ଅସୁରକ୍ଷିତ ଜୋ ବାଇଡେନଙ୍କ ନାତୁଣୀ ନାଓମି, ଗାଡି ଉପରକୁ ଗୁଳି ଚଳାଇଲେ ୩ ଅଜଣା ବ୍ୟକ୍ତି…
1 min read
ଅସୁରକ୍ଷିତ ଅଛନ୍ତି ବାଇଡେନଙ୍କ ନାତୁଣୀ । ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ନାତୁଣୀ ନାଓମିଙ୍କ ସୁରକ୍ଷାରେ ଆସିଲା ବଡ ତ୍ରୁଟି । ସୁରକ୍ଷା ଅଭାବରୁ ତିନି ଜଣ ଅଜଣା ଲୋକ ନାଓମିଙ୍କ କ୍ଷତି ଘଟାଇବା ପାଇଁ ଚେଷ୍ଟା କରିଥିଲେ । ହେଲେ ସୈାଭାଗ୍ୟ ବଶତଃ ନାଓମିଙ୍କ କିଛି କ୍ଷତି ହୋଇନାହିଁ । ତେବେ ଦୁବୁର୍ତ୍ତ ମାନେ ନାଓମିଙ୍କ ଏସୟୁଭି ଗାଡ଼ିର ଝରକା ଭାଙ୍ଗିବାକୁ ଚେଷ୍ଟା କରିଥିଲେ । ଯାହାପରେ ନାଓମିଙ୍କ ସୁରକ୍ଷାରେ ମୁତୟନ ଥିବା ସିକ୍ରେଟ୍ ସର୍ଭିସ ଏଜେଣ୍ଟମାନେ ଗୁଳି ଚଳାଇଥିଲେ ।
ଖବର ଅନୁଯାୟୀ, ରବିବାର ବିଳମ୍ବିତ ରାତିରେ ଜର୍ଜେଟାଉନ୍ ଅଞ୍ଚଳରେ ଏହି ଘଟଣା ଘଟିଥିଲା । ଯେଉଁଠାରେ, ନାଓମି ବିଡେନଙ୍କୁ ସୁରକ୍ଷା ସେବାରେ ନିୟୋଜିତ ଗୁପ୍ତ ସେବା ଏଜେଣ୍ଟମାନେ ସାଙ୍ଗରେ ନେଇଥିଲେ । ଏହି ସମୟରେ, ତିନି ଜଣ ଅଜଣା ବ୍ୟକ୍ତି ପାର୍କିଂ ହୋଇଥିବା ନାଓମିଙ୍କ ଏସୟୁଭିରେ ପହଞ୍ଚି ଗ୍ଲାସ ଭାଙ୍ଗି କାର ଭିତରକୁ ଯିବାକୁ ଚେଷ୍ଟା କରିଥିଲେ । ଏହା ଦେଖି ସେଠାରେ ନିୟୋଜିତ ସୁରକ୍ଷାକର୍ମୀମାନେ ସେମାନଙ୍କ ଉପରକୁ ଗୁଳି ଚଳାଇଥିଲେ । ଫଳରେ ଏହି ତିନି ଆକ୍ରମଣକାରୀ ମାନେ ସେଠାରୁ ଚମ୍ପଟ ମାରିଥିଲେ । ପରେ ଏହି ଘଟଣା ସମ୍ପର୍କରେ ସୂଚନା ଦେଇ ସିକ୍ରେଟ୍ ସର୍ଭିସ ଏଜେଣ୍ଟ କହିଛନ୍ତି ଯେ ଜଣେ ସୁରକ୍ଷା ଏଜେଣ୍ଟ ଗୁଳି ଚଳାଇଥିଲେ ମଧ୍ୟ କେହି ଆହତ ହୋଇନାହାଁନ୍ତି । ତିନିଜଣ ସଙ୍ଗେ ସଙ୍ଗେ ଏକ ନାଲି କାରରେ ପଳାଇ ଯାଇଥିଲେ । ବର୍ତ୍ତାମାନ ସେମାନଙ୍କୁ ଧରିବା ପାଇଁ ଚେଷ୍ଟା ଚାଲିଛି ।
