ପାକିସ୍ତାନ ପାଇଁ ଆଜି କର ବା ମର ସ୍ଥିତି, ଅପରାହ୍ନ ୨ଟାରେ ମୁହାଁମୁହିଁ ହେବେ ପାକିସ୍ତାନ-ଦକ୍ଷିଣ ଆଫ୍ରିକା..

ଆଜି ଖେଳାଯିବ ଚଳିତ ବିଶ୍ୱକପର ୨୬ତମ ମ୍ୟାଚ । ତେବେ ଚେନ୍ନାଇ ଷ୍ଟାଡିୟମରେ ଆଜି ଅପରାହ୍ନ ୨ଟାରରେ ମୁହାଁମୁହିଁ ହେବେ ପାକିସ୍ତାନ ଏବଂ ଦକ୍ଷିଣ ଆଫ୍ରିକା । ୩ଥର ମ୍ୟାଚ ହାରି ସାରିଥିବା ପାକିସ୍ତାନ ଆଜି ନିଜର ଭାଗ୍ୟ ପରୀକ୍ଷା କରିବ । କାରଣ ସେମିଫାଇନାଲ ପାଇଁ ପାକିସ୍ତାନକୁ ୪ଟି ମ୍ୟାଚ ଜିତିବାକୁ ପଡିବ । ଆଉ ଗୋଟିଏ ପରାଜୟ ତାଙ୍କୁ ଭାରତରୁ ବିଦା ହେବାକୁ ପଡିବ । ଶୁକ୍ରବାର ସକାଳେ ଚେନ୍ନାଇରେ ବର୍ଷା ହୋଇଥିଲା । କିନ୍ତୁ ପାଗ ଏପର୍ଯ୍ୟନ୍ତ ସ୍ପଷ୍ଟ ରହିଛି । ଏଭଳି ପରିସ୍ଥିତିରେ ପାକିସ୍ତାନ ଏବଂ ଦକ୍ଷିଣ ଆଫ୍ରିକା ମଧ୍ୟରେ ମ୍ୟାଚ୍ ଠିକ୍ ସମୟରେ ଆରମ୍ଭ ହୋଇପାରେ । ବର୍ତ୍ତମାନ ପ୍ରତ୍ୟେକ ମ୍ୟାଚ୍ ପାକିସ୍ତାନ ପାଇଁ ଗୁରୁତ୍ୱପୂର୍ଣ୍ଣ ଅଟେ । ଏପରିକି ଗୋଟିଏ ପରାଜୟ ମଧ୍ୟ ସେମିଫାଇନାଲ ପାଇଁ ଦୌଡରୁ ବାହାରି ଯିବ । ଅପରାହ୍ନ ୧.୩୦ ରେ ଟସ୍ ଅନୁଷ୍ଠିତ ହେବାକୁ ଥିବାବେଳେ ମ୍ୟାଚ୍ ଅପରାହ୍ନ ୨ ଟାରୁ ଆରମ୍ଭ ହେବ । ଦକ୍ଷିଣ ଆଫ୍ରିକା ଏପର୍ଯ୍ୟନ୍ତ ଚମତ୍କାର ପ୍ରଦର୍ଶନ କରିଛି ଏବଂ ୫ ଟି ମ୍ୟାଚ ମଧ୍ୟରୁ ୪ ଟି ଜିତିଛି ।

Advertisement