କର୍ଣ୍ଣିଆରେ କ୍ଷତି ଯୋଗୁଁ ନଷ୍ଟ ହୋଇଯିବ ଆଖି, ଜାଣନ୍ତୁ କିପରି ନେବେ ଯତ୍ନ…
1 min read
ଆମ ଶରୀରେ ଆଖି ହେଉଛି ଏକ ସୂକ୍ଷ୍ମ ଅଙ୍ଗ । ଯାହା ସାହାର୍ଯ୍ୟରେ ଆମେ ସବୁ କିଛି ଦେଖିପାରୁ । ହେଲେ ବେଳେବେଳେ ଆମେ ଆଖିର ଯତ୍ନ ନେବାକୁ ଭୁଲିଯାଉ । ଯେଉଁଥିପାଇଁ ଅନେକ ସମୟରେ ଆମେ ଚକ୍ଷୁ ଜନିତ ରୋଗରେ ପିଡିତ ହୋଇଥାଉ । ଆପଣ ମାନେ ଜାଣନ୍ତି କି କର୍ଣ୍ଣିଆ ସଂକ୍ରମଣ ପାଇଁ ମଧ୍ୟ ଅନେକ ଲୋକ ଅନ୍ଧାର କଣା ଶିକାର ହୋଇଥାନ୍ତି । ତେବେ ଏହି କର୍ଣ୍ଣିଆ ହେଉଛି ଆଖିର ଆଗରେ ଥିବା ସ୍ୱଚ୍ଛ ବାହ୍ୟ ସ୍ତର । କର୍ଣ୍ଣିଆ ଆପଣଙ୍କ ଆଖି ଆଲୋକକୁ ଧ୍ୟାନ ଦେବାରେ ସାହାଯ୍ୟ କରେ ଯାହା ଦ୍ୱାରା ଆପଣ ସ୍ପଷ୍ଟ ଭାବରେ ଦେଖିପାରିବେ । ତେବେ ଆଖିର ଏହି କର୍ଣ୍ଣିଆରେ ତ୍ରୁଟି ହେଉଛି ଦୃଷ୍ଟିହୀନତାର ଏକ ପ୍ରମୁଖ କାରଣ । କର୍ନିଆଲ୍ କ୍ଷୟକ୍ଷତିର ଲକ୍ଷଣ ଯେତେବେଳେ ଦେଖାଯାଏ, କିଛି ଲୋକମାନେ ଏହାକୁ ଧ୍ୟାନ ଦିଅନ୍ତି ନାହିଁ । ଯାହାଫଳରେ ଧୀରେ ଧୀରେ ଏହି ରୋଗ ଗମ୍ଭୀର ହୋଇ ପରେ ଦୃଷ୍ଟିଶକ୍ତି ଚାଲିଯିବାର ସମ୍ଭାବନା ଥାଏ ।
ତେବେ ସାରା ବିଶ୍ୱରେ ପ୍ରାୟ ୧.୨୦ କୋଟି ଲୋକ କର୍ଣ୍ଣିଆରେ ତ୍ରୁଟି ହେତୁ ଅନ୍ଧାରକଣାର ଶିକାର ହୋଇଛନ୍ତି । ଏହି ରୋଗରେ ଆଖିର ଆବରଣର କ୍ଷତି ହୋଇଥାଏ । କେବଳ କର୍ନିଆ ଟ୍ରାନ୍ସପ୍ଲାଣ୍ଟ ମାଧ୍ୟମରେ ଏହି ରୋଗର ଚିକିତ୍ସା କରାଯାଏ । ବର୍ତ୍ତମାନ ଏକ ନୂତନ ଟେକ୍ନୋଲୋଜି ବିକଶିତ ହୋଇଛି । ଏଥିପାଇଁ ବାୟୋ-ଇଞ୍ଜିନିୟରିଂ ମାଧ୍ୟମରେ କର୍ନିଆ ପ୍ରସ୍ତୁତ କରାଯାଉଛି । ବାୟୋଟେକ୍ନୋଲୋଜିରେ ମଧ୍ୟ ଏହି ବିଷୟରେ ଅନୁସନ୍ଧାନ ପ୍ରକାଶ ପାଇଛି ଯେ ଏହି କର୍ନିଆଗୁଡିକ କୋଲାଜେନ୍ ପ୍ରୋଟିନରୁ ପ୍ରସ୍ତୁତ ବୋଲି ।
ଆପଣ ଜାଣନ୍ତି କି କର୍ଣ୍ଣିଆ କ୍ଷତି କାହିଁକି ହୁଏ?
