କାହିଁକି ମେହେନ୍ଦୀପୁର ବାଲାଜୀଙ୍କୁ କୁହାଯାଏ ଚତ୍ମକାରିତା ମନ୍ଦିର ? ଜାଣନ୍ତୁ ମନ୍ଦିର ପଛର ଇତିହାସ..
1 min read
ଭାରତକୁ ମନ୍ଦିରର ଦେଶ କୁହାଯାଏ । ଏଠାରେ ଲକ୍ଷ ଲକ୍ଷ ମନ୍ଦିର ଅଛି । କିନ୍ତୁ ଭକ୍ତମାନେ କିଛି ମନ୍ଦିର ଉପରେ ଗଭୀର ବିଶ୍ୱାସ କରନ୍ତି । ଯେଉଁଥିପାଇଁ କିଛି ମନ୍ଦିରଗୁଡିକ ସାରା ବିଶ୍ୱରେ ପ୍ରସିଦ୍ଧ ଅଟେ । ତେବେ ଏହିପରି ଗୋଟିଏ ମନ୍ଦିର ହେଉଛି ରାଜସ୍ଥାନର ଦୌସା ଜିଲ୍ଲାର ପ୍ରଭୁ ହନୁମାନଙ୍କ ଅଟେ । ଯାହାକୁ ମେହେନ୍ଦୀପୁର ବାଲାଜୀ ମନ୍ଦିର କୁହାଯାଏ । ଏହାକୁ ଚମତ୍କାର ମନ୍ଦିର ବୋଲି କୁହାଯାଏ । ତେବେ ଏହି ମନ୍ଦିର ପଛରେ ଅନେକ କାହାଣୀ ରହିଛି । ବିଶ୍ୱାସ କରାଯାଏ ଯେ କଳା ଯାଦୁ ଏବଂ ମନ୍ଦ ଆତ୍ମା ଦ୍ୱାରା ପୀଡ଼ିତ ଲୋକମାନେ ଏଠାରେ ସୁସ୍ଥ ହୋଇଥାନ୍ତି । ଆଉ ଏକ ବିଶ୍ୱାସ ମଧ୍ୟ ଅଛି ଯେ ଯଦି ଜଣେ ବ୍ୟକ୍ତି ଦୀର୍ଘ ସମୟ ଧରି ଅସୁସ୍ଥ ଥାଏ କିମ୍ବା କୌଣସି ଔଷଧ ତାଙ୍କ ଉପରେ ପ୍ରଭାବ ପକାଇବ ନାହିଁ, ତେବେ ଏହି ମନ୍ଦିରକୁ ଆସିବା ପରେ ଲୋକମାନେ ଏହି ରୋଗରୁ ମୁକ୍ତି ପାଆନ୍ତି । ହନୁମାନଙ୍କୁ ସଙ୍କଟମୋଚନ ବୋଲି କୁହାଯାଏ, ଯାହା ଏହି ମନ୍ଦିରକୁ ଆସିବା ପରେ ସତ୍ୟ ପ୍ରମାଣିତ ହୋଇଥିବା ଜଣାପଡିଛି । ବର୍ଷସାରା ଏହି ମନ୍ଦିରରେ ଦେଶର ବିଭିନ୍ନ ସ୍ଥାନରୁ ଭକ୍ତଙ୍କ ଭିଡ ଜମିଥାଏ ।
ବାଲାଜୀ ମନ୍ଦିରର କଣ ରହିଛି ଧାର୍ମିକ ଗୁରୁତ୍ୱ?
