ମ୍ୟାଚ ହାରିବା ପରେ ମୈଦାନରେ ବିରାଟଙ୍କ ଜର୍ସିି ନେଲେ ବାବର,ରାଗରେ ଏଭଳି କିଛି କହିଦେଲେ ପାକିସ୍ତାନର ପୂର୍ବତନ ଖେଳାଳି ଆକ୍ରମ..

ଅହମ୍ମଦାବାଦ: ଅକ୍ଟୋବର ୧୪ରେ ନରେନ୍ଦ୍ର ମୋଦି ଷ୍ଟାଡିୟମରେ ଖେଳା ଯାଇଥିଲା ବିଶ୍ୱକପର ସବୁଠାରୁ ବଡ଼ ମ୍ୟାଚ୍ ଭାରତ ଓ ପାକିସ୍ତାନ । ମ୍ୟାଚରେ ଭାରତ ବାଜି ମାରି ଦେଶର ହୃଦୟ ଜିତିସାରିଥିବା ବେଳେ ଆଉ ଏକ ଦୃଶ୍ୟ ସେଠାରେ ଉପସ୍ଥିତ ଥିବା ଲୋକଙ୍କୁ ଖୁବ ପସନ୍ଦ ଆସିଥିଲା । ତେବେ ମ୍ୟାଚ ପରେ ଷ୍ଟାଡିୟମରେ ଥାଇ ଦର୍ଶକ ଦେଖିଥିଲେ ଏକ ନିଆରା ଦୃଶ୍ୟ । ଖେଳ ଶେଷ ପରେ ପାକିସ୍ତାନ ଅଧିନାୟକ ବାବର ଆଜମ ବିରାଟଙ୍କ ପାଖରୁ ତାଙ୍କ ଅଟୋଗ୍ରାଫ ଥିବା ଟି-ସାର୍ଟ ନେଉଥିବା ଦେଖିବାକୁ ମିଳିଥିଲା । ଭାରତ ବନାମ ପାକିସ୍ତାନ ମ୍ୟାଚ୍ ପରେ ଭାରତୀୟ ତାରକା ବ୍ୟାଟ୍ସମ୍ୟାନ୍ ବିରାଟ କୋହଲି ପାକିସ୍ତାନ ଅଧିନାୟକ ବାବର ଆଜମଙ୍କୁ ତାଙ୍କ ଜର୍ସି ଉପହାର ଦେଇଛନ୍ତି ।କୋହଲିଙ୍କ ଏହି ଅଙ୍ଗଭଙ୍ଗୀ ସୋସିଆଲ ମିଡିଆରେ ଅନେକ ହେଡଲାଇନ ସୃଷ୍ଟି କରୁଛି ଏବଂ ପ୍ରଶଂସକମାନେ କୋହଲିଙ୍କ ଏହି ଅଙ୍ଗଭଙ୍ଗୀକୁ ପ୍ରଶଂସା କରୁଛନ୍ତି । ବିଶ୍ୱକପ ୨୦୨୩ ର ଦ୍ୱାଦଶ ମ୍ୟାଚରେ ପାକିସ୍ତାନକୁ ୭ ୱିକେଟରେ ପରାସ୍ତ କରି ଭାରତ କେବଳ ପ୍ରତିଦ୍ୱନ୍ଦ୍ୱୀ ଦଳ ବିପକ୍ଷରେ ବିଜୟ ଧାରା ବଜାୟ ରଖିନାହିଁ ବରଂ ପଏଣ୍ଟ ଟେବୁଲରେ ମଧ୍ୟ ଶୀର୍ଷରେ ରହିଛି ।ଭାରତର ବିଜୟ ପରେ ବିରାଟ କୋହଲି ଏବଂ ବାବର ଆଜାମ ପଡ଼ିଆରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଥିଲା ଏବଂ ଏହି ସମୟରେ କିଙ୍ଗ କୋହଲି ମଧ୍ୟ ବାବର ଆଜମଙ୍କୁ କିଛି ଭାରତୀୟ ଜର୍ସି ଉପହାର ଦେଇଥିଲେ । କିନ୍ତୁ ଅପରପକ୍ଷେ ପାକିସ୍ତାନର ପୂର୍ବତନ ଅଧିନାୟକ ୱାସିମ ଆକ୍ରମ ଏଥିରେ ଖୁସି ନାହାନ୍ତି । ୱାସିମ ଆକ୍ରମ ପାକିସ୍ତାନୀ ଟିଭି ଚ୍ୟାନେଲର ବିଶେଷଜ୍ଞ ପ୍ୟାନେଲର ଏକ ଅଂଶ ।ଯେତେବେଳେ ଜଣେ ପ୍ରଶଂସକ ଏହି ଘଟଣା ଉପରେ ପ୍ରଶ୍ନ କରିଥିଲେ, ଆକ୍ରମ ତାଙ୍କ ପ୍ରତିକ୍ରିୟା ଦେଇଥିଲେ ।