ଜଣେ ଚକ୍ଷୁ ଗବେଷକ କହିଛନ୍ତି ଯେ ଯଦି ଆଖିରେ ସଂକ୍ରମଣ ହୁଏ ଏବଂ ହର୍ପସ୍ ରୋଗ ହୁଏ, ତେବେ କର୍ଣ୍ଣିଆ ନଷ୍ଟ ହେବାର ଆଶଙ୍କା ରହିଛି । ଏହାଛଡା କୈାଣସି ଆଘାତ କିମ୍ବା ଅନ୍ୟ ଗୁରୁତର ଚକ୍ଷୁ ରୋଗ ହେତୁ କର୍ଣ୍ଣିଆ ମଧ୍ୟ କ୍ଷତିଗ୍ରସ୍ତ ହୋଇପାରେ । ଥରେ କର୍ଣ୍ଣିଆ ସଂପୂର୍ଣ୍ଣ ନଷ୍ଟ ହୋଇଗଲେ, ବ୍ୟକ୍ତି ଅନ୍ଧାରକଣା ଶିକାର ହୁଅନ୍ତି । ଏପରି ପରିସ୍ଥିତିରେ, କେବଳ କର୍ନିଆ ଟ୍ରାନ୍ସପ୍ଲାଣ୍ଟ ଦ୍ୱାରା ଦୃଷ୍ଟିଶକ୍ତି ଫେରିପାରିବ । କିନ୍ତୁ ଅନେକ କ୍ଷେତ୍ରରେ ରୋଗୀ ଠିକ୍ ସମୟରେ କର୍ଣ୍ଣିଆ ପାଇବାରେ ସକ୍ଷମ ନୁହଁନ୍ତି । ଏହାର ମୁଖ୍ୟ କାରଣ ହେଉଛି ଆଖି ଦାନ ବିଷୟରେ ଲୋକଙ୍କ ମଧ୍ୟରେ ସଚେତନତାର ଅଭାବ । ଲୋକମାନେ ଭାବନ୍ତି ଯେ ଆଖି ପ୍ରତିରୋପଣରେ ସମଗ୍ର ଆଖି ବାହାର କରାଯାଇଥାଏ, କିନ୍ତୁ ତାହା ନୁହେଁ । ଚକ୍ଷୁ ଦାନ କରୁଥିବା ଲୋକଙ୍କ ଆଖିରୁ କେବଳ କର୍ଣ୍ଣିଆ ବାହାର କରାଯାଇ ରୋଗୀକୁ ସ୍ଥାନାନ୍ତରିତ କରାଯାଏ ।
ଆପଣ କିପରି ନିଜ ଆଖିର ଯତ୍ନ ନେବେ?
ଚକ୍ଷୁ ଯତ୍ନ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କୈାଣସି ଆଖି ସମସ୍ୟାକୁ ହାଲୁକା ଭାବେ ଗ୍ରହଣ ନକରିବା ଉଚିତ । ଯଦି ଆପଣ ଆଖିରେ ଯନ୍ତ୍ରଣା, କୁଞ୍ଚନ, ଆଖି ଲାଲ ଭଳି ସମସ୍ୟା ଅନୁଭବ କରୁଛନ୍ତି, ତେବେ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ୍ । ନଚେତ ଆପଣ ମଧ୍ୟ ନିଜର ଦୃଷ୍ଟିଶକ୍ତି ହରାଇପାରନ୍ତି ।
