ଅଦାଲତରେ ବିଚାର ବେଳେ ମାଇଁ ଲର୍ଡ ଡାକିବାକୁ ମନାକଲେ ସୁପ୍ରିମ କୋର୍ଟର ବିଚାରପତି…
1 min read
କୋର୍ଟରେ କୈାଣସି କେସକୁ ନେଇ ନ୍ୟାୟିକ ପ୍ରକ୍ରିୟା ଚାଲିଥିବା ବେଳେ ଆଡଭୋକେଟ ମାନେ ମୁଖ୍ୟ ବିଚାରପତିଙ୍କୁ ବାରମ୍ବାର ମାଇଁ ଲର୍ଡ କିମ୍ବା ୟୋର ଲର୍ଡସିପ ବୋଲି ସମ୍ବୋଧନ କରିଥାନ୍ତି । କିନ୍ତୁ ଏହା ଓପରେ ଅସନ୍ତୋଷ ପ୍ରକାଶ କରିଛନ୍ତି ସୁପ୍ରିମ କୋର୍ଟର ମୁଖ୍ୟ ବିଚାରପତି ପିଏସ୍. ନରସିଂହ । ବୁଧବାର ଏକ ମାମଲାର ଶୁଣାଣି ସମୟରେ ବରିଷ୍ଠ ପ୍ରଧାନ ବିଚାରପତି ଜଷ୍ଟିସ୍ ଏସ୍ ବୋପାନ୍ନାଙ୍କ ସହ ବେଞ୍ଚରେ ବସିଥିବା ଜଷ୍ଟିସ୍ ପିଏସ୍ ନରସିଂହ ଜଣେ ବରିଷ୍ଠ ଆଡଭୋକେଟ୍ଙ୍କୁ ନିର୍ଦ୍ଦେଶ ଦେଇଛନ୍ତି । ସେ କହିଛନ୍ତି ମାଇଁ ଲର୍ଡ଼ର ଅର୍ଥ ହେଉଛି ‘ମୋର ପ୍ରଭୁ’ ତେଣୁ କୌଣସି ମଣିଷକୁ ପ୍ରଭୁ କହି ସମ୍ବୋଧନା କରିବା ଯୁକ୍ତିଯୁକ୍ତ ନୁହେଁ । ତୁମେ କେତେଥର ‘ମୋର ପ୍ରଭୁ’ କହିବେ? ଯଦି ତୁମେ ଏହା କହିବା ବନ୍ଦ କର, ତେବେ ମୁଁ ମୋର ବେତନର ଅଧା ଦେବି । ଏହାସହ ସେ କହିଛନ୍ତି ଯେ ତୁମେ ଏହା ବଦଳରେ କାହିଁକି ସାର ବ୍ୟବହାର କରୁନାହଁ? ଜଷ୍ଟିସ ନରସିଂହ ପରାମର୍ଶ ଦେଇଛନ୍ତି ଯେ ଯଦି ସେ ତାହା ନକରନ୍ତି ତେବେ ସେ କେତେ କେତେଥର ମାଇଁ ଲର୍ଡ କହିଛନ୍ତି ତାହା ଗଣନା କରାଯିବ । ବାର୍ କାଉନସିଲ୍ ଅଫ୍ ଇଣ୍ଡିଆ ୨୦୦୬ ରେ ଏକ ସଂକଳ୍ପ ଅନୁମୋଦନ କରି କହିଛି ଯେ କୈାଣସି ପରାମର୍ଶଦାତା ବିଚାରପତିଙ୍କୁ “ମାଇଲର୍ଡ” କିମ୍ବା “ୟୋରଲର୍ଡ” ଭାବରେ ସମ୍ବୋଧିତ କରିବେ ନାହିଁ, ତଥାପି ଏହା ଅଭ୍ୟାସରେ କାର୍ଯ୍ୟକାରୀ କରାଯାଇ ନାହିଁ ।
