଣ କରିଥିଲେ ନେତା । ଆଉ ଲାଇଭ ଚାଲିଥିବା ବେଳେ ଘଟିଲା ଏଭଳି ଯେ ଆଶ୍ଚର୍ଯ୍ୟ ହୋଇଗଲେ ସେଠାରେ ବସିଥିବା ଆଙ୍କର ସହ ଅନ୍ୟ କର୍ମଚାରୀ ଚାରଣ କୌଣସି ରାଜନୈତିକ କଥାକୁ ୨ନେତାଙ୍କ ଭିତରେ ଆରମ୍ଭହୋଇ ଯାଇଥିଲା ଯୁକ୍ତିତର୍କ । ହେଲେ ଏତେ ମାତ୍ରାରେ ବଢିଗଲା ଯେ ଉଭୟ ନିଜ ସିଟ୍ରୁ ଉଠି ପରସ୍ପରକୁ ଚାପୁଡା ଗୋଇଠା ମାରିବା ଆରମ୍ଭ କରି ଦେଇଥିଲେ । ତେବେ ଏଭଳି ଘଟଣା ଭାରତରେ ନୁହେଁ ପାକିସ୍ତାନରେ ଘଟିଛି । ପାକିସ୍ତାନର ଏକ ଟେଲିଭିଜନ ଚ୍ୟାନେଲରେ ଦେଶର ଦାରିଦ୍ର ପ୍ରସଙ୍ଗରେ ଷ୍ଟୁଡିଓରେ ଏକ ବିତର୍କ ଚାଲିଥିଲା । ଇମ୍ରାନ ଖାନଙ୍କ ପାର୍ଟି ପିଟିଆଇର ନେତା ମାରୱାଟ ଏବଂ ନୱାଜ ସରିଫଙ୍କ ଦଳର ସିନେଟର ଡ ଇଲ ଆଫାନନ ଉଲ୍ଲା ସେମାନଙ୍କ ମତାମତ ଉପସ୍ଥାପନ କରିଥିଲେ । ଉଭୟ ପାର୍ଶ୍ୱରେ ବସିଥିଲେ । ବିତର୍କ ଲାଇଭ୍ ଚାଲିଥିଲା ।
ଏହି ସମୟ ମଧ୍ୟରେ ଦୁଇ ନେତାଙ୍କ ମଧ୍ୟରେ ତୀବ୍ର ଯୁକ୍ତିତର୍କ ଆରମ୍ଭ ହୋଇଥିଲା । ପ୍ରଥମେ ‘ତୁ ତୁ ମେ-ମେ’ରୁ ବିତର୍କ ଆରମ୍ଭ ହୋଇ ଅପବ୍ୟବହାର ସ୍ତରରେ ପହଞ୍ଚିଗଲା ଏବଂ କିଛି ସମୟ ମଧ୍ୟରେ ଇମ୍ରାନଙ୍କ ଦଳର ନେତା ମାରୱାଟ ଉଠି ନୱାଜଙ୍କ ଦଳର ସିନେଟର ଆଫାନନ୍ ଉଲ୍ଲାଙ୍କୁ ଆକ୍ରମଣ କରିଥିଲେ । ମାରୱାଟ ଆଫାନନଙ୍କୁ ଗୋଇଠା ଚାପୁଡା ମାରି ଚାଲିଥିଲେ । ସୋର ଆୟୋଜକମାନେ ଉଭୟଙ୍କୁ ରୋକିବାକୁ ଚେଷ୍ଟା କରିଥିଲେ ସୁଦ୍ଧା ବିଫଳ ହୋଇଥିଲେ ।ଟିଭିରେ ଏହା ଲାଇଭ ଚାଲିଥିବା ବେଳେ ଏ ଦୃଶ୍ୟକୁ ଦେଖି ଦର୍ଶକ ହତବାକ ହୋଇ ଯାଇଥିଲେ । କଥା ଏତିକିରେ ଶେଷ ହୋଇନଥିଲା ପରେ ଉଭୟ ନେତା ଏହାକୁ ନେଇ ଗଣମାଧ୍ୟମକୁ ସଫେଇ ଦେଇଥିଲେ ।
