ଜୀବିତ ପ୍ରମାଣ ପତ୍ର ଦେବାକୁ ଯାଇ ନିଖୋଜ ହେଲେ ପ୍ରଦ୍ୟୁମ୍ନ,ଖୋଜି ଆଣିବାକୁ ଗୁହାରି କଲେ ପତ୍ନୀ…
1 min read
ଜୀବିତ ପ୍ରମାଣ ପତ୍ର ଦେବାକୁ ଯାଇ ବାଟରୁ କୁଆଡେ ଗାୟବ ହୋଇଗଲେ ପ୍ରଦୂମ୍ନ । ସରକାରୀ ଚାକିରୀ ଅବସର ନେଇଥିଲେ ଅବସର । ଆଉ ପେନସନ ପାଇବା ପାଇଁ ନିଜର ପ୍ରମାଣ ପତ୍ର ଧରି ଯାଉଥିଲେ ଭୁବନେଶ୍ୱର । ହେଲେ ଅଧାବାଟରୁ ପ୍ରଦ୍ୟୁମ୍ନ କୁଆଡେ ନିଖୋଜ ହୋଇଗଲେ ଯେ ଏଯାଏ ତାଙ୍କର ପତ୍ତା ମିଳୁନାହିଁ । ଏଣେ ନିଖୋଜ ସ୍ୱାମୀର ଫେରିବା ବାଟକୁ ଚାହିଁ ରହିଛି ପତ୍ନୀ ଓ ପୁଅ ।
ସୂଚନା ମୁତାବିକ ଝାରଖଣ୍ଡର ପ୍ରଦ୍ୟୁମ୍ନ କୁମାର ମଣ୍ଡଳ ପ୍ରଦ୍ୟୁମ୍ନ କୁମାର ମଣ୍ଡଳ ଦୀର୍ଘ ୧୨ ବର୍ଷ ହେବ ଭଦ୍ରକ ଅପର୍ତ୍ତୀ ବିନ୍ଧା ରେ ଘର ଭଡା ନେଇ ରହିଆସୁଛନ୍ତି । ସେ ଭଦ୍ରକ ରାଣୀତାଲ ସ୍ଥିତ କୃଷି କାର୍ଯ୍ୟାଳୟରେ କାର୍ଯ୍ୟରତ ଥିଲେ । ଆଉ ଅବସର ପରେ ଭଦ୍ରକରେ ରହୁଥିଲେ । ତେବେ ତାଙ୍କର ପେନସନ ପାଇଁ ଜୀବିତ ପ୍ରମାଣ ପତ୍ର ଆବଶ୍ୟକ ହୋଇଥିଲା । ଯାହାକୁ ଦେବା ପାଇଁ ପ୍ରଦ୍ୟୁମ୍ନ ତାଙ୍କ ପତ୍ନୀଙ୍କୁ ଧରି ଭୁବନେଶ୍ୱର କାର୍ଯ୍ୟାଳୟକୁ ଯାଉଥିଲେ । ହେଲେ ଭୁବନେଶ୍ୱର ଠାରେ ବସରୁ ଓହ୍ଲାଇ ସେ କେଉଁଆଡେ ନିଖୋଜ ହୋଇଯାଇଥିଲେ । ବହୁ ଖୋଜା ଖୋଜି କରିବା ପରେ ମଧ୍ୟ ପାଇନଥିଲେ ଘରଲୋକ । ପରେ ଏ ନେଇ ଥାନାରେ ଏକ ଅଭିଯୋଗ ହୋଇଥିଲେ ମଧ୍ୟ ଆଜିକୁ ୧୦ ଦିନ ହେଲାଣି ପ୍ରଦ୍ୟୁମ୍ନଙ୍କର କୌଣସି ଖବର ମିଳିନାହିଁ । ସେପଟେ ପ୍ରଦ୍ୟୁମ୍ନଙ୍କର ମାନସିକ ସ୍ଥିତି ଠିକ ନଥିବା କହିଛନ୍ତ ପତ୍ନୀ ମିନା ମଣ୍ଡଳ । ଯଦି କେଉଁ ବ୍ୟକ୍ତି ପ୍ରଦ୍ୟୁମ୍ନ ଙ୍କ ଖବର ପାଆନ୍ତି ତେବେ ଏହି ଏହି ନମ୍ବର ରେ ଯୋଗାଯୋଗ କରିବା ପାଇଁ କହିଛନ୍ତି ।
