ଚଳିତ ବର୍ଷର ଶ୍ରେଷ୍ଠ ଫୁଟବଲର ହେଲେ ଲିଓନେଲ ମେସି, ୮ମ ଥର ପାଇଁ ଜିତିଲେ Ballon d’or
1 min read
ଗତ ବର୍ଷ କାତାରରେ ଫୁଟବଲ ବିଶ୍ୱକପ ଟାଇଟଲରେ ବାଜି ମାରିଥିଲା ଆଜେଣ୍ଟିନା । ୮ମ ଥର ପାଇଁ ମେସି ହେଲେ ପୁରୁଷ ଶ୍ରେଷ୍ଟ ଫୁଟବଲର କ୍ରିଷ୍ଟିଆନୋ ରୋନାଲ୍ଡୋକୁ ହରାଇ ବାଜି ପାରିଲେ ପୁରସ୍କାର । ଆଉ ନିଜ ଦଳ ଆର୍ଜେଣ୍ଟିନାକୁ ଆଗେଇ ନେଇ ତାଙ୍କ ଜୀବନର ଅଭିଳାଷ ପୂରଣ କରିଥିଲେ ଫୁଟବଲର ଲିଓନେଲ ମେସି । ତେବେ ବର୍ତ୍ତମାନ ପୁଣି ଥରେ ଚର୍ଚ୍ଚାକୁ ଆସିଛନ୍ତି ମାସି । ସୋମବାର ଦିନ ଏକ ନୂଆ ରେକର୍ଡ କରିଛନ୍ତି ୩୬ ବର୍ଷୀୟ ଖେଳାଳି ଲିଓନେଲ ମେସି । ଅଷ୍ଟମ ଥର ପାଇଁ ସେ ପୁରୁଷ ବଲନ ଡି’ଅର୍ ଜିତିଛନ୍ତି । ୩୬ ବର୍ଷୀୟ ମେସି ମଞ୍ଚେଷ୍ଟର ସିଟି ଫରୱାର୍ଡ ଏରଲିଙ୍ଗ ହାଲାଣ୍ଡ ଏବଂ ତାଙ୍କ ପୂର୍ବତନ ପିଏସଜି ସାଥୀ କିଲିଆନ ମବାପେଙ୍କଠାରୁ ଆଗରେ ଜିତିଥିଲେ ।
ତାଙ୍କ ବିଜୟ ସମ୍ଭବ ହୋଇଥିବାରୁ ମେସି ତାଙ୍କ ଆର୍ଜେଣ୍ଟନା ପ୍ରଶିକ୍ଷକ, ସାଥୀ ଖେଳାଳି ଏବଂ କର୍ମଚାରୀମାନଙ୍କୁ ଏଥିପାଇଁ ଧନ୍ୟବାଦ ଜଣାଇଛନ୍ତି । ସେ ପୁରସ୍କାର ଗ୍ରହଣ କରିବା ପରେ କହିଥିଳେ ଯେ,“ଆଜି ରାତିରେ ମୁଁ ନିଜକୁ ଉପଭୋଗ କରୁଛି । ଏହା ଏକ ଆନନ୍ଦ ଯାହା ମୋତେ କେବେ ଛାଡିବ ନାହିଁ, ଏବଂ ମୁଁ ଆଶା କରୁଛି ଯେ ଏହାକୁ ବହୁ ବର୍ଷ ପର୍ଯ୍ୟନ୍ତ ଉପଭୋଗ କରିବାକୁ ସମର୍ଥ ହେବ ବୋଲି ମେସି ଜଣେ ଅନୁବାଦକଙ୍କ ମାଧ୍ୟମରେ କହିଛନ୍ତି । “ବିଶ୍ୱ ଚାମ୍ପିୟନ ହେବା ଆମେ ହରାଇଥିବା ଟାଇଟଲ୍ ଥିଲା । ଆର୍ଜେଣ୍ଟିନାକୁ ବିଶ୍ୱ ଚାମ୍ପିୟନ ଦଳ କରିବାରେ ସାହାଯ୍ୟ କରିଥିବା ସମସ୍ତଙ୍କୁ ମୁଁ ଧନ୍ୟବାଦ ଦେବାକୁ ଚାହେଁ । ”ମେସି ସ୍ୱର୍ଗତ ଡିଏଗୋ ମାରାଡୋନାଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ, ଯିଏକି ୧୯୮୬ ରେ ଆର୍ଜେଣ୍ଟିନାକୁ ବିଶ୍ୱକପ ଜିତିବାରେ ସାହାଯ୍ୟ କରିଥିଲେ । ମେସି କହିଛନ୍ତି, “ଏହି ଟାଇଟଲ୍ ଏବଂ ଏହି ଟ୍ରଫି ମୁଁ ସେମାନଙ୍କୁ ଏବଂ ଆମର ସମସ୍ତ ଆର୍ଜେଣ୍ଟିନା ସାଥୀମାନଙ୍କ ସହିତ ସେୟାର କରୁଛି ।”
ଆପଣଙ୍କୁ ଜଣାଇ ଦେଉଛି ଯେ ୨୦୨୨ ବଲନ୍ ଡି’ଅର୍ ପାଇଁ ସର୍ଟଲିଷ୍ଟରୁ ବଞ୍ଚିତ ହେବାର ଏକ ବର୍ଷ ପରେ, ଏବଂ ଉଚ୍ଚ ସ୍ତରୀୟ ୟୁରୋପୀୟ ଫୁଟବଲ୍ ଛାଡିଥିଲେ ମଧ୍ୟ ମେସି ତାଙ୍କ ମୁକୁଟ ଉଦ୍ଧାର କରିଛନ୍ତି । ଫୁଟବଲ ବିଶ୍ୱକପ ରେ ତାଙ୍କର ଜବରଦସ୍ତ ପ୍ରଦର୍ଶନ ଯୋଗୁଁ ସେ କ୍ରୀଡ଼ାର ସବୁଠାରୁ ବଡ ବ୍ୟକ୍ତିଗତ ପୁରସ୍କାର ପାଇଥିଲେ । କାତାରରେ ମେସି ଆର୍ଜେଣ୍ଟିନା ପାଇଁ ୧୦ ଗୋଲରେ ସାମିଲ ହୋଇଥିଲେ, ସାତୋଟି ସ୍କୋର କରିଥିଲେ ଏବଂ ତିନୋଟି ସହାୟତା କରିଥିଲେ । ଫ୍ରାନ୍ସ ବିପକ୍ଷ ଫାଇନାଲରେ ସେ ଦୁଇଥର ସ୍କୋର କରିଥିଲେ ।