ଆଜି ଏ ଭଳି କାର୍ଯ୍ୟ କରିବାର ଦିନ ନ ଥିଲା । ଯଦି ତୁମ ଭଣଜା କିମ୍ବା ପୁତୁରା ଜର୍ସି ପାଇଁ ଜିଦ ଧରିଛି ତେବେ ତୁମେ ମ୍ୟାଚ ପରେ ଡ୍ରେସିଂ ରୁମରେ ଏହି କାର୍ଯ୍ୟ କରି ପାରିଥାନ୍ତ । ପାକିସ୍ତାନର କ୍ରିକେଟ ପ୍ରଶଂସକ ମନ ଦୁଃଖରେ ଥିବା ବେଳେ ତୁମେ ଏ ଭଳି କାର୍ଯ୍ୟ କରିବା ଠିକ ନୁହେଁ । ବାବର ଅବଶ୍ୟ ଆକ୍ରମଙ୍କ ବୟାନକୁ ନେଇ କୌଣସି ଉତ୍ତର ରଖି ନଥିବା ବେଳେ । ସେ ମ୍ୟାଚ ସମ୍ପର୍କରେ କହିଥିଲେ, ଭଲ ଆରମ୍ଭ କରିବା ସତ୍ୱେ ଆମେ ମଝିରେ ଭୁଲ କରିଥିଲୁ । ସୂଚନାଯୋଗ୍ୟ, ବିରାଟ ଓ ବାବରଙ୍କ ମଧ୍ୟରେ ଏହି ବନ୍ଧୁତ୍ୱ କହୁଛି, କ୍ରିକେଟ ସବୁ ସୀମାରୁ ଉପରେ । ବିରାଟ ଯେତେବେଳେ ଖରାପ ଫର୍ମରେ ଥିଲେ ସେ ସମୟରେ ବାବର ଖୋଲାଖୋଲି ତାଙ୍କ ସମର୍ଥନରେ ବାହାରିଥିଲେ । ବାବର ଉଭୟଙ୍କର ଏକ ଫଟୋ ପୋଷ୍ଟ କରି ଲେଖିଥିଲେ, ‘ଏ ସମୟ ବି ଚାଲିଯିବ ।’ ବାବରଙ୍କ ପୋଷ୍ଟର କିଛିଦିନ ପରେ କୋହଲି ଫର୍ମକୁ ଫେରିଥିଲେ । ୨୦୨୩ ଏସିଆ କପ୍ ସମୟରେ ମଧ୍ୟ କ୍ରିକେଟ ପ୍ରେମୀ ଉଭୟଙ୍କ ବନ୍ଧୁତ୍ୱ ଦେଖିଥିଲେ ।

ସୂଚନାମୁତାବକ , ଭାରତ ବନାମ ପାକିସ୍ଥାନ ମ୍ୟାଚ୍ ବିଷୟରେ ରୋହିତ ଶର୍ମା ଟସ୍ ଜିତି ପ୍ରଥମେ ଅହମ୍ମଦାବାଦ ପିଚରେ ଫିଲ୍ଡ କରିବାକୁ ପସନ୍ଦ କରିଥିଲେ । ପାକିସ୍ତାନର ଟପ୍ -୪ ଦଳ ଭଲ ଆରମ୍ଭ କରିଥିଲା । ଅବଦୁଲ୍ଲା ଶାଫିକ୍ ୨୦ ରନ୍‌, ଇମାମ ଉଲ୍ ହକ୍ ୩୬ ରନ୍‌, ବାବର ଆଜାମ ୫୦ ରନ ଏବଂ ମହମ୍ମଦ ରିଜୱାନ ୪୯ ରନ ସ୍କୋର କରିଥିଲେ ।ବାବର ଏବଂ ରିଜୱାନ ମଧ୍ୟରେ ତୃତୀୟ ୱିକେଟ୍ ପାଇଁ ୮୨ ରନ୍ ର ଏକ ଉତ୍କୃଷ୍ଟ ଭାଗିଦାରୀ ହୋଇଥିଲା, କିନ୍ତୁ ଏହି ଭାଗିଦାରୀ ଭାଙ୍ଗିବା ମାତ୍ରେ ଭାରତୀୟ ବୋଲରମାନେ ନିଜ ଆଭିମୁଖ୍ୟକୁ କଡାକଡି କରିଥିଲେ ।ଏହି ସମୟରେ ପାକିସ୍ତାନର ସ୍କୋର ୧୫୫/୨ ଥିଲା, କିନ୍ତୁ ବାବର ଆଉଟ୍ ହେବା ମାତ୍ରେ ଦଳ କାର୍ଡ ଘର ପରି ଭୁଶୁଡି ପଡିଥିଲା ଏବଂ ଭାରତ ୧୯୧ ରନ୍ ପାଇଁ ପାକିସ୍ତାନକୁ ବାନ୍ଧି ରଖିଥିଲା । ଏହି ସ୍କୋରକୁ ଗୋଡ଼ାଇବା ପାଇଁ କ୍ୟାପଟେନ ରୋହିତ ଶର୍ମା ଆରମ୍ଭରୁ ଟିମ୍ ଇଣ୍ଡିଆର ଅଗ୍ରଣୀ ଥିବା ଦେଖାଯାଇଥିଲା । ରୋହିତ ୬୩ ଟି ବଲରେ ୮୬ ରନ କରିଥିଲେ । ଶେଷରେ, ଶ୍ରେୟସ୍ ଆୟର ମଧ୍ୟ ବିଶ୍ୱକପରେ ନିଜର ପ୍ରଥମ ଅର୍ଦ୍ଧଶତକ ହାସଲ କରି ଭାରତକୁ ବିଜୟୀ କରାଇଥିଲେ ।