ପୂଜା କରନ୍ତୁ ଏହି ୬ ଟି ଜିନିଷକୁ ; ସବୁ ଅସୁବିଧାରୁ ପାଇବେ ମୁକ୍ତି , ଜୀବନରେ ବଢିବ ଉନ୍ନତି ….
1 min read
ଭୁବନେଶ୍ୱର ; ହିନ୍ଦୁ ଧର୍ମଶାସ୍ତ୍ରର ଖୁବ୍ ମାନ୍ୟତା ରହିଛି । ହିନ୍ଦୁ ଧର୍ମର ୧୮ ଗୋଟି ପୂରାଣ ମଧ୍ୟରୁ ଗରୁଡ ପୁରାଣ ଅନ୍ୟତମ। ଏଥିରେ, ବ୍ୟକ୍ତିର କାର୍ଯ୍ୟ ଅନୁଯାୟୀ ଫଳଗୁଡ଼ିକ ବିଷୟରେ ଉଲ୍ଲେଖ କରାଯାଇଛି। ଜୀବନକୁ ସଫଳ କରିବା ଏବଂ ଅଗ୍ରଗତି କରିବା ପାଇଁ ଗରୁଡ ପୁରାଣରେ ଅନେକ ମନ୍ତ୍ର ଉଲ୍ଲେଖ କରାଯାଇଛି। ଯାହା ଜାଣିବା ଦ୍ୱାରା ମଣିଷ ଜୀବନରେ ଅନେକ ପରିବର୍ତ୍ତନ ଆସିଥାଏ । ମଣିଷ ଜୀବନରୁ ଅସୁବିଧା ସବୁ ଦୂରେଇବା ସହ ଜୀବନରେ ଉନ୍ନତି ଆସିଥାଏ । ଗରୁଡ ପୁରାଣରେ ୬ ଟି ଏପରି କଥା କୁହାଯାଇଛି, ଯାହାଙ୍କ ଉପାସନା ଏବଂ ପୂଜା କରିାବା ଦ୍ୱାରା ଆପଣଙ୍କ ଉନ୍ନତିକୁ କେହି ରୋକିପାରିବେ ନାହିଁ ।
ଭଗବାନ ବିଷ୍ଣୁ – ଗରୁଡ ପୂରାଣ ଅନୁଯାୟୀ ଭଗବାନ ବିଷ୍ଣୁ ତାଙ୍କ ଭକ୍ତର ପ୍ରାର୍ଥନା ସର୍ବଦା ଶୁଣିଥାନ୍ତି । ତେଣୁ ଭଗବନା ବିଷ୍ଣୁଙ୍କୁ ନିତ୍ୟ ପୂଜା କରିବା ଦ୍ୱାରା ଭକ୍ତ ଜୀଭନତୁ ଦୁଃଖ,ଯନ୍ତ୍ରଣା , ଲୋଭ ଇତ୍ୟାଦି ଦୂରେଇବା ସହ ଜୀବନରେ ସୁଖ ଏବଂ ଶାନ୍ତି ମିଳିଥାଏ । ଯଦି ଜଣେ ଭଗବାନଙ୍କ ପ୍ରତି ଭକ୍ତି ସହିତ ଦିନ ଆରମ୍ଭ କରେ, ତେବେ ସେ ନିଜ କାର୍ଯ୍ୟରେ ସଫଳ ନିଶ୍ଚିତ ପାଇବ ।
ତୁଲସୀ –ତୁଳସୀ ଗଛ ଅତ୍ୟନ୍ତ ପବିତ୍ର ବା ସତୀ ମାନଙ୍କ ମଧ୍ୟରେ ମହାସତୀ ତୂଳସୀ । ଦେବୀ ତୁଳସୀ ଶ୍ରୀ ହରିଙ୍କ ଆଶୀର୍ବାଦ ପାଇବା ପାଇଁ ଯୁଗ ଯୁଗରୁ ପୂଜା ପାଉଛନ୍ତି । ତୁଳସୀ ଗଛ ଦେବୀ ଲକ୍ଷ୍ମୀଙ୍କ ସହିତ ଜଡିତ ଏବଂ ପ୍ରଭୁ ବିଷ୍ଣୁ ଙ୍କ ଅତିପ୍ରିୟ । ବିଶ୍ୱାସ କରାଯାଏ ଯେ ନିୟମିତ ଭାବେ ତୁଳସୀ ଉଦ୍ଭିଦକୁ ପୂଜା କରି ଜୀବନର ସମସ୍ତ ଦୁଃଖରୁ ମୁକ୍ତି ମିଳିଥାଏ। ତୁଳସୀ ଗଛ ତଳେ ନିୟମିତ ଭାବେ ଏକ ଦୀପ ଜାଳିବା ଉଚିତ୍।
