ଭିକ ମାଗି ଟଙ୍କା ସଞ୍ଚୟ କଲା ଭିକାରୀ, କିଣିଲା ଆପଲ ଆଇଫୋନ…
1 min read
ଆପଣ କେବେ ଭାବିଛନ୍ତି କି ଭିକାରୀ ମଧ୍ୟ ମହଙ୍ଗା ଜିନିଷ କିଣି ପାରିବେ ବୋଲି? ଅନେକ ସମୟରେ ଦେଖାଯାଇଥାଏ ଯେ କିଛି ଭିକାରୀ ମାନେ ମଧ୍ୟ ମହଙ୍ଗା ଜିନିଷ ଧରନ୍ତି । କୈାଣସି ମନ୍ଦିର କିମ୍ବା ରାସ୍ତା କଡରେ ସେମାନେ ଭିକ ମାଗନ୍ତି ହେଲେ ବାସ୍ତବରେ ସେମାନଙ୍କ ପାଖରେ ରହିଥାଏ ଦାମୀ ବଙ୍ଗଳା ସହ ଦାମୀ ଗାଡି । ଏପରି ଅନେକ ଖବର ମଧ୍ୟ ସାମ୍ନାକୁ ଆସିଛି ବର୍ତ୍ତମାନ ସେହିଭଳି ସୋସିଆଲ ମିଡିଆରେ ଏକ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି । ଏହି ଭିଡିଓରେ, ଜଣେ ଭିକାରୀ ଆପଲ୍ ଆଇଫୋନ୍ କିଣିଛନ୍ତି ଏବଂ ତାଙ୍କୁ ଦେଖି ସମସ୍ତେ ଆଶ୍ଚର୍ଯ୍ୟ ହେଉଛନ୍ତି । ତେବେ ଖାସକଥା ହେଉଛି ଯେ ଭିକାରୀ ଜଣକ ଆଇଫୋନ କିଣିବା ଲାଗି ଏକ ମୁଦ୍ରା ଭର୍ତ୍ତି ବ୍ୟାଗ ଧରି ଆସିଛନ୍ତି । ଏବଂ ତାକୁ ଦେଇ ସେ ଆଇଫୋନ କ୍ରୟ କରିଛନ୍ତି । ଭିଡିଓରେ ଏହା ଦେଖିବାକୁ ମିଳିଥିଲା ଯେ ଭିକାରୀ ଜଣକ ଯେତେବେଳେ ବ୍ୟାଗ ଧରି ଆପଲ୍ ଆଇଫୋନ୍ ଦୋକାନରେ ପହଞ୍ଚିଥିଲେ ସେଠାରେ ଉପସ୍ଥିତ ଲୋକମାନେ ତାଙ୍କୁ ସ୍ୱାଗତ କରିଥିଲେ । ଏହା ପରେ ସେ ବ୍ୟାଗରୁ ମୁଦ୍ରା ବାହାର କଲେ, ଯାହା ଦେଖି ଲୋକମାନେ ଆହୁରୀ ଆଶ୍ଚର୍ଯ୍ୟ ହୋଇଗଲେ । ଗ୍ରାହକଙ୍କ ଆବଶ୍ୟକତା ପୂରଣ କରିବାକୁ, ଦୋକାନରେ ଉପସ୍ଥିତ କର୍ମଚାରୀମାନେ ମୁଦ୍ରା ଗଣିବାକୁ ଲାଗିଥିଲେ । ଏହା ପରେ ତାଙ୍କୁ ଏକ ଆପଲ୍ ଆଇଫୋନ୍ ଯାଇଥିଲା । ଏହି ଭିଡିଓ ଇନଷ୍ଟାଗ୍ରାମରେ ସେୟାର କରାଯାଇଛି । ଭିଡିଓ ଦେଖିବା ପରେ କିଛି ଲୋକ ଏହାକୁ ବିଶ୍ୱାସ କରିନଥିବା ବେଳେ ଏହାକୁ କାହାଣୀ ବୋଲି କହିଛନ୍ତି । ଆଉ କିଛି ଲୋକ ଭିକାରୀକୁ ତାଙ୍କୁ ପ୍ରଶଂସା କରୁଛନ୍ତି । ତେବେ ଭିଡିଓ ଭାଇରାଲ ହେବା ପରେ ଲୋକମାନେ ଏହାକୁ ନେଇ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି । କିଛି ଲୋକ ଏହି ଭିଡିଓକୁ ନକଲି ବୋଲି ମଧ୍ୟ କହିଛନ୍ତି ।