ମେହେନ୍ଦୀପୁର ବାଲାଜୀ ଦେଶରେ ଥିବା ପ୍ରଭୁ ହନୁମାନଙ୍କ ବୃହତ୍ତମ ମନ୍ଦିର ବୋଲି କୁହାଯାଏ । ମେହେନ୍ଦୀପୁର ବାଲାଜୀରେ ସଙ୍କଟମୋଚନଙ୍କୁ ପ୍ରତିଦିନ ପୂଜା କରାଯାଏ, କିନ୍ତୁ ପ୍ରତ୍ୟେକ ମଙ୍ଗଳବାର ଏବଂ ଶନିବାର ଦିନ ପୁରୋହିତ ଏବଂ ଭକ୍ତମାନେ ଏହି ମନ୍ଦିରରେ ବିଶେଷ ଉପାସନା କରନ୍ତି ଏବଂ ଉପବାସ କରନ୍ତି । ଯେଉଁଥିପାଇଁ ମଙ୍ଗଳବାର ଏବଂ ଶନିବାର ଦିନ ଏହି ମନ୍ଦିରରେ ଶ୍ରଦ୍ଧାଳୁଙ୍କ ବହୁତ ଭିଡ଼ ଜମିଥାଏ । କୁହାଯାଏ ଯେ ଯଦି ଏହି ମନ୍ଦିରରେ କୌ ଣସି ନକାରାତ୍ମକ ଶକ୍ତି ଦ୍ୱାରା କେହି ପ୍ରଭାବିତ ହୁଅନ୍ତି, ତେବେ ପ୍ରଭୁ ହନୁମାନଙ୍କ ଦର୍ଶନ ପାଇବା ପରେ ପ୍ରଭାବିତ ବ୍ୟକ୍ତି ଏଥିରୁ ମୁକ୍ତି ପାଆନ୍ତି ।
କ’ଣ କହୁଛି ବାଲାଜୀ ମନ୍ଦିରର ଇତିହାସ :
ଅରାବଳୀ ପର୍ବତ ଉପରେ ନିର୍ମିତ ଏହି ମନ୍ଦିର ଏକ ହଜାର ବର୍ଷ ପୁରୁଣା ବୋଲି କୁହାଯାଏ । ଦୁଇଟି ପାହାଡ ମଧ୍ୟରେ ନିର୍ମିତ ଏହି ମନ୍ଦିରଟି ସୁନ୍ଦର ଏବଂ ଏହା ମଧ୍ୟ ହିନ୍ଦୁମାନଙ୍କର ଏକ ପବିତ୍ର ଧାର୍ମିକ ସ୍ଥାନଅଟେ । ଯେଉଁଠାରେ ପ୍ରଭୁ ହନୁମାନଙ୍କ ସ୍ୱତନ୍ତ୍ର ଉପାସନା ଓ ପୂଜା କରାଯାଇଥାଏ । କୁହାଯାଏ ଯେ ଏହି ମନ୍ଦିରରୁ କେହି ଖାଲି ହାତରେ ଫେରନ୍ତି ନାହିଁ । ଭକ୍ତମାନଙ୍କର ସମସ୍ତ ଇଚ୍ଛା ପୂରଣ କରନ୍ତି ପ୍ରଭୁ ହନୁମାନ ।
ମେହେନ୍ଦୀପୁର ବାଲାଜୀ ମନ୍ଦିରରେ କିପରି ପହଞ୍ଚିବେ?
ରାଜସ୍ଥାନର ଦୌସା ଜିଲ୍ଲାର ପ୍ରଭୁ ହନୁମାନଙ୍କର ଏହି ପ୍ରସିଦ୍ଧ ମନ୍ଦିର ବସ୍, ଟ୍ରେନ୍, ଟ୍ୟାକ୍ସି ଏବଂ ଫ୍ଲାଇଟ ଦ୍ୱାରା ମେହେନ୍ଦୀପୁର ବାଲାଜୀ ମନ୍ଦିରକୁ ସହଜରେ ଯାଇପାରିବ । ଦିଲ୍ଲୀରୁ ମନ୍ଦିରର ଦୂରତା ପ୍ରାୟ ୨୫୦ କିଲୋମିଟର । ଦେଶର ସମସ୍ତ କୋଣରୁ ମନ୍ଦିରରେ ସମସ୍ତ ପରିବହନ ସୁବିଧା ଉପଲବ୍ଧ ।