ଗୋ ମାତା – ଗରୁଡ ପୁରାଣଙ୍କ ଅନୁଯାୟୀ, ଆମର ୩୩ କୋଟି ଦେବାଦେବୀ ଗୋ ମାତାଙ୍କ ଶରୀରରେ ବାସ କରନ୍ତି । ତେଣୁ ଗୋମାତାଙ୍କୁ ପୂଜା କରିବା ସହ ତାଙ୍କ ସେବା କରିବା ଦ୍ୱାରା ସମସ୍ତ ଅସୁବିଧାରୁ ମୁକ୍ତି ମିଳିଥାଏ।
ଗଙ୍ଗା ଜଳ- ଗରୁଡ ପୁରାଣ ଅନୁଯାୟୀ, ଗଙ୍ଗାର ଜଳ ସମସ୍ତ ପାପରୁ ମୁକ୍ତ ଦେଇଥାଏ। ସେଥିପାଇଁ ଗଙ୍ଗା ଜଳ ଯେକୌଣସି ଶୁଭ କାର୍ଯ୍ୟରେ ବ୍ୟବହୃତ ହୁଏ। ଗଙ୍ଗା ଜଳ ସହିତ ଶୁଦ୍ଧିକରଣ କରାଯାଏ। ସେଥିପାଇଁ ଜଣେ ଗଙ୍ଗା ଜଳକୁ ପୂଜା କରିବା ଜରୁରୀ। ଏହାଦ୍ୱାରା ମଣିଷ ମନର ମଇଳା ଦୂର ହୋଇ ସେ ଶାନ୍ତିରେ ଜୀବନ ବିତାଇଥାଏ ।
ଜ୍ଞାନୀ ବ୍ୟକ୍ତି/ବାପା ମା-ଜଣେ ଜ୍ଞାନୀ ବ୍ୟକ୍ତି କିମ୍ବା ପଣ୍ଡିତଙ୍କୁ ସମ୍ମାନ ଦେଲେ ସଫଳତା ମିଳିଥାଏ। ଶାସ୍ତ୍ରରେ ଜଣେ ଜ୍ଞାନୀ ବ୍ୟକ୍ତିଙ୍କ ଅପମାନ ଅନ୍ୟାୟ ବୋଲି କୁହାଯାଏ। ତେଣୁ ସର୍ବଦା ଜ୍ଞାନୀ ବ୍ୟକ୍ତିଙ୍କୁ ସମ୍ମାନ ଦେବା ସହ ତାଙ୍କ ଆଶ୍ରୀର୍ବାଦ ଲାଭ କରିବାକୁ ଚେଷ୍ଟା କରନ୍ତୁ। ଏହାସହ ନିଜ ବାପା ମାଙ୍କୁ ମଧ୍ୟ ପୂଜା କରିବାକୁ ଭୁଲନ୍ତୁ ନାହିଁ । କାରଣ ଆମ ବାପା ମା ସ୍ୱୟଂ ଚଳନ୍ତି ଠାକୁର । ସେମାନଙ୍କ ଆର୍ଶିବାଦ୍ ରେ ଏତେ ଶକ୍ତି ଥାଏ ପିଲାମାନଙ୍କୁ ବଡ ବଡ ବିପଦରୁ ରକ୍ଷା କରିଥାଏ ।
ଏକାଦଶୀ ଉପବାସ-ଗରୁଡ ପୁରାଣରେ ଏକାଦଶୀ ଉପବାସ ବିଷୟରେ ଉଲ୍ଲେଖ କରାଯାଇଛି। ସମସ୍ତ ଉପବାସ ମଧ୍ୟରେ ଏକାଦଶୀ ଉପବାସ ସର୍ବୋତ୍ତମ। ଯେଉଁ ବ୍ୟକ୍ତି ପୂର୍ଣ୍ଣ ନିଷ୍ଠାର ସହିତ ଏକାଦଶୀ ବ୍ରତ ପାଳନ କରନ୍ତି, ସେ ଜୀବନରେ ଶୁଭ ଫଳାଫଳ ପାଆନ୍ତି। ତେଣୁ, ଜୀବନରେ ସୁଖ ପାଇବାକୁ ହେଲେ ଏକାଦଶୀ ବ୍ରତ ପାଳନ କରିବା ଆବଶ୍ୟକ।
