ଦିୱାଲୀ ପର୍ବ କାହିଁକି ପାଳନ କରାଯାଏ? ଜାଣନ୍ତୁ ଏହି ପର୍ବ ସମ୍ବନ୍ଧୀୟ ପୈାରାଣିକ କାହାଣୀ…
1 min read
ଆମେ ସସସ୍ତେ ଜାଣୁ ଯେ ପ୍ରତିବର୍ଷ କାର୍ତ୍ତିକ ମାସର କୃଷ୍ଣ ପକ୍ଷ ଅମାବାସ୍ୟା ତିଥିରେ ଦିପାବଳୀ ପର୍ବ ପାଳନ କରାଯାଏ । ଏହି ଦିନ ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କର ଉପାସନାର ବିଶେଷ ମହତ୍ୱ ରହିଛି । ଆପଣ ମାନେ ନିଶ୍ଚିତ ଜାଣିଥିବେ ଯେ ଦିପାବଳୀ ପାଳନ କରାଯାଏ। ଦିପାବଳୀ ଦିନ ପ୍ରଭୁ ଶ୍ରୀରାମ ଚନ୍ଦ୍ର ପିତୃସତ୍ୟ ପାଳନ ପୂର୍ବକ ୧୪ବର୍ଷ ବନବାସ ସମାପ୍ତ କରି ଅଯୋଧ୍ୟା ଫେରିଥିଲେ । କିନ୍ତୁ ଆପଣମାନଙ୍କ ମଧ୍ୟରୁ ଖୁବ କମ ଲୋକ ଜାଣିଥିବେ ଯେ ଏହିଦିନ ପାଣ୍ଡବ ମାନେ ମଧ୍ୟ ୧୩ ବର୍ଷ ନିର୍ବାସନ ସାରି ଘରକୁ ଫେରିଥିଲେ ବୋଲି । ତେବେ ଆସନ୍ତୁ ଜାଣିବା ଯେ ଦୀପାବଳି ପର୍ବ ସହିତ ଆଉ କେଉଁ କାହାଣୀ ଶାସ୍ତ୍ରରେ ବର୍ଣ୍ଣନା କରାଯାଇଛି ।
ଧାର୍ମିକ ଗ୍ରନ୍ଥ ଅନୁଯାୟୀ, କାର୍ତ୍ତିକ ମାସର ଅମାବାସ୍ୟା ଦିନ ପ୍ରଭୁ ଶ୍ରୀ ରାମ ୧୪ ବର୍ଷ ନିର୍ବାସିତ ସମୟ ସମାପ୍ତ କରିବା ପରେ ନିଜ ଜନ୍ମସ୍ଥାନ ଅଯୋଧ୍ୟା ସହରକୁ ଫେରିଥିଲେ । ଏହି ଅବସରରେ ଅଯୋଧ୍ୟା ର ସମସ୍ତ ଲୋକ ପ୍ରଭୁ ଶ୍ରୀ ରାମଙ୍କୁ ଆଲୋକ ଉତ୍ସବର ଆୟୋଜନ କରି ସ୍ୱାଗତ କରିଥିଲେ । ସେହିଦିନ ଠାରୁ କାର୍ତ୍ତିକ ମାସର ଅମାବାସ୍ୟା ତିଥିରେ ପ୍ରତିବର୍ଷ ଦିପାବଳୀ ପର୍ବ ପାଳନ କରାଯାଏ । ଏହା ସହିତ ଘର ଏବଂ ଆଖପାଖ ସ୍ଥାନଗୁଡିକ ମଧ୍ୟ ଆଲୋକରେ ସଜାଯାଏ । ଆଉ ଶ୍ରୀରାମଙ୍କ ଫେରିବା ନେଇ ଯେପରି ଅଯୋଧ୍ୟା ବାସୀ ଖୁସି ମନାଇଥିଲେ, ସେହିପରି ସମସ୍ତେ ଦୀପାବଳୀରେ ବାଣ ଫୁଟାଇ ଖୁସି ମନାଇଥାନ୍ତି ।
ସେହିପରି ମହାଭାରତରେ ମଧ୍ୟ କାର୍ତ୍ତିକ ମାସର ଅମାବାସ୍ୟାରେ ପାଣ୍ଡବ ୧୩ ବର୍ଷ ନିର୍ବାସନ ସମାପ୍ତ କରିବା ପରେ ନିଜ ଘରକୁ ଫେରି ଆସିଥିଲେ । କୈାରବ ମାନଙ୍କ ସହ ଜୁଆ ଖେଳରେ ପରାସ୍ତ ହେବା ପରେ କୈାରବମାନେ ତାଙ୍କୁ ୧୩ ବର୍ଷ ନିର୍ବାସନରେ ଦଣ୍ଡିତ କରିଥିଲେ । ଯେଉଁଥିପାଇଁ ସେମାନେ ବନବାସରେ ହେି ଦିନ କାଟିଥଥରଲେ । ଆଉ ଯେଉଁଦିନ ପାଣ୍ଡବମାନେ ଘରକୁ ଫେରିଥିଲେ, ସେଦିନ ସହରବାସୀ ସେମାନଙ୍କ ଆଗମନକୁ ପାଳନ କରିବା ପାଇଁ ଆଲୋକର ପର୍ବରେ ସ୍ୱାଗତ କରିଥିଲେ । ସେହି ଦିନଠାରୁ ଦିୱାଲୀ ପର୍ବ ପାଳନ କରାଯାଇଥିବାର ବିଶ୍ୱାସ କରାଯାଏ ।
ଏହା ବ୍ୟତୀତ ଶାସ୍ତ୍ରରେ ଏକ ବର୍ଣ୍ଣନା ଅଛି ଯେ ଯେତେବେଳେ ଦେବତା ଏବଂ ରାକ୍ଷସ ମାନେ ସମୁଦ୍ର ମନ୍ଥନ କରୁଥିଲେ ।ସେମଧ୍ୟରୁ ୧୪ ଟି ରତ୍ନ ଜନ୍ମ ହେଲା ଏବଂ ମା’ ଲକ୍ଷ୍ମୀ ମଧ୍ୟ ଜନ୍ମ ନେଇଥିଲେ । ବିଶ୍ୱାସ କରାଯାଏ ଯେ କାର୍ତ୍ତିକ ମାସର ଅମାବାସ୍ୟାରେ ଦେବୀ ଲକ୍ଷ୍ମୀ ଜନ୍ମ ହୋଇଥିଲେ । ତେଣୁ ଦୀପାବଳି ଦିନ ଭଗବାନ ଗଣେଶ ଏବଂ ମାତା ଲକ୍ଷ୍ମୀଙ୍କୁ ପୂଜା କରାଯାଏ । ଧାର୍ମିକ ବିଶ୍ୱାସ ଅନୁଯାୟୀ, ଏହି ଦିନ ଦେବୀ ଲକ୍ଷ୍ମୀଙ୍କୁ ପୂଜା କରିବା ଦ୍ୱାରା ସୁଖ, ସମୃଦ୍ଧତା, ଧନ, ଖ୍ୟାତି ଆସିଥାଏ ଏବଂ ଭକ୍ତମାନଙ୍କର ସମସ୍ତ ଇଚ୍ଛା ପୂରଣ ହୁଏ ।
