ଓୱେସୀଙ୍କୁ ଝଟକା: ଆରଜେଡିରେ ମିଶିଲେ ୪ ବିଧାୟକ
1 min read
ପାଟନା :ଏଆଇଏମ୍ଆଇଏମ୍ ମୁଖ୍ୟ ଅସଉଦ୍ଦିନ ଓୱେସୀଙ୍କୁ ଆଜି ବଡ ଝଟକା ଲାଗିଛି । ଅୱେସୀଙ୍କ ଦଳର ୪ ଜଣ ବିଧାୟକ ଆଜି ଆର୍ଜେଡିରେ ଯୋଗ ଦେଇଛନ୍ତି । ଦଳ ଛାଡିଥିବା ଦୁଇ ବିଧାୟକ ହେଉଛନ୍ତି , ଶାହାନୱାଜ ଅଲାମ (ଜୋକିହାଟ),ଅନଜାର ନୟିମୀ (ବାହାଦୁରପୁର) ,ଇଜହାର ଅସଫି (କୋଚାଧମନ)ଏବଂ ସୟଦ ରୁକନୁଦ୍ଦିନ ଅହମଦ (ବୈସ) ଏବେ କେବଳ ଜଣେ ବିଧାୟକ ଅଖତାରଉଲ ଇମାନ ବିହାରରେ ଓୱେସୀଙ୍କ ଦଳରେ ଅଛନ୍ତି ।
ଏଆଇଏମ୍ଆଇଏମ୍ର ୪ ବିଧାୟକ ଆର୍ଜେଡିରେ ଯୋଗ ଦେବା ସହ ଆରଜେଡିର ବିଧାୟକଙ୍କ ସଂଖ୍ୟା ୮୦ କୁ ବୃଦ୍ଧି ପାଇଛି । ବିହାରରେ ବିଜେପି ପରେ ଆର୍ଜେଡି ଏବେ ସବୁଠାରୁ ବଡ ଦଳ । ଆଜି ଦିନରେ ୪ ଏଆଇଏମ୍ଆଇଏମ୍ ବିଧାୟକ ବିରୋଧି ଦଳ ନେତା ତେଜସ୍ୱୀ ଯାଦବଙ୍କ ସହ ମିଶି ବିହାର ବିଧାନସଭା ବାଚସ୍ପତି ବିଜୟ କୁମାର ସ୍ନିହାଙ୍କୁ ଭେଟିଥିଲେ ଏବଂ ସେମାନେ ଆରଜେଡିରେ ଯୋଗ ଦେବାକୁ ଚାହୁଛନ୍ତି ବୋଲି କହିଥିଲେ ।
ଆରଜେଡିରେ ସାମିଲ ହେବା ପରେ ସେମାନେ ୧୦ ସର୍କୁଲାର ରୋଡ ସ୍ଥିତ ଆର୍ଜେଡି ନେତ୍ରୀ ରାବ୍ରୀ ଦେବୀଙ୍କ ବାସ ଭବନରେ ପହଞ୍ଚିଥିଲେ । ତେଜସ୍ୱୀ ସେମାନଙ୍କୁ ନିଜ ମାଙ୍କ ସହ ପରିଚୟ କରାଇଥିଲେ । ଉଲ୍ଲେଖେଯାଗ୍ୟ,୨୦୨୦ ବିଧାନସଭା ନିର୍ବାଚନରେ ଏଆଇଏମ୍ଆଇଏମ୍ ପ୍ରଥମ ଥର ପାଇଁ ବିହାରରେ ସୀମାଞ୍ଚଳରେ ୫ ଟି ଆସନରେ ଜିତିଥିଲା ।
