ଯୁବକଙ୍କ ମୃତ୍ୟୁ ପରେ ଅଭିମାନପୁରରେ ନିଆଁ ଜଳାଇ ରାସ୍ତା ଅବରୋଧ….
1 min read
ଆଠଗଡ଼ : ବଡମ୍ବା ନରସିଂହପୁର ମୁଖ୍ୟ ରାସ୍ତା ମାଣିଆବନ୍ଧ ଥାନା ଅଧିନ ଅଭିମାନପୁର ନିକଟରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ।ଗତକାଲି ବିଳମ୍ବିତ ରାତ୍ରିରେ ଏକ ସଡକ ଦୁର୍ଘଟଣା ଘଟିଥିଲା। ଯେଉଁଥିରେ ଅଭିମାନପୁର ଗାଁର କାର୍ତିକ ଦେହୁରୀ ଙ୍କର ପୁଅ ୩୫ ବର୍ଷୀୟ ବାପି ଦେହୁରୀଙ୍କ ଜୀବନ ଚାଲିଯାଇଛି ।
ଖବର ଅନୁଯାୟୀ ଗତକାଲି ଅଭିମାନପୁର ଗାଁରେ ଗଣେଶପୂଜା ଭଷାଣି ସମୟରେ ଗାଁର ଯୁବକ ଡିଜେ ବଜାଇ ମୁଖ୍ୟ ରାସ୍ତା ଉପରେ ନାଚୁଥିବା ସମୟରେ ଏକ ଦଶ ଚକିଆ ଟ୍ରକ୍ ମାଡିଆସିଥିଲା । ଫଳରେ ଟ୍ରକ୍ ତଳେ ଚାପି ହୋଇ କାର୍ତିକ ବେହୁରୀଙ୍କ ପୁଅ ବାପିଙ୍କର ମୃତ୍ୟୁ ଘଟିଥିଲା । ଏନେଇ ଘଟଣା ସ୍ଥଳରେ ଲୋକେ ଉତ୍ୟକ୍ତ ହୋଇ ଉଠିଥିଲେ , ଖବର ପାଇ ମାଣିଆବନ୍ଧ ଥାନା ପୋଲିସ ପହଂଚି ଅଧିକ ତଦନ୍ତ କରିବା ସହ ଦଶ ଚକିଆ ଟ୍ରକ ଓ ଡ୍ରାଇଭର ଙ୍କୁ ଅଟକ ରଖିଛି।
ଏହି ଘଟଣାରେ ଆଜି ସକାଳୁ ଆଠଗଡ଼ ନରସିଂହପୁର ୬୫ନମ୍ବର ରାଜ୍ୟ ରାଜପଥ ଅଭିମାନପୁର ଛକ ନିକଟରେ ପରିବାର ପକ୍ଷରୁ କ୍ଷତିପୂରଣ ଦାବି ରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ। ଯାହା ଫଳ ରେ ଆଠଗଡ଼ ନରସିଂହପୁର ରୁ ଯାତାୟାତ ବାଧାପ୍ରାପ୍ତ ହୋଇଛି। ଏପଟେ ମେଡିକାଲ ଶବ ବ୍ୟବଚ୍ଛେଦ ପାଇଁ ରହିଥିବା ବେଳେ ଦୁର୍ଘଟଣା ଘଟାଇଥିବା ଟ୍ରକ ଜବତ କରିଛି ମାଣିଆବନ୍ଧ ପୋଲିସ।
